ព័ត៌មានសន្តិសុខសង្គម

នគរបាលខេត្តព្រៃវែង ចុះការពារសន្តិសុខ សណ្ដាប់ធ្នាប់ ក្នុងពិធីប្រគល់សញ្ញាបត្របណ្ឌិតកិត្តិយស ផ្នែកអភិវឌ្ឍន៍ជនបទ ជូនសម្ដេចក្រឡាហោម ស ខេង

Posted on Author adm Comment(0)

ខេត្តព្រៃវែង៖ នៅព្រឹកថ្ងៃព្រហស្បតិ៍ ១២រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែមិថុនា ឆ្នាំ២០២៣ នេះ លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង បានដឹកនាំកម្លាំងនគរបាលខេត្តព្រៃវែង ចុះការពារសន្តិសុខ សណ្ដាប់ធ្នាប់ ក្នុងពិធីប្រគល់សញ្ញាបត្របណ្ឌិតកិត្តិយស ផ្នែកអភិវឌ្ឍន៍ជនបទ នៃសាកលវិទ្យាល័យជាតិជាសុីមកំចាយមារ ជូនសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅសាកលវិទ្យាល័យជាតិជាសុីមកំចាយមារ ស្ថិតក្នុងស្រុកកំចាយមារ ខេត្តព្រៃវែង ៕

ចូលឆាណែលតេលេក្រាម៖ t.me/PreyVengPolice

adm

Related Articles
ព័ត៌មានសន្តិសុខសង្គម

ហេតុការណ៍ដ៍រន្ធត់…បាក់ស្រុតផ្ទះពលរដ្ឋជាច្រើនខ្នងនៅភូមិជំនីក ឃុំកំពង់ពពិល ស្រុកពារាំង ខេត្តព្រៃវែង(Video inside)

Posted on Author adm

(ព្រៃវែង)៖ គ្រោះធម្មជាតិបាក់ស្រុតច្រាំងទន្លេ បានបំផ្លាញផ្ទះប្រជាពលរដ្ឋចំនួន៥ខ្នង ស្ថិតនៅភូមិជំនីក ឃុំកំពង់ពពិល ស្រុកពារាំង ព្រៃវែង កាលពីម៉ោង៣ទៀបភ្លឺ ឈានចូលថ្ងៃទី០៧.០២.២០២៤។ ក្រោយកើតហេតុលោក ចេម ប្រា អភិបាលស្រុកពារាំង បានដឹកនាំមន្ត្រីជំនាញ ចុះពិនិត្យនៅទីតាំងផ្ទាល់ និងបញ្ជាកម្លាំងសមត្ថកិច្ច ឱ្យជួយអន្តរាគមន៍ រុះរើ ដឹកជញ្ជូនសម្ភារៈ ទ្រព្យសម្បត្តិពលរដ្ឋ ម្ចាស់ផ្ទះ មកកាន់កន្លែងសុវត្ថិភាព។ ក្នុងនោះដែរក៏មានការអញ្ជើញចូលរួមពីសំណាក់ឯកឧត្តម គឹម វណ្ណា ប្រធានក្រុមការងារចុះជួយឃុំកំពង់ពពិល ហើយនឹងបានជួយរុះរើផ្ទះពលរដ្ឋ ជាមួយកំលាំងសមត្ថកិច្ចនិងបានជួយជាថវិការមួយចំនួនផងដែរ។ គួរបញ្ជាក់ផងដែរថាគ្រោះធម្មជាតិនេះ បណ្ដាលឱ្យខូចខាតផ្ទះសរុបទាំងធ្ងន់ និងស្រាលចំនួន៥ខ្នង ហើយនិងកំពុងរុះរើមកកន្លែងដែលមានសុវត្ថិភាព៕
ព័ត៌មានសន្តិសុខសង្គម

ជនសង្ស័យពហុមុខរបរម្នាក់ ត្រូវបានអាវុធហត្ថភ្នំពេញឃាត់ខ្លួនបញ្ជូនទៅតុលាការ!

