ព័ត៌មានជាតិ

មានខណ្ឌចំនួន៣ដែលរដ្ឋបាលរាជធានីភ្នំពេញ សម្រេចបិទខ្ទប់ទីតាំងមួយចំនួន ដែលបានឆ្លងជំងឺកូវីដ១៩ធ្ងន់ធ្ងរ

April 10, 2021 adm Comment(0)

(ភ្នំពេញ) ៖ បើតាមសេចក្តីជូនដំណឹងដែលបណ្តាញសារព័ត៌មានទទួលបាន នៅយប់ថ្ងៃទី០៩ ខែមេសា ឆ្នាំ២០២១នេះរដ្ឋបាលរាជធានីភ្នំពេញ បានចេញសេចក្តីជូនដំណឹង អំពីការសម្រេចបិទខ្ទប់ទីតាំងមួយចំនួន ដែលបានឆ្លងជំងឺកូវីដ១៩ធ្ងន់ធ្ងរ នៅក្នុងខណ្ឌចំនួន៣ ក្នុងរាជធានីភ្នំពេញ ក្នុងនោះមានខណ្ឌមានជ័យ ខណ្ឌសែនសុខ និងខណ្ឌពោធិ៍សែនជ័យ។

សូមបញ្ជាក់ថា, សម្រាប់ខណ្ឌមានជ័យ រដ្ឋបាលរាជធានីភ្នំពេញបានសម្រេចខបិទខ្ទប់ សង្កាត់ស្ទឹងមានជ័យ១ និងសង្កាត់ស្ទឹងមានជ័យ២។

សម្រាប់ខណ្ឌសែនសុខ៖ រដ្ឋបាលរាជធានីភ្នំពេញ បានសម្រេចបិទខ្ទប់ភូមិទ្រង់មាន់ នៃសង្កាត់អូរបែកក្អម ខណ្ឌសែនសុខ រាជធានីភ្នំពេញ។

សម្រាប់ខណ្ឌពោធិ៍សែនជ័យ៖ រដ្ឋបាលរាជធានីភ្នំពេញ បិទខ្ទប់ភូមិត្រពាំងថ្លឹង២ និងភូមិទួលពង្រ នៃសង្កាត់ចោមចៅ១, ភូមិចំការឪឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ នៃសង្កាត់ការកាបទី១ និងភូមិចំការឪឡឹក១ នៃសង្កាត់កាកាបទី២ ខណ្ឌពោធិ៍សែនជ័យរាជធានីភ្នំពេញ។
សូមជម្រាបថា, តាមតួលេខនាយប់នេះនៅរោងចក្រ ឌីន ហាន មានចំនួនឆ្លងគួរអោយស្លុត ៕

កម្មវិធីចាក់វីដេអូ

adm

ព័ត៌មានជាតិ

ឯកឧត្តម សួន សុម៉ាលីន អញ្ជើញគោរពវិញ្ញាណក្ខន្ធ ឧបាសិកា ស៊ីវ ប៊ន់ ដែលត្រូវជាម្តាយរបស់ លោក ឌុច គន្ធា អភិបាលរងព្រៃវែង

