ព័ត៌មានជាតិ

អាវុធហត្ថរាជធានីភ្នំពេញ សម្តែងនូវការថ្លែងអំណរគុណចំពោះ លោក Park Sang Ho Chairman of Cam – KO Business Association !

June 22, 2021 adm Comment(0)

នាព្រឹក ថ្ងៃទី២១ ខែមិថុនា ឆ្នាំ២០២១ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានចាត់តំណាង ទទួលសម្លៀកបំពាក់ការពារមេរោគ PPE ចំនួន ១០០០កំប្លេ ពី លោក Park Sang Ho Chairman of Cam – KO Business Association ប្រគល់ជូនអាវុធហត្ថរាជធានីភ្នំពេញ សម្រាប់ប្រើប្រាស់ជាប្រយោជន៍ ក្នុងយុទ្ធនាការប្រយុទ្ធប្រឆាំងការរីករាលដាលជំងឺកូវីដ-១៩។

ក្នុងឱកាសនោះ ក្រុមការងារ តំណាងឲ្យលោកឧត្តមសេនីយ៍ឯក រ័ត្ន ស៊្រាង បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ លោក Park Sang Ho ដែលមានចិត្តជ្រះថ្លាឧបត្ថម្ភ សម្លៀកបំពាក់ការពារមេរោគ PPE ដល់អាវុធហត្ថរាជធានីភ្នំពេញនាពេលនេះ គឺពិតជាមានសារៈសំខាន់បំផុត សម្រាប់ប្រើប្រាស់ជាក់ស្តែងក្នុងអង្គភាព៕

adm

ព័ត៌មានជាតិ

ឯកឧត្តម ជា សុមេធី អញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលស្រុកកញ្ជ្រៀចថ្មី

November 17, 2022 adm

(ព្រៃវែង) :ឯកឧត្តម ជា សុមេធី អភិបាលនៃគណ:អភិបាលខេត្តព្រៃវែងនៅថ្ងៃទី១៧ ខែវិច្ឆិកា ឆ្នាំ២០២២ បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលស្រុកកញ្ជ្រៀច ដោយរាជរដ្ឋាភិបាលកម្ពុជា បានចេញអនុក្រឹត្យ សម្រេចតែងតាំងលោក សឿង សុជាតិ ឋានន្តរស័ក្ដិវរមន្រ្ដី ថ្នាក់លេខ៣ ឲ្យកាន់មុខតំណែងជាអភិបាល នៃគណៈអភិបាលស្រុកកញ្ជ្រៀចថ្មី ជំនួសលោក ប៊ិន ជីវ័ន្ត ដែលត្រូវផ្លាស់ប្តូរទៅបំរើការងារជាអភិបាលស្រុកកំចាយមារ ខេត្តព្រៃវែង។ បន្ទាប់ពីប្រគល់ជូនអនុក្រឹត្យ និងត្រារដ្ឋបាលស្រុករួច លោក សឿង សុជាតិ ដែលទើបតែប្រកាសតែងតាំងមុខតំណែងជាអភិបាល នៃគណៈអភិបាលស្រុកកញ្ជ្រៀចថ្មី បានឡើងប្ដេជ្ញាចិត្ត ជូនចំពោះគណៈអធិបតី និងអង្គពិធីទាំងមូល ក្នុងន័យបន្តការបម្រើប្រជាពលរដ្ឋឲ្យកាន់តែម៉ត់ចត់ និងមានប្រសិទ្ធិភាព។ ជាទីបញ្ចប់ ឯកឧត្តមអភិបាលខេត្ត បានណែនាំដល់អភិបាលស្រុកថ្មី និងរដ្ឋបាលគ្រប់លំដាប់ថ្នាក់ក្នុងមូលដ្ឋាន ត្រូវបន្តពង្រឹងផ្ដល់សេវាសាធារណៈជូនប្រជាពលរដ្ឋ និងពង្រឹងសាមគ្គីភាពផ្ទៃក្នុង ចេះគោរពគ្នាទៅវិញទៅមក ដើម្បីប្រសិទ្ធិភាពការងារនៅក្នុងអង្គភាពឲ្យមានគុណភាពកាន់តែល្អប្រសើរ ជាពិសេស ជំរុញការអនុវត្តកម្មវិធីកំណែទម្រង់នានារបស់រាជរដ្ឋាភិបាល និងពង្រឹងសមត្ថភាពមន្រ្តីក្រោមឱវាទក្នុងការបំពេញការងាររដ្ឋបាលប្រចាំថ្ងៃឲ្យកាន់តែល្អប្រសើរបន្ថែមទៀត។

