ព័ត៌មានជាតិ

ខេត្តកំពង់ចាម ៖ កាលពីថ្ងៃអាទិត្យ ទី១៨ ខែមេសា ឆ្នាំ២០២១ រដ្ឋបាលខេត្តកំពង់ចាមបានចេញសេចក្តីជូនដំណឹងដល់ម្ចាស់ហាង អ៊ុតសក់ វិជ្ជតា រចនាម៉ូត ស្ថិតនៅភូមិ២ ហាងស្រី ឡែន សំអាងការ ស្ថិតក្នុងភូមិ១ សង្កាត់វាលវង្ស និងភោជនីដ្ឋាន ក្រវ៉ាន់ ស្ថិតនៅជ្រោយថ្ម សង្កាតបឹងកុក ក្រុងកំពង់ចាម ខេត្តកំពង់ចាមឲ្យដំណើរការឡើងវិញ៕

អភិបាលខេត្តកំពង់ចាម បញ្ជាឱ្យវ៉ៃខ្នោះបុរសម្នាក់ ប្រមូលផ្ដុំគ្នាផឹកស៊ី និងជេរប្រមាថសមត្ថកិច្ច ក្នុងពេលអនុវត្តវិធានការទប់ស្កាត់ជំងឺកូវីដ១ ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាឱ្យសមត្ថកិច្ចដាក់ខ្នោះ បុរសម្នាក់ចាត់ការតាមផ្លូវច្បាប់ បន្ទាប់ពីបុរសម្នាក់នោះ បានប្រមូលផ្ដុំគ្នាផឹកស៊ីល្មើសទៅនឹងវិធានការពារការឆ្លងរាលដាលនៃជំងឺកូវីដ១៩ របស់រាជរដ្ឋាភិបាល ថែមទាំងបានជេរប្រមាថមកលើអាជ្ញាធរ និងសមត្ថកិច្ច។ បទបញ្ជារបស់ ឯកឧត្តមអភិបាលខេត្ត បានធ្វើឡើងនៅម៉ោងជាង១០យប់ ថ្ងៃទី១៧ ខែមេសា ឆ្នាំ២០២១ នៅភូមិរំលិច ឃុំរំចេក ស្រុកកំពង់សៀម ខេត្តកំពង់ចាម។ តាមសមត្ថកិច្ចនគរបាល ស្រុកកំពង់សៀម បានឱ្យដឹងថា នៅវេលាម៉ោង០៧៖៣០នាទីយប់ ថ្ងៃទី១៧ ខែមេសា ឆ្នាំ២០២១ កម្លាំងសមត្ថកិច្ចស្រុកកំពង់សៀម បានធ្វើការចុះល្បាតត្រួតពិនិត្យ និងផ្សព្វផ្សាយមិនឱ្យមានការប្រមូលម្តុំ ជួបជុំផឹកស៊ី ដើម្បីការពារការរីករាលដាលនៃមេរោគឆ្លងកូវីដ-១៩ ដល់ប្រជាពលរដ្ឋក្នុងភូមិសាស្រ្ត ឃុំរំចេក រហូតមកដល់ចំណុចភូមិរំលិច ឃុំរំចេក ស្រុកកំពង់សៀម ខេត្តកំពង់ចាម។ លុះវេលាម៉ោង១០៖៣០នាទី សមត្ថកិច្ច បានជួបបុរសម្នាក់ឈ្មោះ យន់ ស៊ាងហ៊ី ហៅ ប្រុស អាយុ៥០ឆ្នាំ ជាតិខ្មែរ មុខរបរកសិករ រស់នៅភូមិកើតហេតុ

