នាព្រឹក ថ្ងៃទី២៧ ខែកញ្ញា ឆ្នាំ២០២៣ លោកវរសេនីយ៍ត្រី ហង្ស ណារិទ្ធ មេបញ្ជាការមូលដ្ឋានអាវុធហត្ថខណ្ឌជ្រោយចង្វារ បានចាត់តំណាងប្រគល់ថវិកាដែលប្រមូលបានពី នាយ-នាយរង នៃអាវុធហត្ថខណ្ឌជ្រោយចង្វារ ក្នុងស្មារតីសាមគ្គីភាព សរុបចំនួន ៣,០៤០,០០០រៀល (បីលានបួនម៉ឺនរៀល) ចូលរួមរំលែកទុក្ខដ៏ក្រៀមក្រំដល់គ្រួសារ លោកអនុសេនីយ៍ទោ ជន ប៊ុនថេន ជំនួយការ
មូលដ្ឋានខណ្ឌ ដែលឪពុករបស់លោកបានទទួលមរណៈភាព កាលពីថ្ងៃទី២៩ ខែសីហា ឆ្នាំ២០២៣ ក្នុងជន្មាយុ ៨៩ឆ្នាំ ដោយជរាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕
Related Articles
លិខិតអបអរសាទរឯកឧត្តមវេងសាខុនជូនចំពោះសម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពជា
លិខិតអបអរសាទរឯកឧត្តមវេងសាខុនរដ្ឋមន្រ្តីក្រសួងកសិកម្មរុក្ខាប្រមាញ់ជូនចំពោះសម្តេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា។
រដ្ឋបាលខេត្តព្រៃវែង សូមបង្ហាញអត្តសញ្ញាណមនុស្សម្នាក់ មកពីភ្នំពេញ រស់នៅស្រុកមេសាង ត្រូវបានរកឃើញថាវិជ្ជមានជំងឺកូវីដ-១៩ បន្ទាប់ពីបានធ្វើតេស្តរហ័ស ( Rapid Test ) បច្ចុប្បន្នស្នាក់នៅមន្ទីរពេទ្យបង្អែកស្រុកមេសាង
រដ្ឋបាលខេត្តព្រៃវែង សូមបង្ហាញអត្តសញ្ញាណមនុស្សម្នាក់ មកពីភ្នំពេញ រស់នៅស្រុកមេសាង ត្រូវបានរកឃើញថាវិជ្ជមានជំងឺកូវីដ-១៩ បន្ទាប់ពីបានធ្វើតេស្តរហ័ស ( Rapid Test ) បច្ចុប្បន្នស្នាក់នៅមន្ទីរពេទ្យបង្អែកស្រុកមេសាង។ សូមបញ្ជាក់ផងដែរថា អ្នកជំងឺឈ្មោះ ចុន ជីន ភេទស្រី អាយុ ៣៨ឆ្នាំ មកពីភ្នំពេញ ( ភូមិទួលពង្រ សង្កាត់ចោមចៅទី១ ខ័ណ្ឌពោធិ៍សែនជ័យ ជាតំបន់ក្រហម🔴) ជាកម្មការនីរោងចក្រកាត់ដេរបានមកដល់ផ្ទះក្នុង ភូមិជីផុច ឃុំជីផុច ស្រុកមេសាង វេលាម៉ោង ២រសៀល ថ្ងៃទី០៧ ខែឧសភា ឆ្នាំ២០២១នេះ។ ដំបូងឡើយ អ្នកជំងឺនេះ មានអារម្មណ៍មិនស្រួលខ្លួន គាត់ក៏បានហៅពេទ្យមកពិនិត្យនៅផ្ទះ តែកម្តៅនៅបន្តឡើងក្តៅដដែល ហេតុនេះលោកគ្រូពេទ្យបានបញ្ជូនគាត់ទៅមន្ទីរពេទ្យបង្អែកស្រុកដើម្បីពិនិត្យបន្ថែម។ ពេលនោះ ដោយមានការសង្ស័យខ្ពស់ លោកគ្រូពេទ្យបានធ្វើតេស្តរហ័ស ( Rapid Test ) ជាលទ្ធផលគឺវិជ្ជមាន។ ជាមួយគ្នានេះ រដ្ឋបាលខេត្ត ក៏សូមអំពាវនាវដល់ប្រជាពលរដ្ឋ ដែលធ្លាប់ប្រាស្រ័យទាក់ទងផ្ទាល់ ឬប្រយោលជាមួយអ្នកជំងឺកូវីដ-១៩ខាងលើ ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងចូលរួមយកសំណាកនៅមណ្ឌលសុខភាព ឬមន្ទីរពេទ្យបង្អែកស្រុក […]
ឯកឧត្ដមវេជ្ជបណ្ឌិត ញា ប៊ុនថន រួមជាមួយមន្រ្តីបច្ចេកទេស បានចុះពិនិត្យស្ថានភាពមន្ទីរពេទ្យបង្អែក មណ្ឌលសុខភាព ដែលកំពុងរងផលប៉ះពាល់ដោយសារជំនន់ទឹកភ្លៀង
(កំពត) ៖ នាថ្ងៃព្រហស្បតិ៍ ៥កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ បន្ទាប់ពីទទួលបានការណែនាំដ៏ខ្ពង់ខ្ពស់របស់ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ឯកឧត្ដមវេជ្ជបណ្ឌិត ពាស់ មូស្លីម អនុរដ្ឋលេខាធិការក្រសួងសុខាភិបាល និងមានការអញ្ជើញចូលរួមដោយ ឯកឧត្ដមវេជ្ជបណ្ឌិត ញា ប៊ុនថន ប្រធានមន្ទីរសុខាភិបាលនៃរដ្ឋបាលខេត្តកំពត រួមជាមួយមន្រ្តីបច្ចេកទេស បានចុះពិនិត្យស្ថានភាពមន្ទីរពេទ្យបង្អែក មណ្ឌលសុខភាព ដែលកំពុងរងផលប៉ះពាល់ដោយសារជំនន់ទឹកភ្លៀង។ ក្នុងឱកាសនោះដែរ ឯកឧត្តមវេជ្ជបណ្ឌិត បានពិនិត្យពីអគារមួយទៅអគារមួយ ឃើញថាស្ថានភាពទឹកលិចចូលក្នុងអគារទាំងអស់ កំពស់ទឹក ៩០ សង់ទីម៉ែត្រ ដែលមានលក្ខណ:ហូរខ្លាំងមធ្យម ដោយត្រូវរៀបចំ ឱសថ ឧបករណ៍បរិក្ខាពេទ្យ ទូរវ៉ាក់សាំង និងឯកសារផ្សេងៗទាំងអស់ ដាក់លើធ្នើខ្ពស់ផុតពីទឹក មានការខូចខាតតិចតួច ហើយសម្រាប់ទីតាំងមន្ទីរពេទ្យពុំអាចដំណើរការបានទេ ដោយឡែកអ្នកជំងឺកំពុងសម្រាកព្យាបាល និងក្រោយវះកាត់ត្រូវបានដឹកបញ្ជូនទៅកាន់មន្ទីរពេទ្យបង្អែកខេត្តកំពត។ ឆ្លៀតក្នុងឱកាសនោះ នាពេលរសៀលថ្ងៃខែឆ្នាំដដែល ឯកឧត្ដមវេជ្ជបណ្ឌិត ក៏បានឆ្លៀតឈាងចូលទៅពិនិត្យមើលមន្ទីរពេទ្យបង្អែកស្រុកបាទី និងមណ្ឌលសុខភាពត្រពាំងក្រសាំង ខេត្តតាកែវ ផងដែរ។ ឯកឧត្ដមបានពិនិត្យពីស្ថានភាពទឹកនៅទីនោះ […]