ព័ត៌មានជាតិ

ក្រុមប្រតិបត្តសាខា កាកបាទប្រហម ចុះបាញ់សម្លាប់មេរោគ អេកូ ឌីស (ANOLYTE)គ្រប់បន្ទាប់នៅក្នុងបរិវេណ បញ្ជាការដ្ធានកងរាជអាវុធហត្ថ ខេត្តព្រៃវែង

March 29, 2021 adm

ក្រុមប្រតិបត្តសាខា កាកបាទប្រហម ចុះបាញ់សម្លាប់មេរោគ អេកូ ឌីស (ANOLYTE)គ្រប់បន្ទាប់នៅក្នុងបរិវេណ បញ្ជាការដ្ធានកងរាជអាវុធហត្ថ ខេត្តព្រៃវែ (ខេត្តព្រៃវែង) ៖ ដោយមានការយកចិត្តទុក្ខដាក់ពីសំណាក់ ឯកឧត្តម ជា សុមេធី អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមខេត្ត នៅព្រឹកថ្ងៃចន្ទ ១រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៩ ខែមីនា ឆ្នាំ២០២១ បានចាត់អោយក្រុមប្រតិបត្តសាខា កាកបាទក្រហមខេត្ត ចុះបាញ់ ថ្នាំសម្លាប់មេរោគ អេកូឌីស ( ANOLYTE ) គ្រប់បន្ទប់ការិយាល័យជំនាញទាំងអស់ និងបរិវេណនៅក្នុងបញ្ជាការដ្ឋានកងរាជអាវុធហត្ថខេត្តព្រៃវែង ។ លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង សូមថ្លែងអំណរគុណ យ៉ាងជ្រាលជ្រៅបំផុត ចំពោះឯកឧត្តម អភិបាល នៃគណអភិបាលខេត្ត ដែលបានយកចិត្តទុក្ខដាក់ចំពោះសុខភាព នាយ នាយរង ពលអាវុធហត្ថ ទាំងអស់របស់អង្គភាព យើងខ្ញុំ ៕

ព័ត៌មានជាតិ

គណៈប្រតិភូរដ្ឋបាលក្រុងព្រៃវែង អញ្ជើញគោរពវិញ្ញាណក្ខន្ធសពឯកឧត្តម សុខ យាត

August 4, 2021 adm

ព្រៃវែង÷រសៀលថ្ងៃទី០៣ ខែសីហា ឆ្នាំ២០២១ លោក ម៉ននី បណ្ឌិតអភិបាល នៃគណ:អភិបាលក្រុងព្រៃវែង ដឹកនាំមន្រ្តីរដ្ឋបាលក្រុង អញ្ជើញគោរពវិញ្ញាណក្ខន្ធសពឯកឧត្តម សុខ យាត សមាជិកគណៈកម្មការទី៧ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ នៅគេហដ្ឋាននៃសព ស្ថិតក្នុងភូមិលេខ៤ សង្កាត់កំពង់លាវ ក្រុងព្រៃវែង ខេត្តព្រៃវែង។ ឯកឧត្តម សុខ យាត បានទទួលមរណភាពកាលពីថ្ងៃសៅរ៍ ទី៣១ ខែកក្កដា ឆ្នាំ២០២១ វេលាម៉ោង២១:១០នាទីយប់ ក្នុងន្មាយុ៧៦ឆ្នាំ ដោយរោគាពាធ ។ យើងខ្ញុំទាំងអស់គ្នា សូមបួងសួងដល់ដួងវិញ្ញាណក្ខន្ធឯកឧត្ដម សុខ យាយ សូមឆាប់ទៅកាន់សុគតិភពកុំបីឃ្លៀងឃាតឡើយ ។