នាព្រឹក ថ្ងៃទី២០ ខែតុលា ឆ្នាំ២០២៣ លោកវរសេនីយ៍ត្រី សុខ ឧត្តម មេបញ្ជាការមូលដ្ឋានអាវុធហត្ថខណ្ឌបឹងកេងកង បានចាត់តំណាងប្រគល់ថវិកាដែលប្រមូលបានពី នាយ-នាយរង នៃអាវុធហត្ថខណ្ឌបឹងកេងកង ក្នុងស្មារតីសាមគ្គីភាព សរុបចំនួន ២,៧៧០,០០០រៀល ទឹកសុទ្ធ២កេស, ទឹកក្រូច២កេស ចូលរួមរំលែកទុក្ខដ៏ក្រៀមក្រំដល់គ្រួសារ លោកអនុសេនីយ៍ត្រី ញឹម សុរ៉ាច្ច័យ ជំនួយការ មូលដ្ឋានខណ្ឌ ដែលឪពុករបស់លោកបានទទួលមរណៈភាព កាលពីថ្ងៃទី១៣ ខែតុលា ឆ្នាំ២០២៣ ក្នុងជន្មាយុ ៦០ឆ្នាំ ដោយជរាពាធ និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕
Related Articles
អង្គការជំនួយ ផ្នែកច្បាប់ នៃកម្ពុជា បើកវេទិកាពិគ្រោះយោបល់ ស្វែងរកមតិគាំទ្រផ្នែកច្បាប់ចំពោះអ្នកសារព័ត៌មាន!
(ភ្នំពេញ)៖ នាព្រឹកទី២១.១២.២០២៣ នៅសណ្ឋាគារទន្លេបាសាក់២ ក្រុងភ្នំពេញ មានកិច្ចប្រជុំ”វេទិកាពិគ្រោះយោបល់ ស្វែងរកមតិគាំទ្រ ផ្នែកច្បាប់ចំពោះអ្នកសារព័ត៌មាន”ដែលរៀបចំឡើងដោយ«អង្គការជំនួយ ផ្នែកច្បាប់ នៃកម្ពុជា»។ កិច្ចប្រជុំនេះក្រោមវត្តមានលោកស្រី សុខ វិសាល តំណាងក្រសួងយុត្តិធម៌ លោក ឆាយ ហុង ព្រះរាជអាជ្ញារងរាជធានីភ្នំពេញ.តំណាងគណៈមេធាវី រួមនិងលោកមេធាវី អ៊ុន ច័ន្ទថុល ប្រធានអង្គការជំនួយ ផ្នែកច្បាប់ នៃកម្ពុជា ដោយមានការចូលរួមពីបងប្អូនអ្នកសារព័ត៌មាននានា ប្រមាណជិត១០០នាក់។ ក្នុងនោះផងដែរលោក ចាន់ ថន នាយកប្រតិបត្តិនៃគេហទំព័រ«ដើមរាំង»បានសួរសំណួរទៅកាន់គណៈអធិបតី ដែលជាវាគ្មិន ចំនួន២សំណួរ និងមានសូមណូមពរចំនួន១..!។ ទី១៖ លោក ចាន់ ថន បានសួរថា តើហេតុអ្វីអ្នកសារព័ត៌មាន ទទួលបាន ឯកសារសម្ងាត់ហើយ រួចព្យាយាមសុំការបំភ្លឺពីម្ចាស់ក្រុមហ៊ុន មុនពេលចុះផ្សាយ ដើម្បីឱ្យព័ត៌មានគ្រប់ជ្រុងជ្រោយ បែរជាត្រូវចោទប្រកាន់ពីបទ ផ្សំគំនិតក្នុងអំពើលួច?។ ២៖ តើហេតុអ្វីបានជាពុំសូវឃើញ មន្ត្រីអ្នកអនុវត្តច្បាប់ យកច្បាប់ស្ដីពីរបបសារព័ត៌មាន មកអនុវត្តលើអ្នកសារព័ត៌មាន?។ និងទី៣៖ លោក ចាន់ ថន សូមស្នើដល់រាជរដ្ឋាភិបាលនិងក្រសួងយុត្តិធម៌ […]
