ឧត្តមសេនីយ៍ឯក រ័ត្ន ស្រ៊ាង នាំយកថវិកាមូលនិធិមហាគ្រួសារកងរាជអាវុធហត្ថចំនួន ៦០លានរៀល ប្រគល់ជូនគ្រួសារសព លោកវរសេនីយ៍ឯក សេង ឈៀង អតីតមេបញ្ជាការ មូលដ្ឋានកងរាជអាវុធហត្ថខណ្ឌជ្រោយចង្វារ !

ឧត្តមសេនីយ៍ឯក រ័ត្ន ស្រ៊ាង នាំយកថវិកាមូលនិធិមហាគ្រួសារកងរាជអាវុធហត្ថចំនួន ៦០លានរៀល ប្រគល់ជូនគ្រួសារសព លោកវរសេនីយ៍ឯក សេង ឈៀង អតីតមេបញ្ជាការ មូលដ្ឋានកងរាជអាវុធហត្ថខណ្ឌជ្រោយចង្វារ នារសៀលថ្ងៃចន្ទ ទី១៥ ខែមីនា ឆ្នាំ២០២១ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បាននាំយកថវិកាមូលនិធិមហាគ្រួសារកងរាជអាវុធហត្ថ ដែលផ្តួចផ្តើមបង្កើតឡើង ក្រោមការយកចិត្តទុកដាក់គិតគូរខ្ពស់ពីសំណាក់ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេសចំនួន ៦០,០០០,០០០រៀល (ហុកសិបលានរៀល) រួមជាមួយ មី២កេស ភេសជ្ជ:៤កេស ទៅប្រគល់ជូនដល់ គ្រួសារសព លោកវរសេនីយ៍ឯក សេង ឈៀង អតីតមេបញ្ជាការ មូលដ្ឋានកងរាជអាវុធហត្ថខណ្ឌជ្រោយចង្វារ៕

លោក មេឃុំ ជាខ្លាង បានធ្វើតាមការសន្យាកាលពីឆ្នាំ ២០២២ ថានឹងចាក់ផ្លូវបេតុងជូនបងប្អូនប្រជាពលរដ្ឋ ងាយស្រួលក្នុងការធ្វើដំណើរដោយតភ្ជាប់ពីផ្លូវជាតិលេខ ៨ ទៅភូមិព្រែកឬស្សី (Video inside)

ព្រៃវែង៖ លោក ម៉ៃ គីរី ជាមេឃុំជាខ្លាង ស្រុកស្វាយអន្ទរ ខេត្តព្រៃវែង ដែលទើបនឹងជាប់ឆ្នោតនេះ បានធ្វើការសន្យាជូនបងប្អូនប្រជាពលរដ្ឋកាលពីឆ្នាំ ២០២២ ថានឹងចាក់ផ្លូវបេតុង មួយខ្សែនេះសម្រាប់បងប្អូនប្រជាពលរដ្ឋនៅក្នុងភូមិព្រែកឬស្សីក៏ដូចជាភូមិដទៃទៀតធ្វើដំណើរឆ្លងកាត់នៅទីនេះងាយស្រួលក្នុងការធ្វើដំណើរ ជាពិសេសទៀតនោះសម្រាបក្មួយៗ ដែលជាសិស្សានុសិស្ស ងាយស្រួលនឹងបានទាន់ពេលវេលា។  លោក មេឃុំ បានបញ្ចាក់បន្ថែមថា កាលពីមុនផ្លូវនេះពិបាកធ្វើដំណើរ តែងតែដួលកង់ ដួលម៉ូតូជាញឹកញាប់។សូមបញ្ជាក់ផងដែរថាផ្លូវនេះមានប្រវែង ៣ ពាន់ ម៉ែត្រក៏ប៉ុន្តែថវិកាដែលគាត់បានស្នើក្នុងគម្រោង មានកម្រិតដូច្នេះការធ្វើនេះបានតែជាង ៩០០ ម៉ែត្រ សិន និងបន្ត ចាក់បេតុងផ្លូវនេះ ជាបន្តទៀត។ សូមស្តាប់ការបញ្ជាក់របស់លោកមេឃុំជាខ្លាងដូចតទៅ….  IMG_0203 បងប្អូនប្រជាពលរដ្ឋដែលគាត់រស់នៅជាប់នឹងផ្លូវទាំងនោះក៏បានសាទរនិងអំណរអរគុណយ៉ាងជ្រាលជ្រៅចំពោះលោក មេឃុំ ក្រុមប្រឹក្សាឃុំ អាជ្ញាធរទាំងអស់ដែលបានខិតខំយកចិត្តទុកដាក់ ធ្វើចាក់ផ្លូវបេតុងនេះ ងាយស្រួលដល់គាត់ធ្វើដំណើរនៅតាមផ្លូវមួយនេះ។ ហើយគាត់លើកឡើងដែរថាកាលពីមុនផ្លូវនេះមានសភាពពិបាកខ្លាំងណាស់។ សូមស្តាប់ពីអារម្មណ៍បងប្អូនប្រជាពលរដ្ឋដូចតទៅ…. IMG_0204

