ព័ត៌មានជាតិ

ប្រកាសរបស់ក្រសួងព័ត៌មានថ្ងៃនេះ រកឃើញពលករខ្មែរ ត្រឡប់មកពីប្រទេសថៃ ១នាក់ទៀត ឆ្លងជំងឺកូវីដ១៩

January 8, 2021 adm Comment(0)

ភ្នំពេញ ៖ នៅថ្ងៃទី០៨ ខែមករា ឆ្នាំ២០២១នេះ ក្រសួងសុខាភិបាល បានប្រកាសរកឃើញពលករខ្មែរ ដែលទើបត្រឡប់មកពីប្រទេសថៃចំនួន១នាក់ទៀត ឆ្លងជំងឺកូវីដ១៩ ហើយមិនមានករណីជាសះស្បើយពីជំងឺកូវីដ១៩ នោះដែរ។

គិតត្រឹមម៉ោង៧ ៖០០នាទី ថ្ងៃទី០៨ ខែមករា ឆ្នាំ២០២១នេះ នៅកម្ពុជាបានរកឃើញអ្នកឆ្លងកូវីដ១៩ សរុបចំនួន ៣៨៦នាក់ ក្នុងនោះព្យាបាលជាសះស្បើយចំនួន ៣៦២នាក់ និងអ្នកជំងឺ២៤នាក់ កំពុងសម្រាកព្យាបាលនៅមន្ទីរពេទ្យ៕

adm

ព័ត៌មានជាតិ

ឯកឧត្តម អ៊ុន ចាន់ដា អភិបាលខេត្តកំពង់ចាម មានប្រសាសន៍លើកឡើងខណៈដែលឯកឧត្តម និងឯកឧត្តម ខ្លូត ផន ប្រធានក្រុមប្រឹក្សាខេត្ត អញ្ជើញជាអធិបតី ក្នុងកិច្ចប្រជុំសាមញ្ញលើកទី១៨ អាណត្តិទី ៣ របស់ក្រុមប្រឹក្សាខេត្ត

November 5, 2021 adm

កំពង់ចាម÷សូមលោកស្នងការនគរបាលខេត្ត ចាត់វិធានការក្តៅចំពោះអ្នកបញ្ជាយានយន្តធន់ធំគ្រប់ប្រភេទ ដោយត្រូវដាក់កម្លាំងចុះធ្វើការត្រួតពិនិត្យ និងតេស្តរកសារធាតុញៀនគ្រប់ប្រភេទដើម្បីជៀសវាងការបង្ករគ្រោះថ្នាក់ចរាចរណ៍ជាយថាហេតុ។ និងសូមឲ្យបងប្អូនប្រជាពលរដ្ឋធ្វើការប្រុងប្រយ័ត្នខ្ពស់ ក្នុងការថែរក្សាសុខភាព និងការចូលរួមទប់ស្កាត់ការរីករាលដាលនៃជំងឺកូវីដ-១៩ កុំឲ្យកើតមាននៅក្នុងសហគមន៍យើង ។ ការថ្លែងបែបនេះត្រូវបាន ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម លើកឡើងខណៈដែលឯកឧត្តមអភិបាល និងឯកឧត្តម ខ្លូត ផន ប្រធានក្រុមប្រឹក្សាខេត្ត អញ្ជើញជាអធិបតី ក្នុងកិច្ចប្រជុំសាមញ្ញលើកទី១៨ អាណត្តិទី ៣ របស់ក្រុមប្រឹក្សាខេត្ត នាព្រឹក ថ្ងៃទី០៥ ខែវិច្ឆិកា ឆ្នាំ ២០២០ នាសាលាខេត្តកំពង់ចាម ដោយមានការចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត/ ឯកឧត្តម លោកជំទាវ អភិបាលរងខេត្ត/លោកនាយករដ្ឋបាល/កងកម្លាំងទាំងបី /មន្ទីរវិស័យពាក់ព័ន្ធជុំវិញខេត្ត និងមន្ត្រីពាក់ព័ន្ធមួយចំនួន។

