ព័ត៌មានជាតិ

អង្គភាពនៃគេហទំព័រ«ភ្នំពេញព្រឹកនេះ»សូមប្រកាស ថ្កោលទោសចំពោះបុគ្គលឈ្មោះ ផែង វណ្ណៈជាដាច់ខាត!

September 24, 2023September 24, 2023 adm Comment(0)

(ភ្នំពេញ)៖ សារព័ត៌មានជាច្រើនអង្គភាព ក្នុងនោះរួមមានអង្គភាពនៃគេហទំព័រ«ភ្នំពេញព្រឹកនេះ»ផងដែរ បានប្រកាសថ្កោលទោស! ចំពោះបុគ្គលឈ្មោះ ផែង វណ្ណៈ ជាចាងហ្វាងការផ្សាយ Pheng Vannak News។

ដែលបានប្រើគណនីហ្វេសប៊ុកឈ្មោះ ផែង វណ្ណៈ និងឈ្មោះ Pheng Vannak News មកធ្វើការប្រមាថតិះដៀលមាក់ងាយ បងប្អូនអ្នកសារព័ត៌មានយ៉ាងធ្ងន់ធ្ងរ ដែលមិនអាចទទួលយកបាន។

ដូចជាការប្រើពាក្យថា«ពួកអាកាសែតខ្ចប់មមីសមាន់មួយរៀលៗ ពាក់កាតដើរសុំលុយគេ ពាក់កាតដើរឡាយតាមផ្ទះគេអ្នករកស៊ី ដេញចាប់រថយន្តដឹកជ្រូកដឹកគោក្របីនិងដឹកឈើ។ល។ ដូចពួកចាប់ជំរិត។
ឈ្មោះ ផែង វណ្ណៈ បន្តថា ព័ត៌មានខ្លះដឹងព័ត៌មានហើយមិនផ្សាយ បែរជាយកព័ត៌មាននោះទៅគោះសុំលុយគេ ក៏ស្មើនឹងពួកចាប់ជំរិតដែរ ។
ឈ្មោះ ផែង វណ្ណៈ ក៍បានអួតអាងទៀតថា សមត្ថភាពប៉ុនខ្លួនខ្ញុំជិះឡានតម្លៃ៣០ទៅ៤០មុឺនដុល្លា តើឱ្យខ្ញុំទៅពាក់កាតដើរឡាយ តាមចិញ្ចើមផ្លូវដូចពួកអាឆ្កួតអស់នឹង ម្ដេចនឹងកើត។
មិនតែប៉ុណ្ណោះបុគ្គល ផែង វណ្ណៈ “ក៏បានចាត់ទុកបងប្អូនអ្នកសារព័ត៌មានទាំងពូជ មិនស្មើនិងចុងក្រចកជើងរបស់ខ្លួន”និងបានបង្ហោះភ្ជាប់រូបភាព ដោយសរសេរសំណេរថា ពួកអាកាសែតរហេមរហាមទៀតផង»។

ជាពិសេសលោកក៍បានអួតបន្ថែមទៀតថាពួកកាសែតខ្ចប់មមីសមាន់អស់ទាំងនោះបើសរសេរអត្ថបទវិញមិនស្នើរចៅខ្លួនអាយុ០៤ឆ្នាំផង។

ការប្រមាថមកលើអ្នកសារព័ត៌មានយ៉ាងធ្ងន់ធ្ងរពីសំណាក់បុគ្គល ផែង វណ្ណៈ ត្រូវបានគេចែកចាយតាមបណ្ដាញសង្គមនៅពេលថ្មីៗនេះស្ទើគ្រប់ៗគ្នា ។

ទង្វើរបស់បុគ្គលឈ្មោះ ផែង វណ្ណៈ ខាងលើនេះពុំមែនជាការរិៈគន់ក្នុងន័យស្ថាបនានោះឡើយ ។
ប៉ុន្តែជាការរិៈគន់ដែលមានចរឹតញុះញង់ បង្កឲ្យមានការរើសអើង និង បង្កភាពវឹកវរដល់សង្គម ។