គម្រោងកម្មវិធីទី៥៖មានឈ្មោះថា”កម្មវិធីជំរុញផលិតកម្មស្រូវនិងនាំចេញអង្ករ (Climate-Resilient Rice Commercialization Sector Development Program – Rice-SDP)

ក្រោមការដឹកនាំរបស់រាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្រ្តី បានដាក់ចេញនូវគោលនយោបាយជាអាទិភាពក្នុងការនាំចេញកសិផលកម្ពុជាទៅកាន់ទីផ្សារអន្តរជាតិ ដែលមានក្រសួងកសិកម្ម រុក្ខាប្រមាញ់ និងនេសាទជាអ្នកអនុវត្ត ដោយរួមសហការជាមួយស្ថាប័នពាក់ព័ន្ធផ្សេងៗទៀត។ ក្រៅពីតួនាទីដ៏ចំបងក្នុងការជំរុញផលិតភាពផលិតកម្មកសិកម្មដើម្បីធានាឲ្យបាននូវសន្តិសុខស្បៀងក្នុងបរិបទនៃការរីករាលដាលនៃជំងឺឆ្លងកូវីដ-១៩ ក្រសួងក៏ត្រូវខិតខំអនុវត្តគោលនយោបាយរបស់រាជរដ្ឋភិបាលក្នុងស្មារតីទទួលខុសត្រូវខ្ពស់ដើម្បីបង្កើនសមត្ថភាពផលិត ធានាបានទាំងបរិមាណ គុណភាព និងសុវត្ថិភាពឲ្យស្របតាមស្តង់ដារតម្រូវរបស់ទីផ្សារអន្តរជាតិក្នុងទិសដៅចំបងគឺបង្កើនបរិមាណ និងប្រភេទមុខដំណាំសម្រាប់ការនាំចេញ។ និយាយពីការនាំចេញ ផលិតផលដំណាំស្រូវបានចូលរួមចំណែកប្រមាណជា ៥០% នៃផលិត ផលកសិកម្ម ហើយប្រាកដណាស់ រាជរដ្ឋាភិបាលបានចាត់ទុកផលិតកម្មនេះថាបានរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច និងសង្គមកម្ពុជានាពេលបច្ចុប្បន្ន ក៏ដូចជាពេលអនាគត។ មិនតែប៉ុណ្ណោះ រាជរដ្ឋាភិបាលបានបង្ហាញឆន្ទ:យ៉ាងមុតមាំថាចង់ប្រែក្លាយប្រទេសកម្ពុជាឲ្យទៅជាជង្រុកស្រូវ និងជាប្រទេសដែលមានសមត្ថភាពនាំចេញស្រូវ -អង្ករដ៏ធំមួយក្នុងចំណោមប្រទេសសមាជិកអាស៊ាន តាមរយៈគោលនយោបាយស្រូវ-អង្ករ។ ដើម្បីសម្រេចគោលនយោបាយនេះក្រសួងកសិកម្ម រុក្ខាប្រមាញ់ និងនេសាទដែលមានអគ្គនាយកដ្ឋានកសិកម្មជាសេនាធិការបានលើកសំណើគម្រោងកម្មវិធីមួយឈ្មោះថា “កម្មវិធីជំរុញផលិតកម្មស្រូវ និងនាំចេញអង្ករ (Rice-SDP)។ តបតាមសំណើ កម្មវិធីនេះត្រូវបានអនុម័តដោយធនាគារអភិវឌ្ឍន៍អាស៊ី (ADB) នៅថ្ងៃទី១៣ ខែវិច្ឆិកា ឆ្នាំ២០១៣ ដែលមានរយ:ពេល ៨ឆ្នាំ (២០១៣-២០២១) ដោយបានទទួលជំនួយហិរញ្ញប្បទានពី ADB និងរាជរដ្ឋាភិបាលកម្ពុជា។យោងតាមរបាយការណ៍ពិស្តាររបស់អគ្គនាយកដ្ឋានកសិកម្ម (ថ្ងៃទី៩ ខែមិថុនា) បានឲ្យដឹងថា៖ Rice-SDP ត្រូវបានអនុវត្តដោយក្រសួងចំនួន ០៤ និងរដ្ឋបាលខេត្តចំនួន ០៣ […]