October 2, 2023October 2, 2023 adm

ព្រៃវែង៖ នៅរសៀលថ្ងៃទី ០១ ខែតុលា ឆ្នាំ២០២៣ ឯកឧត្តម សួន សុម៉ាលីន អភិបាល នៃគណៈអភិបាលខេត្ត បានអញ្ជើញដឹកនាំគណៈប្រតិភូរដ្ឋបាលខេត្តព្រៃវែង ចូលរួមគោរពវិញ្ញាណក្ខន្ធ ឧបាសិកា ស៊ីវ ប៊ន់ ត្រូវជាម្ដាយបង្កើតរបស់ លោក ឌុច គន្ធា អភិបាលរងខេត្តព្រៃវែង ។ ឯកឧត្តម សួន សុម៉ាលីន អភិបាល នៃគណៈអភិបាលខេត្ត បានមានប្រសាសន៍លើកឡើងថាតាងនាមក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំ មន្ដ្រីរាជការ កងកម្លាំងប្រដាប់អាវុធក្នុងខេត្តព្រៃវែង ពិតជាមានក្តីរន្ធត់ក្ដុកក្ដួលរំជួលចិត្តដ៏ក្រៀមក្រំជាទីបំផុត ជាមួយក្រុមគ្រួសារនៃសព ចំពោះមរណភាព ឧបាសិកា ស៊ីវ ប៊ន់ កាលពីវេលាម៉ោង ៦:៣០នាទីល្ងាច ថ្ងៃសៅរ៍ ១រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៣០ ខែកញ្ញា ឆ្នាំ២០២៣ ក្នុងជន្មាយុ ៧៧ឆ្នាំ ដោយរោគាពាធ។ ដំណឹងដ៏រន្ធត់ក្ដុកក្ដួលក្រៀមក្រំជាទីបំផុតនេះ ឯកឧត្ដម អភិបាលខេត្ត […]

ព័ត៌មានជាតិ

ឯកឧត្តម ជា សុមេធី អញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលស្រុកកញ្ជ្រៀចថ្មី

November 17, 2022 adm

(ព្រៃវែង) :ឯកឧត្តម ជា សុមេធី អភិបាលនៃគណ:អភិបាលខេត្តព្រៃវែងនៅថ្ងៃទី១៧ ខែវិច្ឆិកា ឆ្នាំ២០២២ បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលស្រុកកញ្ជ្រៀច ដោយរាជរដ្ឋាភិបាលកម្ពុជា បានចេញអនុក្រឹត្យ សម្រេចតែងតាំងលោក សឿង សុជាតិ ឋានន្តរស័ក្ដិវរមន្រ្ដី ថ្នាក់លេខ៣ ឲ្យកាន់មុខតំណែងជាអភិបាល នៃគណៈអភិបាលស្រុកកញ្ជ្រៀចថ្មី ជំនួសលោក ប៊ិន ជីវ័ន្ត ដែលត្រូវផ្លាស់ប្តូរទៅបំរើការងារជាអភិបាលស្រុកកំចាយមារ ខេត្តព្រៃវែង។ បន្ទាប់ពីប្រគល់ជូនអនុក្រឹត្យ និងត្រារដ្ឋបាលស្រុករួច លោក សឿង សុជាតិ ដែលទើបតែប្រកាសតែងតាំងមុខតំណែងជាអភិបាល នៃគណៈអភិបាលស្រុកកញ្ជ្រៀចថ្មី បានឡើងប្ដេជ្ញាចិត្ត ជូនចំពោះគណៈអធិបតី និងអង្គពិធីទាំងមូល ក្នុងន័យបន្តការបម្រើប្រជាពលរដ្ឋឲ្យកាន់តែម៉ត់ចត់ និងមានប្រសិទ្ធិភាព។ ជាទីបញ្ចប់ ឯកឧត្តមអភិបាលខេត្ត បានណែនាំដល់អភិបាលស្រុកថ្មី និងរដ្ឋបាលគ្រប់លំដាប់ថ្នាក់ក្នុងមូលដ្ឋាន ត្រូវបន្តពង្រឹងផ្ដល់សេវាសាធារណៈជូនប្រជាពលរដ្ឋ និងពង្រឹងសាមគ្គីភាពផ្ទៃក្នុង ចេះគោរពគ្នាទៅវិញទៅមក ដើម្បីប្រសិទ្ធិភាពការងារនៅក្នុងអង្គភាពឲ្យមានគុណភាពកាន់តែល្អប្រសើរ ជាពិសេស ជំរុញការអនុវត្តកម្មវិធីកំណែទម្រង់នានារបស់រាជរដ្ឋាភិបាល និងពង្រឹងសមត្ថភាពមន្រ្តីក្រោមឱវាទក្នុងការបំពេញការងាររដ្ឋបាលប្រចាំថ្ងៃឲ្យកាន់តែល្អប្រសើរបន្ថែមទៀត។

