ឯកឧត្តម សួន សុម៉ាលីន ក្នុងនាមរដ្ឋបាលខេត្តព្រៃវែង សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមអភិសន្តិបណ្ឌិត ស សុខា ដែលបានអនុញ្ញាតជាគោលការណ៍ដ៏ខ្ពង់ខ្ពស់ ដល់រដ្ឋបាលខេត្តព្រៃវែង ឱ្យរៀបចំដឹកនាំមន្ត្រីរដ្ឋបាលថ្នាក់ខេត្ត និងក្រុង ស្រុកទាំង១៣ នៃខេត្ត បានធ្វើដំណើរទស្សនកិច្ចសិក្សា នៅទីស្ដីការក្រសួងមហាផ្ទៃ

ព្រៃវែង÷ ថ្ងៃទី០៨ ខែវិច្ឆិកា ឆ្នាំ២០២៤ឯកឧត្តម សួន សុម៉ាលីន ក្នុងនាមរដ្ឋបាលខេត្តព្រៃវែង សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានអនុញ្ញាតជាគោលការណ៍ដ៏ខ្ពង់ខ្ពស់ ដល់រដ្ឋបាលខេត្តព្រៃវែង ឱ្យរៀបចំដឹកនាំមន្ត្រីរដ្ឋបាលថ្នាក់ខេត្ត និងក្រុង ស្រុកទាំង១៣ នៃខេត្តព្រៃវែង បានធ្វើដំណើរទស្សនកិច្ចសិក្សា នៅទីស្ដីការក្រសួងមហាផ្ទៃ ដើម្បីសិក្សាស្វែងយល់អំពីទំនើបកម្មនៃប្រព័ន្ធគ្រប់គ្រង Data Center, Documents Management System (DMS), MOI TV & Radoi, ហេដ្ឋារចនាសម្ព័ន្ធបច្ចេកវិទ្យាគមនាគមន៍ និងព័ត៌មាន។

ក្នុងឱកាសនេះដែរ ខ្ញុំបាទសូមគោរពថ្លែងអំណរគុណជូនចំពោះ ឯកឧត្តមអគ្គនាយក អគ្គនាយករង ប្រធាន អនុប្រធាននាយកដ្ឋានដែលពាក់ព័ន្ធ និងសហការី ដែលបានធ្វើកិច្ចស្វាគមន៍យ៉ាងកក់ក្តៅ និងធ្វើបទបង្ហាញពន្យល់ណែនាំយ៉ាងក្បោះក្បាយជូនសិក្ខាកាមទាំងអស់ដែលបានអញ្ជើញចូលរួមក្នុងដំណើរទស្សនកិច្ចសិក្សានេះ ដោយការយកចិត្តទុកដាក់ខ្ពស់បំផុត។

ដំណើរទស្សនកិច្ចសិក្សានេះពិតជាមានអត្ថប្រយោជន៍ជាទីបំផុតសម្រាប់រដ្ឋបាលខេត្ត និងរដ្ឋបាលក្រុង ស្រុក ក្នុងការចូលរួមចំណែកអនុវត្ត "គោលនយោបាយរដ្ឋាភិបាលឌីជីថល" របស់រាជរដ្ឋាភិបាលកម្ពុជា អាណត្តិទី៧ នេះ។

ខ្ញុំសូមបួងសួងដល់គុណបុណ្យព្រះរតនត្រ័យ គុណកែវទាំងបី និងវត្ថុស័ក្តិសិទ្ធក្នុងលោក សូមជួយតាមបីបាច់ថែរក្សា ឯកឧត្តមអភិសន្តិបណ្ឌិត ឯកឧត្តម លោកជំទាវ លោក លោកស្រី ព្រមទាំងសហការី សូមទទួលបាននូវជោគជ័យគ្រប់ភារកិច្ច និងជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។