សូមគោរពរាយការណ៍មេ​ ព្រឹកថ្ងៃទី១៨​ ខែមេសា​ ឆ្នាំ២០២១​ ខ្ញុំបាទតំណាងមេ​ បានចុះពិនិត្យពលរដ្ឋដែលនៅធ្វេីចត្តាឡីសក្ត័នៅឃុំកំពង់ឬស្សីចំនួន​ ១៧នាក់​ និងបានឧបត្ថម្ភពួកគាត់ឃីដ​ មួ(ក្នុងមួយឃីដ​ មានម៉ាស២០​ ត្រីខ​ ២កំប៉ុង​ មី​៥កញ្ចប់​ ជែលមួយដប​ ច្នាំមួយកញ្ចប់​ វីតាមីនសេមួយទីប)​ និងថវិកាមួយនាក់​ពីរមុឺនរៀល​ និងបានឧបត្ថម្ភកងកម្លាំងសរុប​ មានទឹកសុទ្ធ​ ២៥កេះ​ ម៉ាស៥០០ម៉ាស​ និងថវិកា ២០០​ ០០០​ រៀល​ បន្ទាប់មកទៀតក៏បានបន្តត្រួតពិនិត្យគោលដៅប្រចាំការតាមបណ្តោយទន្លេតូច​ ជាប់ព្រំប្រទល់ស្រុកល្វាឯម​ ខេត្តកណ្តាល​ និងបានឧបត្ថម្ភ​  រួមមាន​ រដ្ឋបាលស្រុក​ ប្រេង​ ១០០០លីត្រ​ អធិការស្រុក​ ប្រេង​ ២៥០លីត្រ​ និងម៉ាស​៥០០ម៉ាស​ ឧបត្ថម្ភ​ គោលដៅប្រចាំការ​ ចំនួន៣គោលដៅ​ ក្នុងមួយគោលដៅទទួលបានទឹកសុទ្ធ២០កេះ​ ម៉ាស​ ៥០០​ និងថវិកា២០០​ ០០០រៀល​ ។ សរុបចំណាយ​ ថវិកា១​១៤០​ ០០០រៀល​ ប្រេង​ ១២៥០លីត​ ទឹកសុទ្ធ​ ៨៥កេះ​   ម៉ាស​ ២៥០០ម៉ាស​

(ភ្នំពេញ) នៅយប់ថ្ងៃថ្ងៃអាទិត្យ ៧ កើត ខែពិសាខ ឆ្នាំឆ្លូវ ត្រីស័ក ពស ២៥៦៤ ត្រូវនឹងថ្ងៃទី១៨ ខែមេសា ឆ្នាំ២០២១លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានគណៈបញ្ជាការឯកភាពរដ្ឋបាលខណ្ឌ បានបន្តចុះត្រួតពិនិត្យ និងលើកទឹកចិត្តដល់កងកម្លាំងដែលបានឈរជើងបំពេញភារកិច្ចប្រចាំការបិទខ្ទប់នៅតាមគោលដៅច្រកចេញចូលសំខាន់ៗទាំង ១៩ទីតាំង ក្នុងភូមិសាស្ត្រខណ្ឌដូនពេញ ដើម្បីធានាបាននូវប្រសិទ្ធភាព សុវត្ថិភាព និង ទប់ស្កាត់បាននូវចរន្តប្រជាពលរដ្ឋចេញចូល បន្លាស់ទី ដោយគ្មានភារកិច្ចចាំបាច់ ស្របតាមសេចក្តីសម្រេចរបស់រាជរដ្ឋាភិបាលកម្ពុជា និង រដ្ឋបាលរាជធានីភ្នំពេញ ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩ ។ ក្នុងនោះជាការលើកទឹកចិត្ត លោក អភិបាលបានឧបត្ថម្ភថវិកាដល់ គោលដៅប្រចាំការចំនួន២០គោលដៅ ក្នុងមួយគោលដៅ ថវិកា ១០ម៉ឺនរៀល និង ឧបត្ថម្ភដល់រថយន្ត គណបញ្ជាការឯកភាពខណ្ឌ ចំនួន០៣គ្រឿង ក្នុង១គ្រឿង១០ម៉ឺនរៀល។