ព័ត៌មានជាតិ

លោក សុខ ពេញវុធ អញ្ជើញដឹកនាំកិច្ចប្រជុំបន្ទាន់ ពាក់ព័ន្ធនឹងវិធានការការពារករណីការឆ្លងរីករាលដាលជំងឺកូវីដ១៩ ចូលក្នុងសហគមន៍ ថ្ងៃ២០ កុម្ភៈ

February 20, 2021February 20, 2021 adm

(ភ្នំពេញ) នៅព្រឹកថ្ងៃទី២០ ខែកុម្ភៈ ឆ្នាំ២០២១ លាម៉ោង ១១,០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានគណៈបញ្ជាការឯកភាពរដ្ឋបាលខណ្ឌ បានកោះអញ្ជើញ លោក លោកស្រីអភិបាលរង លោកអធិការនគរបាលខណ្ឌ លោកមេបញ្ជាការកងរាជអាវុធហត្ថខណ្ឌ លោក លោកស្រីប្រធានការិយាល័យចំណុះជំនាញ លោក លោកស្រីប្រធានគណៈបញ្ជាការឯកភាពរដ្ឋបាលសង្កាត់ទាំង១១ ប្រធានទីរួមផ្សារទាំង៣ និងលោកប្រធានប្រជាការពារខណ្ឌ ដើម្បីប្រជុំបែងចែកតួនាទីភារកិច្ច និងពង្រឹងបន្ថែម អំពីវិធានការរដ្ឋបាល ក៏ដូចជាវិធានការទប់ស្កាត់ការឆ្លងរីករាលដាលនៃជំងឺកូវីដ១៩ ចូលក្នុងសហគមន៍ថ្ងៃទី២០ ខែកុម្ភៈ ឆ្នាំ២០២១នេះ ។ ក្នុងនោះលោកប្រធានគណៈបញ្ជាការឯកភាពរដ្ឋបាលខណ្ឌបានសម្រេចនឹងធ្វើការណែនាំជាគោលការណ៍ដូចខាងក្រោម: -កម្លាំងអធិការដ្ឋាននគរបាលខណ្ឌ, កងរាជអាវុធហត្ថខណ្ឌ និងរដ្ឋបាលសង្កាត់ផ្សារថ្មីទី៣ ត្រូវដាក់កម្លាំងយាមប្រចាំការឱ្យបានមួយម៉ាត់ និងសហការជាមួយក្រសួងសុខាភិបាលពាក់ព័ន្ធនឹងទីតាំងដែលមានវិជ្ជមានជំងឺកូវីដ១៩ នៅចំណុចផ្លូវលេខ ១៧២ សង្កាត់ផ្សារថ្មីទី៣ ។ -រដ្ឋបាលសង្កាត់-ប៉ុស្តិ៍ទាំង១១ ត្រូវចុះត្រួតពិនិត្យទីតាំងអាជីវកម្ម សេវាកម្ម ក្លឹបកំសាន្ត ឌីស្កូ និងអាជីវកម្មផ្សេងៗឱ្យចូលរួមសហការ និងគោរពតាមការណែនាំរបស់ក្រសួងសុខាភិបាលឲ្យបានល្អប្រសើរ ព្រមទាំងចុះត្រួតពិនិត្យធ្វើកំណត់ហេតុ និងបូកសរុបរបាយការណ៍មករដ្ឋបាលខ័ណ្ឌជាប្រចាំ ។ -បន្តតាមដាន ត្រួតពិនិត្យ យកចិត្តទុកដាក់លើការងារយាមប្រចាំការនៅតាមមណ្ឌលចត្តាឡីស័កដែលមាននៅក្នុងមូលដ្ឋានរបស់ខ្លួន ។ […]