ព្រៃវែង៖ នៅពហុកីឡាដ្ឋានខេត្តព្រៃវែងបានរៀបចំការប្រគួតបាល់ទាត់មិត្តភាពដេីម្បីប្រមូលថវិកាជួយដល់កុមារកំព្រាខេត្តព្រៃវង និងដេីម្បីអបអរសាទរខូបអនុស្សាយ៍រីលេីកទី ៤៥ ទិវាកំណេីតរណសិរ្យ សាមគ្គី អភិវឌ្ឍន៏មាតុភូមិកម្ពុជា (២ ធ្នូ ១៩៧៨ -២ ធ្នូ ២០២៣) ដែលពិធីស្ថិតក្រោមអធិបតីភាពដ៏ខ្ពង់ខ្ពស ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងឯកឧត្តម សួន សុម៉ាលីន អភិបាលខេត្តព្រៃវែង ព្រមទាំងមានការអញ្ជេីញចូលមន្ទីរអង្គភាពនានាជុំវិញខេត្ត អភិបាលក្រុង ស្រុក បងប្អូនប្រជាពលរដ្ឋយ៉ាងច្រេីនកុះករ នៅថ្ងៃទី ១ ខែធ្នូ ឆ្នាំ២០២៣។
ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ មានប្រសាសន៍ថា ការប្រគួតបាល់ទាត់មិត្តភាពដេីម្បីប្រមូលថវិកាជួយដល់កុមារកំព្រាខេត្តព្រៃវែងនេះ គឺការចូលរួមចំណែកមួយដ៏សំខាន់សម្រាប់លេីកកម្ពស់ជីវភាពរស់នៅរបស់គាត់បានមួយកំរិត និងដេីម្បីជួយដល់សុខភាពរបស់ខ្លួនឯងដែរ ហេីយចំពោះការលេងកីឡានេះ និងជួយពង្រឹងវិស័យកីឡាឲ្យកាន់តែរីកចម្រេីនផងដែរ។
ការប្រគួតនេះដែរមាន មានចំនួន២ ក្រុម គឺក្រុមU13 ខេត្តព្រៃវែង Vs U13 ផ្ការីកគ្រប់រដូវ និងក្រុមស.ស.យ.ក.ខេត្តព្រៃវែង (ដឹកនាំដោយ អភិសន្តិបណ្ឌិត ស សុខា) Vs ផ្ការីកគ្រប់រដូវ (នាយពាក់មី)។ ហេីយការប្រគួតនេះជាលិទ្ធផលក្រុមស.ស.យ.ក.ខេត្តព្រៃវែង (ដឹកនាំដោយ អភិសន្តិបណ្ឌិត ស សុខា) យកឈ្នះ ក្រុមផ្ការីកគ្រប់រដូវ (នាយពាក់មី)ដោយលិទ្ធផល ១១ ទល់និង ៦ ។
ថវិកាដែលប្រមូលបានពីការប្រគួតនោះមានចំនួន ៨០ លានរៀល ដោយត្រូវបានបែងចែកដល់មណ្ឌលកុមារកំព្រាមាន មណ្ឌលកុមារកំព្រាខេត្តព្រៃវែងចំនួន ៤០ លានរៀល, អង្គការភូមិកុមារ sos ចំនួន ១០ លានរៀល, អង្គការមូលនិធិអភិវឌ្ឍន៍សហគមកម្ពុជា ចំនួន ១០ លានរៀល, អង្គការមូលនិធិនៃក្តីសង្ឃឹម ចំនួន ១០ លានរៀល, អង្គការសហពន្ធ័នារីពិការខេត្តព្រៃវែងចំនួន ១០ លានរៀល។
ក្នុងនោះដែរនៅពេលរាត្រីក៏មានប្រគុំតន្រ្តី សម្រប់បងប្អូនអញ្ជេីញទស្សនា និងរៀបចំរបាំជូនពរដែលរៀចំដោយមន្ទីរវប្បធម៌ និងវិចិត្តសិល្បៈ ខេត្តដេីម្បីអបអរសាទរខូបអនុស្សាយ៍រីលេីកទី ៤៥ ទិវាកំណេីតរណសិរ្យ សាមគ្គី អភិវឌ្ឍន៏មាតុភូមិកម្ពុជា (២ ធ្នូ ១៩៧៨ -២ ធ្នូ ២០២៣)ផងដែរ៕