អ្នកល្មេីសបម្រាមនៅតែមាន❗️ ថ្ងៃនេះ មានអ្នកលួចចល័តទីចូលមកខេត្តព្រៃវែងថ្មី បានរកឃេីញវិជ្ជមានកូវីដ-១៩ ចំនួន៥នាក់ បន្ថែមទៀត ដែលគាត់ជាអ្នកស្រុកសុីធរកណ្ដាលមកពីរាជធានីភ្នំពេញ។ អ្នកទាំង ៥នាក់ នឹងទទួលទណ្ឌកម្មព្រហ្មទណ្ឌតាមមាត្រា១០ និងមាត្រា១១ នៃច្បាប់ស្តីពីកូវីដ ព្រមទាំងទណ្ឌកម្មរដ្ឋបាលបន្ថែមផ្សេងទៀត បន្ទាប់ពីត្រូវនាំទៅធ្វើចត្តាឡីស័ករយៈពេល ១៤ថ្ងៃ និងបន្ទាប់ពីព្យាបាលរួច។ ខណៈនេះ គណៈកម្មការខេត្តបានកំពុងធ្វើការស្រាវជ្រាវព័ត៌មានស្តីពីកន្លែងដែលគាត់បានចេញដំណើរ មធ្យោបាយធ្វេីដំណេីរ និងអ្នកពាក់ព័ន្ធដោយផ្ទាល់ និងប្រយោលដេីម្បីយកមកធ្វើចត្តាឡីស័ក និងយកសំណាកទៅពិនិត្យបន្តទៀត។ យេីងឯកឧត្តម ជា សុមេធី អភិបាលនៃគណ:អភិបាលខេត្តព្រៃវែង និងជាមួយ អាជ្ញាធរ និងកងកម្លាំង បានខិតខំការពារអាយុជីវិតបងប្អូន​ទាំងយប់ទាំងថ្ងៃមិនខ្លាចហត់នឿយទោះបីកាល:ទេស:ណាក៏ដោយ​ ដើម្បីប្រយុទ្ធប្រឆាំង ការពារទប់ស្កាត់ និងកាត់ផ្តាច់ចរន្តនៃការឆ្លងជំងឺកូវីដ១៩​ ចេញពីខ្លួនអ្នកនិងគ្រួសារអ្នក។ ពួកខ្ញុំក៏ខ្លាចឆ្លងជំងឺកូវីដ១៩ដ៏កាចសាហាវជាសត្រូវឥតស្រមោលនេះខ្លាំងណាស់ដែរតែវាជាតួនាទីភារកិច្ច និងកាតព្វកិច្ច។

ភ្នំពេញ៖រដ្ឋបាលរាជធានីភ្នំពេញ ប្រកាសថា ក្នុងរយៈពេលប៉ុន្មានថ្ងៃចុងក្រោយ នេះ មានបងប្អូនអាជីវករនិងសន្តិសុខផ្សារដើមគ ប្រមាណ១០០នាក់ បានឆ្លងវីរុសកូវីដ១៩ ក្នុង «ព្រឹត្តិការណ៍សហគមន៍២០កុម្ភៈ ២០២១» ដែលស្ថានភាពនេះ បានឆ្លងរាលដាលយ៉ាងឆាប់រហ័ស គួរអោយព្រួយបារម្ភ និង ចាំបាច់ត្រូវមានវិធានការសុខាភិបាលដើម្បីទប់ស្កាត់ជាបន្ទាន់ ។ យោងតាមសេចក្តីជូនដំណឹង កាលពីថ្ងៃទី១៧ ខែមេសា​ ឆ្នាំ២០២១​ រដ្ឋបាលរាជធានីភ្នំពេញ សូមផ្អាកដំណើរការជាបណ្តោះអាសន្ន មូលដ្ឋានផ្សារដើមគ និង ផ្សារបន្លែ ស្ថិតនៅតំបន់ប្រជុំជន ផ្សារដើមគ ក្នុងខណ្ឌទួលគោក និង ខណ្ឌបឹងកេងកង សម្រាប់រយៈពេល១៤ថ្ងៃ គិតចាប់ពីថ្ងៃទី១៨ ខែមេសា ដល់ថ្ងៃទី១ ខែឧសភា ឆ្នាំ២០២១ ដើម្បីបង្ការនិងទប់ស្កាត់ ការឆ្លងរីករាលដាលវីរុសកូវីដ១៩ ទៅដល់បងប្អូនអាជីវករ អតិថិជន ក៏ដូចជាប្រជាពលរដ្ឋ ដែលបានចេញ-ចូល ផ្សារនេះ ៕

