ព័ត៌មានជាតិ

ករណីឆេះផ្ទះនៅឃុំខុនរ៉ងស្រុកបរិបូរណ៍ ដែលបណ្តាលឲ្យសមាជិកគ្រួសារ៦នាក់រួមនិងកូនក្នុងផ្ទៃផងនោះ ត្រូវបានសមត្ថកិច្ចធ្វើការកំណត់ករណីនេះថាជាករណីឃាតកម្ម

កំពង់ឆ្នាំង:ដូចការគ្រោងទុក ប៉ូលីសអន្តរជាតិប្រចាំនៅកម្ពជា នឹង ប៉ូលីសក្រសួងមហាផ្ទៃសហការគ្នារកឃើញថា ករណីអគ្គីភយ័ស្លាប់មនុស្សមួយគ្រួសារ៦នាក់រួមទាំងកូនក្នុងផ្ទៃ នៅខេត្តកំពង់ឆ្នាំង ជាករណីឃាតកម្ម ដែលបង្កឡើងដោយបុរសជាប្តី។

ករណីឆេះផ្ទះនៅឃុំខុនរ៉ងស្រុកបរិបូរណ៍ ដែលបណ្តាលឲ្យបណ្តាលឲ្យសមាជិកគ្រួសារ៦នាក់រួមនិងកូនក្នុងផ្ទៃផងនោះ ត្រូវបានសមត្ថកិច្ចធ្វើការកំណត់ករណីនេះថាជាករណីឃាតកមម ដែលបង្កឡើងដោយបុរសជាប្តី នេះបើតាមការបញ្ជាក់របស់អ្នកនាំពាក្យនិង ជាស្នងការរងរបស់ស្នងការដ្ឋាននគរបាលខេត្តកំពង់ឆ្នាំង លោក ឧត្តមសេនីយត្រីយ៍ អ៊ៀ ប៊ុនធឿន ដែលបានបញ្ជាក់ប្រាប់តាមទូរស័ព្ទកាលពីព្រឹកថ្ងៃទី១២ ខែឧសភា ឆ្នាំ២០២១ នេះ។

លោកឧត្តមសេនីយ៍ត្រី អ៊ៀ ប៊ុនធឿនបានបញ្ជាក់ទៀតថា ចំពោះសាច់រឿងលំអិត នៃករណីនេះ សមត្ថកិច្ចជំនាញនឹងធ្វើសន្និសីទកាសែតជាសាធារណៈ នៅពេលក្រោយ បន្ទាប់ពីបានធ្វើការស្រាវជ្រាវបានបញ្ចប់សព្វគ្រប់ហើយនោះ ។

គួរបញ្ជាក់ថា កាលពីវេលាម៉ោង៨និង៤០នាទីថ្ងៃទី៩ ខែឧសភា ឆ្នាំ ២០២១នេះ មានករណីអគ្គិភ័យឆាបឆេះផ្ទះមួយខ្នងនៅត្រង់ចំណុចអ្នកតារាជ ស្ថិតក្នុងភូមិដើមជ្រែ ឃុំខុនរ៉ង់ ស្រុកបរិបូណ៍ ខេត្តកំពង់ឆ្នាំង បណ្ដាលឲ្យផ្ទះ១ខ្នង មានទំហំ ៧ម៉ែត្រគុណនឹង១២ម៉្រែត្រ សង់ពីដែកបាំងនិងប្រក់ស័ង្កសីឆេះខ្ទេចទាំងស្រុង ក្នុងហេតុការណ៍ឆេះផ្ទះនេះគឺមាន តែបុរសម្នាក់ឈ្មោះ នន់ សារ៉េត ដែលត្រូវជាប្តីដែលបានរួចខ្លួន ចំណែកប្រពន្ធនិងកូនចំនួន៦នាក់រួមទាំងកូនក្នុងផ្ទៃ បានស្លាប់ក្នុងភ្នក់ភ្លើងទាំងអស់ ។

ក្រោយពីហេតុការណ៍នេះសមត្ថកិច្ចជំនាញរបស់ស្នងការដ្ឋាននគរបាលខេត្តកំពង់ឆ្នាំងបានសហការជាមួយអង្គភាពការពារកុមារ (CPU) ក្នុងកិច្ចសហប្រតិបត្តិការជាមួយស្នងការដ្ឋាននគរបាលខេត្តកំពង់ឆ្នាំង និងនាយកដ្ឋានបច្ចេកទេស និងវិទ្យាសាស្រ្តនៃក្រសួងមហាផ្ទៃ ធ្វើការស្រាវជ្រាវ ហើយបានដាក់ការសង្ស័យថា ករណីនេះជាករណីឃាតកម្ម ដែលបង្កឡើងដោយបុរសឈ្មោះ នន់ សារ៉េត អាយុ៤១ឆ្នាំម្នាក់ ត្រូវជាប្តីនិងឪពុករបស់ជនរងគ្រោះ។

បច្ចុប្បន្នសមត្ថកិច្ច បានធ្វើការឃាត់ខ្លួនជនសង្ស័យជាបណ្តោះអាសន្ននៅស្នងការដ្ឋាននគរបាលខេត្តកំពង់ឆ្នាំងដើម្បីបន្តការស្រាវជ្រាវបន្ថែម ៕

adm

Leave a Reply

Your email address will not be published. Required fields are marked *