Posted on Author adm

ភ្នំពេញ÷ជនសង្ស័យម្នាក់ ឈ្មោះ នេន រស្មី ភេទប្រុស អាយុ១៨ឆ្នាំ ស្នាក់នៅក្នុងដីឡូត៍ អតីតឌ្រីមលែនមុខណាហ្គាវើល មានមុខរបរ រត់រ៉ឺម៉កកង់បីផង រត់ផាស្អាប់ផង ហើយក៏បន្ថែមមុខរបរឆក់ទូរស័ព្ទដៃមួយទៀត តែភ្លាត់ស្នៀត ត្រូវបានធ្លាក់ចូលដៃអាវុធហត្ថរាជធានីភ្នំពេញ ធ្វើការឃាត់ខ្លួននិងកសាងសំណុំរឿងបញ្ជូនទៅតុលាការដើម្បីផ្តន្ទាទោសតាមច្បាប់។ ក្រោមវិធានការជំនាញរបស់សមត្ថកិច្ច ជនសង្ស័យខាងលើបានសារភាពឲ្យដឹងថា កាលពីវេលាម៉ោង៤និង00នាទីទៀបភ្លឺ ឈានចូលថ្ងៃទី១៨ ខែមីនា ឆ្នាំ២០២២ រូបខ្លួន និងបក្ខពួកម្នាក់ទៀតបានសកម្មភាពឆក់ទូរស័ព្ទដៃពីជនរងគ្រោះកំពុងអង្គុយក្នុងរ៉ឺម៉កកង់បីនៅចំណុចផ្លូវនរោត្តមភូមិ១៣ សង្កាត់ទន្លេបាសាក់ខណ្ឌចំការមន ក្រោយពេលកើតហេតុកំលាំងល្បាតរបស់អ.ហខណ្ឌចំការមនបានចុះទៅដល់កន្លែងកើតហេតុ ឃើញម៉ូតូ១គ្រឿងម៉ាកnexខាងលើផ្ដួលចោនៅលើផ្លូវ ហើយជនរងគ្រោះកំពុងស្ថិតនៅទីនោះដោយបានប្រាប់សមត្ថកិច្ចថាជនសង្ស័យបានឆក់យកទូរស័ព្ទរបស់ខ្លួន និងបានរត់ចូលទៅក្នុងភូមិបាត់ បន្ទាប់មកសមត្ថកិច្ចក៏បានរុករកតែពុំឃើញក៏លើកយកម៉ូតូមករក្សាទុកដើម្បីធ្វើការស្រាវជ្រាវបន្ត។ ដោយមានការសហការណ៍ល្អពីប្រជាពលរដ្ឋ និងក្រុមអ្នកសារពត៌មានC007ព្រមទាំងមិត្តភ័ក្រ្ក៤ទៅ៥នាក់ ដែលបានជួយចូលរុករក នៅម៉ោង៥និង២២នាទីក៏ប្រទះឃើញជនសង្ស័យដែលមានសភាពភ័យញ័រក៏នាំគ្នាឃាត់ទុក និងដឹកយកមកប្រគល់ឲ្យសមត្ថកិច្ចមូលដ្ឋានអាវុធហត្ថខណ្ឌចំការមន។ ជនសង្ស័យបានបន្ថែមថារូបខ្លួនជាអ្នកឆក់និងឈ្មោះតុងជាអ្នកបើកម៉ូតូ ក្នុងខណះពេលដែលជនរងគ្រោះកំពុងកាន់ទូរស័ព្ទអង្គុយក្នុងរឺម៉កកង់បីពេលធ្វើសកម្មភាពឆក់បានហើយក៏បើកម៉ូតូបន្ថែមល្បឿនប៉ុន្តែត្រូបានជនរងគ្រោះកញ្ឆក់ចាប់ដៃបានបណ្ដាលឲ្យដួលម៉ូតូឃើញសភាពបែបមិនស្រួលក៏នាំគ្នារត់គេចខ្លួនដោយរូបគេរត់ទៅបុកនិងថ្មរនាំងទ្រូងផ្លូវបណ្ដាលឲ្យដួលរួចងើបឡើងរត់ត្រឡប់ទៅក្រោយតាមផ្លូវនរោត្តមឡើងតាមផ្លូវសុធារសចូលតាមផ្លូវលំទៅលាក់ខ្លួននៅផ្សាររន្ទះបាញ់ហើយត្រូវបានមនុស្សមួយក្រុមរកឃើញ រួចចាប់ខ្លួនបាន ចំណែកបក្ខពួករបស់ខ្លួនម្នាក់ទៀតឈ្មោះអាតុងបានយកទូរស័ព្ទរត់គេចខ្លួនបាត់មិនដឹងថាគេទៅទីណាទេ ហើយក៏មិនស្គាល់កន្លែងស្នាក់នៅរបស់វាដែរ។ បច្ចុប្បន្នជនសង្ស័យ រួមនឹងវត្ថុតាង ត្រូវបានកម្លាំងមូលដ្ឋានអាវុធហត្ថខណ្ឌចំការមនបញ្ជូនទៅការិយាល័យប្រឆាំងបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ ធ្វើការស្រាវជ្រាវបន្ត និងកសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕
ព័ត៌មានសន្តិសុខសង្គម