(ភ្នំពេញ)៖ ជនសង្ស័យម្នាក់ដែលបើករថយន្ដពាក់ស្លាកលេខ.ន.ប. និងនិយាយពេលឡាយថា៖ ខ្លួនជាឧត្តមសេនីយ៍ តើគេហ៊ានចាប់ដែរ? ស្របពេលកំពុងអនុវត្តវិធានការរបស់រាជរដ្ឋាភិបាលក្នុងការបិទខ្ទប់រាជធានីភ្នំពេញនោះ។ ត្រូវបានបញ្ជូនទៅសាលាដំបូងរាជធានីភ្នំពេញ នៅរសៀលថ្ងៃទី១៧ ខែមេសា ឆ្នាំ២០២១នេះដើម្បីកាត់ទោស។ លោកវរសេនីយ៍ឯក សាន សុខសីហា ជំនួយការ និងជាអ្នកនាំពាក្យស្នងការដ្ឋាននគរបាលរាជធានីភ្នំពេញ បានប្រាប់បណ្ដាញព័ត៌មាននៅរសៀលថ្ងៃទី១៧.០៤.២០២១ថា បន្ទាប់ពីបញ្ចប់ការសួរនាំ មន្ដ្រីនគរបាលយុត្តិធម៌ បានបញ្ជូនបុគ្គលឈ្មោះ សៀង រង្សី អាយុ៣៥ឆ្នាំ ក្លែងបន្លំជានគរបាលជាតិ និងបើករថយន្តឡាយ ល្មើសនឹងសេចក្តីសម្រេចបិទរាជធានីភ្នំពេញ ។ ទៅសាលាដំបូងរាជធានីភ្នំពេញ នៅរសៀលនេះ។ សំណុំរឿងរបស់មន្ដ្រីនគរបាលយុត្តិធម៌ ដែលបានបញ្ជូនទៅតុលាការចំនួន២បទល្មើស *ទី១៖ ក្លែងបន្លំជាមន្ដ្រីនគរបាលជាតិ *ទី២៖ ល្មើសសេចក្ដីសម្រេចវិធានការបិទខ្ទប់រាជធានីភ្នំពេញ។ សូមជម្រាបថា៖ កាលពីព្រឹកថ្ងៃទី១៧.០៤.២០២១ ជនសង្ស័យរូបនេះ។ បានបើករថយន្តទំនើប ម្តុំវត្តគៀនឃ្លាំង ផ្លូវជាតិលេខ៦A ខណ្ឌឬស្សីកែវ និងបង្ហោះវីដេអូ អួតពីការធ្វើដំណើរដោយមិនខ្លាចសមត្ថកិច្ច នៅលើបណ្ដាញសង្គម Facebook។ ស្របពេលដែលរដ្ឋាភិបាលកំពុងមានវិធានការបិទខ្ទប់ មិនឲ្យប្រជាពលរដ្ឋចេញ ពីផ្ទះដើម្បីបង្ការ និងទប់ស្កាត់ការឆ្លងរាលដាលវីរុសកូវីដ១៩ បន្ទាប់មកក៏ត្រូវសមត្ថកិច្ចចាប់ខ្លួន។ សមត្ថកិច្ចបានអះអាងថា ក្រោយចាប់ខ្លួនបុគ្គលរូបនេះ ត្រូវបានបញ្ជូនភ្លាមៗ ទៅកាន់ស្នងការដ្ឋាននគរបាលរាជធានីភ្នំពេញ ។ រួមជាមួយរថយន្ដស៊េរីទំនើបមួយគ្រឿង