ឧត្តមសេនីយ៍ឯក រ័ត្ន ស្រ៊ាង ផ្ញើលិខិតអបអរសាទរ សូមគោរពជូនសម្ដេចអគ្គមហាសេនាបតីតេជោ ហ៊ុន សែនដែលតុលាការប្រទេសបារាំងរកឃើញកាពិតថា សម រង្សុី បានប្រព្រឹត្តអំពើបរិហាកេរ៌្តចំពោះសម្តេច
នៅថ្ងៃទី១១ ខែតុលា ឆ្នាំ២០២២ លោក ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ ផ្ញើលិខិតអបអរសាទរ សូមគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដែលតុលាការប្រទេសបារាំង សភាទី១៧ នៃតុលាការយុត្តិធម៌ទីក្រុងប៉ារីស បានបញ្ជាក់ក្នុងសំអាងហេតុនៃសាលក្រម នាថ្ងៃទី១០ ខែតុលា ឆ្នាំ២០២២ ផ្តល់យុត្តិធម៌ និងភាពស្អាតស្អំជូន សម្ដេចតេជោ ជាទីគោរពដ៏ខ្ពង់ខ្ពស់ និងរកឃើញការពិតថា សម រង្ស៊ី បានប្រព្រឹត្តអំពើបរិហារកេរ្តិ៍ចំពោះ សម្តេចតេជោ។ សូមភ្ជាប់ជាមួយនូវលិខិតអបអរសាទរខាងក្រោម៖
សោកនាដកម្មលិចទូកនៅ ស្រុកលើកដែក សម្ថកិច្ចរកឃើញសពម្នាក់ទៀត សរុបសព១០នាក់ហើយ ដែលបានស្រង់ឡើងគោក!
(កណ្ដាល)៖ លោកឧត្ដមសេនីយ៍ទោ ឈឿន សុចិត្ត ស្នងការខេត្តកណ្ដាល បានឱ្យដឹងថាៈ គិតត្រឹមរសៀលថ្ងៃទី១៤.១០.២០២២។ សមត្ថកិច្ចបាន រកឃើញសាកសពសិស្សសាលាម្នាក់ទៀតឈ្មោះ រី ស្រីលីន ភេទស្រី អាយុ១២ឆ្នាំ។ បើតាមលោកឧត្ដមសេនីយ៍ទោ សិស្សដែលកំពុងបាត់ចំនួនម្នាក់ទៀត រកសពពុំទាន់ឃើញ គឺឈ្មោះ មាស សុវណ្ណរាជ ភេទប្រុស អាយុ ១៤ឆ្នាំ មុខរបរសិស្ស(បាត់ខ្លួន) បច្ចុប្បន្ន កម្លាំងចម្រុះបន្តស្រាវជ្រាវរុករកជនរងគ្រោះដែលបាត់ខ្លួនបន្តទៀត។ សូមជម្រាបថាៈ ករណីលិចទូកដនេះបានកើតឡើង នៅចំណុច”កំពង់ដរ ទទឹង”ចម្លងពីភូមិអំពិលទឹក ទៅ ភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល កាលពីវេលាម៉ោង៧យប់ ថ្ងៃទី១៣.១០.២០២២។ ភ្លាមៗនោះសមត្ថកិច្ចស្រង់បានសិស្សានុសិស្សចំនួន០៦នាក់ស្លាប់២នាក់។ ១/ ឈ្មោះ ថេត គន្ធី ភេទប្រុស អាយុ ១៥ ឆ្នាំ មុខរបរ កម្មករបើកទូកដរទទឹង មានទីលំនៅសព្វថ្ងៃនៅ ភូមិ អំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល (រស់) ២/ […]