ធ្វើឲ្យប្រជាពលរដ្ឋមានការភ័ន្តច្រឡំ បាត់បង់ជំនឿចិត្ត លើស្ថាប័នព័ត៌មាន ដែលជាស្ថាប័នអ្នកនាំពាក្យរបស់រាជរដ្ឋាភិបាល ក៏ដូចជាបងប្អូនអ្នកសារព័ត៌មានផ្ទាល់ដែលកំពុងតែប្រកបវិជ្ជាជីវៈបម្រើដល់សង្គមជាតិ។

អាស្រ័យហេតុនេះ ទើបបងប្អូនអ្នកសារព័ត៌មានជាច្រើន ធ្វើការអំពាវនាវដល់ក្រសួងព័ត៌មាន ព្រមទាំងសមត្ថកិច្ចពាក់ពន្ធ័ មេត្តាចាត់វិធានការឲ្យបានម៉ឺងម៉ាត់បំផុត ចំពោះទង្វើរបស់បុគ្គលឈ្មោះ ផែង វណ្ណៈនេះផងទាន…!៕

adm

ព័ត៌មានជាតិ

អបអរសាទរទិវាតំបន់ដីសើមពិភពលោក ២ កុម្ភៈឆ្នាំ២០២២ ក្រោម ប្រធានបទ ការអភិរក្សតំបន់ដីសើមសម្រាប់មនុស្ស និងធម្មជាតិ

February 2, 2022 adm

អ្នកអាចចូលរួមអបអរសាទរទិវាតំបន់ដីសើមពិភពលោកតាមបណ្តាញសង្គម ដោយគ្រាន់តែបង្ហោះរូបភាពទេសភាពដ៏ស្រស់ស្អាតរបស់តំបន់ដីសើម ជីវៈចម្រុះ ការរស់នៅរបស់សហគមន៍មូលដ្ឋាន ឬសកម្មភាពទេសចរណ៍ធម្មជាតិក្នុងតំបន់ដីសើមដែលអ្នកធ្លាប់បានទៅដល់ និងប្រើប្រាស់ #ទិវាតំបន់ដីសើមពិភពលោកឆ្នាំ២០២២ #ក្រសួងបរិស្ថាន តើអ្នកធ្លាប់ទៅទស្សនាតំបន់រ៉ាមសារ ឬតំបន់ការពារធម្មជាតិតំបន់ដីសើមប៉ុន្មានកន្លែងក្នុងប្រទេសកម្ពុជា? គិតមកត្រឹមបច្ចុប្បន្ន តំបន់រ៉ាមសារក្នុងប្រទេសកម្ពុជាមានចំនួន០៥កន្លែងគឺ តំបន់រ៉ាមសារកោះកាពិ តំបន់រ៉ាមសារព្រែកទាល់ តំបន់រ៉ាមសារស្ទឹងសែន តំបន់រ៉ាមសារបឹងទន្លេឆ្មារ និងតំបន់រ៉ាមសាស្ទឹងត្រែង។ ក្នុងនោះដែរ យើងក៏មានតំបន់ការពារធម្មជាតិដែលជាតំបន់ដីសើមមានសារះសំខាន់សម្រាប់បរិស្ថានឬសង្គម ដូចជា តំបន់ការពារទេសភាពអន្លង់ព្រីង តំបន់ការពារទេសភាពបឹងព្រែកល្ពៅ តំបន់ការពារទេសភាពទំនាបខាងជើងទន្លេសាប តំបន់ការពារទេសភាពអាងត្រពាំងថ្ម តំបន់ប្រើប្រាស់ច្រើនយ៉ាងទួលព័ន្ធតាឡីបឹងស្នេហ៍ តំបន់ប្រើប្រាស់ច្រើនយ៉ាងដងពែង តំបន់ការពារទេសភាពបឹងការដេរ តំបន់ប្រើប្រាស់ច្រើនយ៉ាងបឹងទន្លេសាប ក៏ដូចជាឧទ្យានជាតិសមុទ្រកោះរ៉ុង។ ការរស់នៅប្រចាំថ្ងៃរបស់យើងគឺមានទំនាក់ទំនងយ៉ាងជិតស្និទ្ធជាមួយនឹងតំបន់ដីសើម ដោយតំបន់ដីសើមបានផ្តល់នូវសេវាកម្មប្រព័ន្ធអេកូឡូស៊ីដោយឥតគិតថ្លៃដូចជា ផ្តល់ទឹកស្អាតសម្រាប់ប្រើប្រាស់ប្រចាំថ្ងៃនិងស្រោចស្រព ជួយកាត់បន្ថយគ្រោះទឹកជំនន់និងគ្រោះរាំងស្ងួត ការស្រូបយកកាបូន និយ័តកម្មអាកាសធាតុ ប្រភពស្បៀងអាហារ កន្លែងកម្សាន្តធម្មជាតិនិងសិក្សាស្រាវជ្រាវ។ល។ ដូចនេះ យើងគួរតែផ្តល់តម្លៃ ចូលរួមអភិរក្ស ដាំស្តារ និងបង្ហាញនូវសេចក្តីស្រលាញ់ចំពោះតំបន់ដីសើម។ គួរបញ្ជាក់ផងដែរថាឆ្នាំនេះក្រសួងបរិស្ថាននឹងប្រារព្ធទិវាដីសើមពិភពលោកនៅ វិទ្យាល័យ ទា ចំរ៉ាត់ ក្រុងពោធិ៍សាត់ ខេត្តពោធិ៍សាត់៕

