ឯកឧត្តម សួន សុម៉ាលីននិងភរិយា បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា ពុទ្ធាពិសេក និងសម្ពោធឆ្លងសមិទ្ធផលនានា នៅវត្តស្វាយកាឡី ស្រុកបាភ្នំ

 ព្រៃវែង÷ព្រឹកថ្ងៃទី៣០ ខែធ្នូ ឆ្នាំ២០២៤ឯកឧត្តម សួន សុម៉ាលីននិងភរិយា បានអញ្ជើញចូលរួមក្នុងពិធីបុណ្យបញ្ចុះខណ្ឌសីមា ពុទ្ធាពិសេក និងសម្ពោធឆ្លងសមិទ្ធផលនានា នៅវត្តស្វាយកាឡី ស្ថិតនៅភូមិកាឡីត្បូង ឃុំស្ពឺ(ក) ស្រុកបាភ្នំ ខេត្តព្រៃវែង ក្រោមអធិបតីភាពដ៏ខ្ពង់ខ្ពស់ លោកជំទាវឧកញ៉ា អគ្គមហាឧបាសិកា សិរីករុណា បុទុមរតន៍បណ្ឌិត ម៉ៅ ម៉ាល័យ កែ គឹមយ៉ាន និងលោកជំទាវ កែ សួនសុភី ស សុខា តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋាន ខេត្តព្រៃវែង។

ក្នុងពិធីនេះដែរក៏មានការនិមន្ត អញ្ជើញចូលរួមពី÷ ព្រះគណមេគុណខេត្ត ព្រះសង្ឃ ឯកឧត្តម លោកជំទាវ ព្រឹទ្ធសភា រដ្ឋសភា ឯកឧត្តម សមាជិកក្រុមប្រឹក្សាខេត្ត ឯកឧត្តម ប្រធានក្រុមការងាររាជរដ្ឋាភិបាលចុះមូលដ្ឋានស្រុកបាភ្នំ ឯកឧត្តម សមាជិកក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត នាយក នាយករងរដ្ឋបាល នាយកទីចាត់ការ ប្រធានអង្គភាព ប្រធានផ្នែកចំណុះសាលាខេត្ត សប្បុរសជនក្នុង និងក្រៅប្រទេស មេបញ្ជាការកងកម្លាំងទាំងបី ប្រធានមន្ទីរ អង្គភាពជុំវិញខេត្ត ក្រុមប្រឹក្សាស្រុក អភិបាលក្រុង ស្រុក មន្ត្រីរាជការសាលាស្រុក កងកម្លាំងទាំងបីថ្នាក់ស្រុក មេឃុំ មេភូមិ ក្រុមការងារអភិវឌ្ឍន៍យុវជន នាយកសាលា លោកគ្រូ អ្នកគ្រូ យុវជនកាកបាទក្រហម យុវជន ស.ស.យ.ក យុវជនកាយប្ញទ្ធិ សិស្សានុសិស្ស គណៈកម្មការអាចារ្យវត្ត តាជី យាយជី និងពុទ្ធបរិស័ទដែលអញ្ជើញមកពីទីជិត ទីឆ្ងាយសរុបប្រមាណ ១.៩០៥អង្គ/រូប។