រថយន្តFord Ranger មួយគ្រឿងព័ណ៌ ស បើកបុករះ ចូលសុីការបណ្តាលឲ្យមនុស្សជាច្រើននាក់ រងរបួសធ្ងន់ស្រាលនិងរថយន្តជាច្រើនគ្រឿងផ្សេងទៀត បានរងកាខូចខាតយ៉ាងដំណំ (Video inside)

Posted on Author adm

  ព្រៃវែង% នៅវេលាម៉ោង 20 និង 30 នាទីយប់ថ្ងៃទី១៤ខែ០៥ឆ្នាំ២០២៣មានករណីគ្រោះថ្នាក់ចរាចរណ៍កើតឡើងនៅចំណុចមុខផ្ទះសំណាក់ផ្កាយព្រឹក លើផ្លូវជាតិលេខ 11 ស្ថិតនៅក្នុងភូមិស្គរដាចសង្កាត់ តាកោក្រុងព្រៃវែង ខេត្តព្រៃវែង ( រវាងរថយន្តបើកស្របគ្នាពីលិចទៅកើតហើយរថយន្តដែលបើកពីក្រោយទៅបុករថយន្តដែលបើកខាងមុខបន្ទាប់មករថយន្តដែលបើកពីក្រោយក៏រេចង្កូតទៅបុករថយន្ដដែលឈប់ស្ងៀមជាយផ្លូវចំនួន ៥ គ្រឿង )  1/ រថយន្តម៉ាក ford ពណ៌ ស ស្លាកលេខភ្នំពេញ 2BD 778 7 ( បើកពីក្រោយ )អ្នកបើកឈ្មោះស៊ុន ស៊ីថា ភេទប្រុសអាយុ 41 ឆ្នាំរស់នៅភូមិពោធិចិន្ដាំឃុំ ស្វាយអន្ទរស្រុក ស្វាយអន្ទរខេត្តព្រៃវែង រងរបួសធ្ងន់ ។ 2/ រថយន្តបើកខាងមុខម៉ាកបាឡែន ពណ៌ទឹកប្រាក់ ស្លាកលេខភ្នំពេញ 2AQ 7758 អ្នកបើកឈ្មោះ វន្នីសូដា ភេទប្រុស អាយុ 33 ឆ្នាំរស់នៅភូមិ ព្រងើយទី 1 ឃុំថ្មពូនស្រុកកញ្ជ្រៀច ខេត្តព្រៃវែង រងរបួសស្រាល ។ […]

Leave a Reply

Your email address will not be published. Required fields are marked *