(ភ្នំពេញ) នៅព្រឹកថ្ងៃសៅរ៍ ទី១៧ ខែមេសា ឆ្នាំ២០២១នេះ វ៉ាក់សាំងកូវីដ១៩ របស់ក្រុមហ៊ុន ស៊ីណូវ៉ាក់ចំនួន ៥០ម៉ឺនដូសទៀត ដែលរាជរដ្ឋាភិបាលកម្ពុជាបានបញ្ជាទិញពីរដ្ឋាភិបាលចិននោះបានដឹកមកដល់ប្រទេសកម្ពុជាហើ។ វ៉ាក់សាំងស៊ីណូវ៉ាក់ ៥០ម៉ឺនដូស ដែលបានដឹកមកដល់កម្ពុជានៅព្រឹកថ្ងៃនេះ គឺជាវ៉ាក់សាំងទី២ហើយ ដែលរាជរដ្ឋាភិបាលកម្ពុជាបានបញ្ជាទិញ ខណៈជើងទី១មានចំនួន ១.៥លានដូសត្រូវបានដឹកមកដល់កម្ពុជា កាលពីថ្ងៃទី២៦ ខែមីនាកន្លងទៅនេះ។ វ៉ាក់សាំងកូវីដ១៩ ជាឧបករណ៍ដ៏សំខាន់មួយបន្ថែមទៀតក្នុងប្រតិបត្តិការប្រយុទ្ធប្រឆាំងជំងឺកូវីដ១៩ និងជួយការពារសុខភាពរបស់មនុស្សពីការវាយប្រហារដោយជំងឺកូវីដ១៩។ រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាច្រកម្ពុជា បាននិងកំពុងស្វះស្វែងរកវ៉ាក់សាំង ហើយបាននាំមកដល់នូវវ៉ាក់សាំងជាបន្តបន្ទាប់សម្រាប់ចាក់ជូនប្រជាពលរដ្ឋរបស់ខ្លួន។ វ៉ាក់សាំងកូវីដ១៩ ដែលកំពុងទទួលបាន ហើយកំពុងដំណើរការជូនប្រជាពលរដ្ឋនេះ គឺភាគច្រើនបំផុតជារបស់ប្រទេសចិន។ ជាមួយនឹងការមកដល់វ៉ាក់សាំងស៊ីណូវ៉ាក់ចំនួន ៥០ម៉ឺនដូសនេះ ស្ថានទូតចិនប្រចាំនៅកម្ពុជា បានគូសបញ្ជាក់ថា ទោះបីជាប្រទេសចិនស្ថិតក្នុងស្ថានភាពដែលមានតម្រូវការវ៉ាក់សាំងក៏ដោយ ក៏នៅតែបន្តផ្តល់ទៅតាមតម្រូវការបញ្ជាទិញរបស់ភាគីកម្ពុជាដែរ។ នេះបានបង្ហាញយ៉ាងច្បាស់អំពីចំណងមិត្តភាពដែកថែបប្រៀបដូចបងប្អូនរវាងប្រទេសទាំងពីរ។ ស្ថានទូតចិននៅកម្ពុជា បានបង្ហាញក្តីសង្ឃឹមថា វ៉ាក់សាំងចិនអាចរួមចំណែកយ៉ាងសកម្មជូនដល់ប្រជាជនកម្ពុជា ក្នុងកិច្ចការប្រយុទ្ធប្រឆាំងជំងឺវីរុសកូវីដ-១៩។ សូមបញ្ជាក់ថា កម្ពុជា ទទួលបានវ៉ាក់សាំងជាង ៣លានដូសរួចមកហើយ រួមមាន៖ ស៊ីណូហ្វាមជំនួយរបស់រដ្ឋាភិបាលចិន ១.៣លានដូស, វ៉ាក់សាំងស៊ីណូវ៉ាក់ ទិញពីចិន ១.៥លានដូស និងវ៉ាក់សាំងអាស្ត្រាហ្សេនីកា ៣២៤,០០០ដូស