ព័ត៌មានជាតិ

សម្ដេចតេជោ ហ៊ុន សែន អញ្ជើញជាអធិបតីក្នុងពិធីប្រកាសដាក់ឲ្យអនុវត្ត នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ “គណនេយ្យភាពសមិទ្ធកម្ម”

March 20, 2023 adm

នៅព្រឹកថ្ងៃចន្ទ ១៤រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២០ ខែមីនា ឆ្នាំ២០២៣ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីប្រកាសដាក់ឱ្យអនុវត្ត នូវកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី ៤ (២០២៣-២០២៧)។ កម្មវិធីប្រកាសដាក់ឱ្យអនុវត្តនេះ មានការអញ្ជើញចូលរួមពីសមាជិក និងសមាជិកា នៃរាជរដ្ឋាភិបាលកម្ពុជា ព្រមទាំងតំណាងដៃគូអភិវឌ្ឍពាក់ព័ន្ធ និងអង្គការក្រៅរដ្ឋាភិបាលផងដែរ។ សម្តេចតេជោ ហ៊ុន សែន បានមានប្រសាសន៍ថា កម្ពុជា មិនមែនរង់ចាំទាល់តែមានសន្តិភាពពេញលេញ ទើបធ្វើកំណែទម្រង់នោះទេ។ ការរស់រានរបស់កម្ពុជាឈានមកដល់ពេលនេះ គឺបានមកដោយការធ្វើកំណែទម្រង់។ សម្តេចតេជោនាយករដ្ឋមន្ត្រីបានមានប្រសាសន៍ថា ជីវិតរបស់សម្តេចជួបនូវការផុយស្រួយយ៉ាងខ្លាំងលើការធ្វើកំណែទម្រង់នេះ។ ការធ្វើកំណែទម្រង់របស់សម្តេចនាពេលកន្លងមកមានចំនួនពីររួមមាន ទី១ គឺការកំណែទម្រង់ខាងនយោបាយ គឺត្រូវដោះស្រាយជម្លោះកម្ពុជា តាមរយៈការចរចាស្វែងរកសន្តិភាព និងទី២ កំណែទម្រង់ខាងសេដ្ឋកិច្ច។ សម្តេចតេជោនាយករដ្ឋមន្ត្រីបានមានប្រសាសន៍រំលឹកថា មានកម្លាំងសង្កត់៣ ធ្វើឱ្យប៉ះពាល់ដល់ជីវិតនយោបាយ និងការធ្វើកំណែទម្រង់ រួមមាន ទី១ ការមិនចុះសម្រុងគ្នានៅផ្ទៃក្នុងក្រោយពេលផ្តួលរំលំខ្មែរក្រហម ទី២ របបទីផ្សារខុសគ្នារវាងវៀតណាម និងកម្ពុជា […]

