បុណ្យកាន់បិណ្ឌវេនទី១🙏
ថ្ងៃពុធ ១រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែកញ្ញា ឆ្នាំ២០២១ ខ្ញុំបាទ និងក្រុមគ្រួសារ ជាមួយមន្ត្រីរាជការ បានអញ្ជើញចូលរួមពិធីបុណ្យកាន់បិណ្ឌវេនទី១ ក្រោមអធិបតីភាព លោកជំទាវ ញ៉ែម សាខន សខេ និងក្រុមគ្រួសារ រួមជាមួយ ឯកឧត្តម លោកជំទាវ លោក លោកស្រី ជាសាច់សារលោហិត និងបាននិមន្តព្រះសង្ឃ ចំនួន១០អង្គ មកពី១០វត្ត ក្នុងស្រុកកំចាយមារ មកប្រារព្ធពិធីបុណ្យកាន់បិណ្ឌទី១ និងបង្សុកូល ដាឆ្លងជាកិច្ចបង្ហើយបុណ្យ ដើម្បីឧទ្ទិសកុសល ជូនវិញ្ញាណក្ខ័ន្ឋសម្តេចអគ្គមហាធម្មពោធិសាល ជា ស៉ីម និងលោកជំទាវ ញ៉ែម សឿន ជាសុីម ព្រមទាំងវិញ្ញាណក្ខ័ន្ឋបុព្វការីជន និងញាតិការទាំង៧សណ្តាន ដែលប្រារព្ធនៅភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង។
សូមបញ្ជាក់ថា ពិធីបុណ្យកាន់បិណ្ឌ ភ្ជុំបិណ្ឌ ត្រូវបានប្រារព្ធចាប់គិតពីថ្ងៃ១រោច ដល់ថ្ងៃ១៥រោច ខែភទ្របទ ជារៀងរាល់ឆ្នាំ ដើម្បីឧទ្ទិសកុសល ជូនដល់បុព្វរីជន ដែលបានចែកឋាននៅកាន់បរមលោកទៅហើយ ដើម្បីទទួលបានសេចក្តីសុខ សិរីសួស្តី ដែលកើតពីផលទាន។
ឆ្លៀតក្នុងឱកាសនេះដែរ ខ្ញុំបាទ ក៍សូមអំពាវនាវនូវគ្រប់វត្តអារាមទាំងអស់ដែលរៀបចំពិធីបុណ្យកាន់បិណ្ឌ ភ្ជុំបិណ្ឌ ត្រូវអនុវត្តតាមវិធានការសុខាភិបាលអោយបានខ្ជាប់ខ្ជួនដើម្បីកុំឲ្យកើតមានករណីឆ្លងជំងឺកូវីដ-១៩នៅក្នុងសហគមន៍។
ជាថ្មីម្តងទៀត ខ្ញុំបាទ សូមឧទិ្ទសកុលផលបុណ្យ ជូនដល់បងប្អូន និងប្រជាពលរដ្ឋក្នុងខេត្តព្រៃវែងទាំងអស់ ទទួលបានមគ្គផលដូចៗគ្នា។