ភ្នំពេញ៖ អាជ្ញាធររាជធានីភ្នំពេញ បានចាប់វាយខ្នោះឧត្តមសេនីយ៍ផ្កាយពីរម្នាក់ ជាអនុប្រធានសេនាធិការ អគ្គស្នងការដ្ឋាននគរបាលជាតិ និងបក្ខពួក២នាក់ទៀត ដោយសារបង្កើតកម្មវិធី ផឹកស៊ី រាំ ច្រៀង និងប៉ាតម្សៅ ដល់អ្នកជួលបន្ទប់របស់ខ្លួន បំពាននឹងសេចក្តីសម្រេចរបស់រាជរដ្ឋាភិបាល កាលើពីយប់ថ្ងៃទី១៦ ខែមេសា នេះ ។ ផ្កាយ២នគរបាលជាតិឈ្មោះ  ដែលអាជ្ញាធរបានចាប់ខ្លួនមានឈ្មោះ អ៊ុង ចាន់ធួក អាយុ៤៥ ឆ្នាំ មានតួនាទីជាអនុប្រធានសេនាធិការ អគ្គស្នងការដ្ឋាននគរបាលជាតិ យោងតាមរបាយការណ៍របស់អធិការដ្ឋាន នគរបាលខណ្ឌមានជ័យ បានឲ្យដឹងថា «នៅវេលាម៉ោង ២១ម៉៣០នាទី ថ្ងៃសុក្រ ទី១៦ ខែមេសា ឆ្នាំ២០២១ នៅចំណុចតំបន់ផ្ទះជួលលេខ58 ផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កម្លាំងអធិការដ្ឋាននគរបាលខណ្ឌ បានសហការជាមួយកម្លាំងអន្តរាគមន៍របស់អគ្គស្នងការដ្ឋាននគរបាលជាតិ បានឃាត់ខ្លួនជនសង្ស័យចំនួន០៣នាក់ រួមមាន៖ ១-ឈ្មោះ អ៊ុង ចាន់ធួក ភេទប្រុស អាយុ៤៥ឆ្នាំ ជាម្ចាស់ទីតាំងផ្ទះជួល ឋានៈអនុប្រធានសេនាធិការ នៃអគ្គស្នងដ្ឋានការនគរបាលជាតិ ឋានន្តរស័ក្តិឧត្តមសេនីយ៍ទោ។២-ឈ្មោះ ឡាយ ភារុណ ភេទ

ខេត្ដកំពង់ចាម៖ នៅព្រឹកថ្ងៃទី១៦ ខែមេសា ឆ្នាំ២០២១ ឯកឧត្ដម​ អ៊ុន ចាន់ដា អភិបាល នៃគណៈអភិបាលខេត្ត​កំពង់ចាម អញ្ជើញចូលរួម រំលែកទុក្ខ និងគោរពវិញ្ញាណក្ខន្ធសព លោកវរសេនីយ៍​ទោ មុំ​ ធន​ អធិការរងទទួលផែនការងារគ្រឿងញៀន​ នៃអធិការដ្ឋាននគរបាលស្រុកចំការលេី​ ដែលបានទទួលមរណភាព​កាលពីវេលាម៉ោង០៤​ ទៀបភ្លឺ​ ថ្ងៃទី១៦​ ខែមេសា​ ឆ្នាំ២០២១​ ដោយរោគាពាធ​។ នៅក្នុងឱកាសនោះ ឯកឧត្ដមអភិបាលខេត្ត បានចូលបច្ច័យផ្ទាល់ខ្លួន ជូនដល់ក្រុមគ្រួសារ​នៃសព ដើម្បីចាត់ចែងធ្វើបុណ្យតាមគន្លងប្រពៃណីព្រះពុទ្ធសាសនា​ ស្ថិត​នៅភូមិពែងមាសត្បូង​ ឃុំស្ពឺ​ ស្រុក​ចំការលេី​ ខេត្តកំពង់ចាម។ ឯកឧត្ដមអ៊ុន ចាន់ដា ផ្តាំផ្ញើដល់បងប្អូនប្រជាពលរដ្ឋ សូមឲ្យថែរក្សាសុខភាពឲ្យបានល្អ និងចូលរួមអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ហើយកុំភ្លេច ៣ការពារ ៣កុំ ដែលបានដាក់ចេញដោយរាជរដ្ឋាភិបាល ដើម្បីចូលរួមទប់ស្តាក់ការរីករាលដាលជំងឺកូវីដ-១៩ នៅក្នុងសហគមន៍៕