ព័ត៌មានជាតិ

មិត្តចិន បានផ្តល់វ៉ាក់សាំងការពារ ជំងឺអុតក្តាមគោក្របី ចំនួន១០ម៉ឺនកម្រិតដល់កម្ពុជា

April 22, 2021April 22, 2021 adm

ភ្នំពេញ៖ប្រទេសចិន បានផ្តល់វ៉ាក់សាំងការពារ ជំងឺអុតក្តាមគោក្របី ចំនួន១០ម៉ឺនកម្រិតដល់កម្ពុជា កាលពីថ្ងៃទី២០ ខែមេសា ឆ្នាំ២០២១ កន្លងទៅ ដើម្បីការពារការឆ្លងរាលដាលនៃជំងឺអុតក្តាមគោក្របី នៅកម្ពុជា ។ តាមប្រភពព័ត៌មានពីអគ្គនាយកដ្ឋានសុខភាពសត្វ និង ផលិតកម្មសត្វ នៃក្រសួងកសិកម្ម បានអោយដឹងថា វ៉ាក់សាំងនេះ បានដឹកជញ្ជូនតាមជើងយន្តហោះចេញពីអាកាសយានដ្ឋានអន្តរជាតិ ឡានស៊ូ ស៊ុងចួន (Lanzhou Zhongchuan) ប្រទេសចិន ហើយបានមកដល់អាកាសយានដ្ឋានអន្តរជាតិភ្នំពេញ នៅថ្ងៃទី២០ ខែមេសា ឆ្នាំ២០២១ និង បានដឹកជញ្ជូន ព្រមទាំងរក្សាទុកនៅ អគ្គនាយកដ្ឋានសុខភាពសត្វ និង ផលិតកម្មសត្វ ។ វ៉ាក់សាំងនេះ បានផលិតដោយក្រុមហ៊ុនចិនឈ្មោះ ក្រុមហ៊ុនបច្ចេកវិទ្យាកសិកម្ម និង បសុជីវវិទ្យាមានទីតាំងនៅ ឡានស៊ូ ដែលចាប់ផ្តើមផលិតវ៉ាក់សាំងនេះ ចាប់តាំងពីថ្ងៃទី១ ខែមីនា ឆ្នាំ២០២១ មក ។ អាជ្ញាធរចិន បានធ្វើតេស្តនិងធានាអំពីប្រសិទ្ធភាព និង សុវត្ថិភាពអំពីវ៉ាក់សាំងនេះ រួចហើយ ។ សូមបញ្ជាក់ផងដែរថា ការផ្តល់វ៉ាក់សាំង អុតក្តាម […]

ព័ត៌មានជាតិ

ឯកឧត្តម រ័ត្ន ស្រ៊ាង អញ្ជើញចុះជួបសំណេះសំណាល និងសួរសុខទុក្ខប្រជាពលរដ្ឋតាមខ្នងផ្ទះ ក្នុងសង្កាត់ព្រែកកំពឹស ខណ្ឌដង្កោ!

May 28, 2022 adm

ភ្នំពេញ÷នាព្រឹកថ្ងៃទី២៨ ខែឧសភា ឆ្នាំ២០២២ ឯកឧត្តម រ័ត្ន ស៊្រាង ប្រធានក្រុមការងារគណបក្សប្រជាជនកម្ពុជាសង្កាត់ព្រែកកំពឹស រួមជាមួយក្រុមការងារ បានអញ្ជើញចុះប្រជុំត្រួតពិនិត្យការងារឃោសនាបោះឆ្នោត ក្នុងសង្កាត់ព្រែកកំពឹស និងចុះពិនិត្យស្នាក់ការភូមិទាំងអស់ នៃសង្កាត់ព្រែកកំពឹស ព្រមទាំងឆ្លៀតពេលចុះជួបសំណេះសំណាល សួរសុខទុក្ខ ប្រជាពលរដ្ឋតាមខ្នងផ្ទះ ក្នុងសង្កាត់ព្រែកកំពឹសផងដែរ។ ឯកឧត្តម រ័ត្ន ស៊្រាង បានថ្លែងរលឹកជាប់ជាប្រចាំថា ប្រទេសជាតិមានសន្តិភាព មានការអភិវឌ្ឍ រហូតដល់បច្ចុប្បន្ននេះ ក៏ដោយសារការប្រឹងប្រែងរបស់គណបក្សប្រជាជនកម្ពុជា ក្រោមការដឹកនាំដ៏ឈ្លាសវៃ ប្រកបដោយបញ្ញាញាណ របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចធ្លាប់បានយកជីវិតធ្វើដើមទុន ឆ្ពោះទៅរកការរំដោះជាតិ ហើយសម្តេចបានដាក់ចេញនូវនយោបាយ ឈ្នះ ឈ្នះ រំលាយបានទាំងស្រុងនូវអង្គការចាត់តាំងនយោបាយ និង យោធាខ្មែរក្រហម នាំយកនូវសន្តិភាពពេញលេញ ជូនជាតិមាតុភូមិកម្ពុជា ក៏ដូចជាប្រជាជនខ្មែរទូទាំងប្រទេស ជាពិសេសសម្តេច មានទស្សនៈវិស័យវែងឆ្ងាយ ក្នុងការប្រឆាំងជាមួយការរីករាលដាលនូវជំងឺកូវីដ-១៩ បានសង្គ្រោះប្រជាពលរដ្ឋកម្ពុជាទូទាំងប្រទេស ឱ្យរួចចាកផុតពីគ្រោះមហន្តរាយដ៏អាក្រក់ ត្រឡប់មកស្ថានភាពល្អប្រក្រតីប្រកបដោយជោគជ័យ ខណៈដែលប្រទេសដ៏ទៃ ទូទាំងពិភពលោក កំពុងឆ្លងរីករាលដាលនិងស្លាប់ពលរដ្ឋខ្លួន រាប់រយពាន់ម៉ឺននាក់នៅឡើយ។ ឯកឧត្តម រ័ត្ន ស៊្រាង […]