ព័ត៌មានជាតិ

អាវុធហត្ថរាជធានីភ្នំពេញ បញ្ជូនសង្ស័យ៨នាក់ ទៅតុលាការ ពាក់ព័ន្ធករណីគ្រឿងញៀន

March 4, 2021 adm

អាវុធហត្ថរាជធានីភ្នំពេញ បញ្ជូនសង្ស័យ៨នាក់ ទៅតុលាការ ពាក់ព័ន្ធករណីគ្រឿងញៀ(ភ្នំពេញ)៖ នារសៀលថ្ងៃទី០៤ ខែមីនា ឆ្នាំ២០២១ កម្លាំងជំនាញការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនសង្ស័យ០៨នាក់ ទៅតុលាការពាក់ព័ន្ធករណីជួញដូរ និងប្រើប្រាស់នូវសារធាតុញៀនដោយខុសច្បាប់ ក្រោយពីបង្ក្រាបបានជាបន្តបន្ទាប់ចំនួន៣ករណីផ្សេងគ្នា ដោយចាប់យកនូវវត្ថុតាងគ្រឿងញៀន៤៥កញ្ចប់តូចធំ និងសម្ភារៈសម្រាប់សេពគ្រឿងញៀនបានមួយចំនួនទៀតផងដែរ។ ប្រតិបត្តិការបង្រ្កាបគ្រឿងញៀនទាំង៣ករណីរួមមាន៖ *ករណីទី១៖ នៅវេលាម៉ោង១៥៖៥០នាទី ថ្ងៃទី០២ ខែមីនា ឆ្នាំ២០២១ កម្លាំងជំនាញមូលដ្ឋានអាវុធហត្ថខណ្ឌកំបូលបានធ្វើការឃាត់ខ្លួនជាក់ស្តែងជនសង្ស័យចំនួន០១នាក់ពាក់ព័ន្ធករណី ជួញដូរ និងប្រើប្រាស់នូវសារធាតុញៀនដោយខុសច្បាប់ នៅចំណុច រោងស្នាក់នៅកម្មករសំណង់ ស្ថិតក្នុងភូមិ ថ្មដា សង្កាត់កន្ទោក ខណ្ឌ កំបូល រាជធានីភ្នំពេញ។ ជនសង្ស័យមានឈ្មោះ ម៉ៃ ភីន (ហៅអឹម) ភេទប្រុស អាយុ៣៦ ឆ្នាំ មុខរបរមិនពិតប្រាកដ បច្ចុប្បន្នស្នាក់នៅភូមិថ្មដា សង្កាត់កន្ទោក ខណ្ឌកំបូល រាជធានីភ្នំពេញ។ *ករណីទី២៖ នៅវេលាម៉ោង១១៖០០នាទី ថ្ងៃទី០៣ ខែមីនា ឆ្នាំ២០២១ កម្លាំងមូលដ្ឋានអាវុធហត្ថខណ្ឌជ្រោយចង្វារ បានឃាត់ខ្លួនជនសង្ស័យចំនួន០៥នាក់ ពាក់ព័ន្ធករណីគ្រឿងញៀន នៅចំណុចដីឡូត៍មួយកន្លែង ភូមិដើគរ សង្កាត់ជ្រោយចង្វារ […]