នាព្រឹកថ្ងៃទី៣០ ខែកញ្ញា ឆ្នាំ២០២២ លោកវរសេនីយ៍ឯក សៀ ទីន នាយសេនាធិការ កងរាជអាវុធហត្ថរាជធានីភ្នំពេញ បានដឹកនាំក្រុមការងារ នាំយកសម្ភារៈ ថវិកា ដែលជាជំនួយរបស់ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថ រាជធានីភ្នំពេញ ទៅប្រគល់ជូនដល់លោកយាយ ឡុង សាវុន អាយុ៦៧ឆ្នាំ ជាស្រ្តីមេម៉ាយ កូនបោះបង់ចោល រស់នៅដោយរបររើសអេតចាយ ស្នាក់អាស្រ័យលើដីអ្នកជិតខាង ដែលចិត្តល្អ យល់ព្រមឱ្យគាត់ធ្វើខ្ទមជាប់របងផ្ទះគេជាបណ្តោះអាសន្ន ក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ អំណោយដែលបានយកប្រគល់ជូនដល់លោកយាយ រួមមាន ថវិកាចំនួន ៥០ម៉ឺនរៀល, អង្ករចំនួន ៥០គីឡូក្រាម, មី២កេស, ត្រីខ០១យួរ, ទឹកស៊ីអីវ០១យួរ, ទឹកត្រី០១យួរ, ទឹកសុទ្ធ០២កេស, ទឹកដោះគោឆៅ០១យួរ, ភេសជ្ជៈ០២កេស, សាច់ជ្រូកផាត់កន្លះគីឡូក្រាម, ត្រីងៀត០១គីឡូក្រាម, សាច់ក្រក០១គីឡូក្រាម, សៀង០១យួរ, មុង០១, ភួយ០១,កន្សែង០១ និងសម្ភារមួយចំនួនទៀត ៕
(ព្រៃវែង)៖ អំណោយដ៍ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ ត្រូវបានលោក ជា សុមេធី អភិបាលខេត្តព្រៃវែង នាំទៅចែកជូនដល់ជនក្រីក្រលំបាក ខ្វះខាតនៅស្រុកព្រះស្ដេចចំនួន ១៦៥គ្រួសារ នៅព្រឹកថ្ងៃទី២៥ ខែធ្នូ ឆ្នាំ២០២០នេះ។ ក្នុងពិធីនេះ មានការអញ្ជើញចូលរួមពីអភិបាលរងខេត្ត ប្រធានមន្ទីរ-អង្គភាពជុំវិញខេត្ត កងកម្លាំងទាំងបី គណៈអភិបាលស្រុក មន្រ្តីរាជការសាលាស្រុក និងប្រជាពលរដ្ឋមួយចំនួនក្នុងស្រុកព្រះស្ដេចផងដែរ។ លោក ជា សុមេធី បានផ្តាំផ្ញើការសាកសួរសុខទុក្ខពីសំណាក់សម្ដេចក្រឡាហោម ស ខេង និងលោកជំទាវ ជូនដល់បងប្អូនប្រជាពលរដ្ឋនៅស្រុកព្រះស្ដេច ដែលជានិច្ចកាលសម្ដេច និងលោកជំទាវ តែងតែគិតគូរអំពីសុខទុក្ខ និងជីវភាពរស់នៅរបស់ប្រជាពលរដ្ឋនៅខេត្តព្រៃវែង គឺមិនទុកឲ្យពលរដ្ឋណាម្នាក់ស្លាប់ដោយអត់អាហារនោះឡើយ។ លោកអភិបាលខេត្តបានបញ្ជាក់ថា ដោយមានបញ្ហាប៉ះពាល់ជីវភាពរស់នៅដោយសារជម្ងឺកូវីដ-១៩ បានឆ្លងរីករាលដាលនៅកម្ពុជា ទើបសម្តេចក្រឡាហោម ស ខេង និងលោកជំទាវ បានប្រគល់ស្បៀងមួយចំនួនឲ្យរដ្ឋបាលខេត្ត ទុកសម្រាប់ចែកជូនដល់ជនក្រីក្រខ្លាំងចាំបាច់បំផុត សម្រាប់ដោះស្រាយជីវភាពប្រចាំថ្ងៃនៅមូលដ្ឋាន ទោះជាមានបន្តិចបន្តួចពិតមែន តែវាចាំបាច់ខ្លាំងសម្រាប់ជួយអ្នកក្រីក្រនាពេលនេះ។ លោក ជា សុមេធី បានអំពាវនាវដល់ប្រជាពលរដ្ឋទាំងអស់ ត្រូវចូលរួមបង្ការទប់ស្កាត់នៃការរីករាលដាលជំងឺកូវីដ១៩ ឲ្យបានខ្លាំងក្លាបន្ថែមទៀតដែលផ្ដើមចេញពីការធ្វើអនាម័យជាប្រចាំដោយលាងដៃជាមួយសាប៊ូអាកុល […]
(ខេតព្រៃវែង) ៖ នៅព្រឹកថ្ងៃទី០១ ខែឧសភា ឆ្នាំ២០២១ លោក ឧត្តមសេនីយ៍ត្រី ឈួន គឹមសាន បានអញ្ជើញផ្តល់សម្ភារៈនិងថវិកាជូនភូមិចំនួន០២ នៅឃុំកញ្ចាំ ស្រុកពារាំង ដើម្បីសម្រាប់ដំណើរការ ការឃោសនាផ្សព្វផ្សាយ ពីវិធានការការពារជំងឺកូវីដ-១៩ ដល់ប្រជាពលរដ្ឋក្នុងភូមិ បានយល់ដឹង និងអនុវត្តឲ្យបានត្រឹមត្រូវគ្រប់ៗគ្នា ។ សម្ភារៈថវិកាប្រគល់ជូនមានអង្ករចំនួន ២០០គីឡូក្រាម, មីចំនួន ០៤កេះធំ, ទឹកសុទ្ធបាភ្នំចំនួន ១០០ យួរ, ត្រីខចំនួន ០២កេះធំ, ទឹកត្រីចំនួន ២០យួរ, ទឹកស៊ីអ៊ីវចំនួន ២០ យួរ, ម៉ាសចំនួន ៥០ប្រអប់, ថវិកាសម្រាប់មួយភូមិ ១,០០០,០០០រៀល សរុបចំណាយរួមចំនួន ៥,៧២០,០០០រៀល។