ធ្ងន់ធ្ងរកាន់តែខ្លាំង ឥណ្ឌាកំពុងខ្វះទីបញ្ចុះសព ខណៈគ្រែ១ដាក់អ្នកជំងឺកូវីដ-១៩ពីរនាក់ក៏មាន

April 17, 2021 adm Comment(0)

យោងតាមអាជ្ញាធរបានឲ្យដឹងថា ទីបញ្ចុះសពកូវីដ-១៩ដ៏ធំនៅទីក្រុងញូវដែលី ប្រទេសឥណ្ឌាទើបតែប៉ុន្មានថ្ងៃនេះបានបញ្ចុះស្ទើរពេញអស់ហើយ ខណៈករណីឆ្លងនៅទីក្រុងមួយនេះកំពុងខ្លាំង និងទូទាំងប្រទេសឥណ្ឌាធ្វើឲ្យការគ្រប់គ្រងលែងបាន បន្ទាប់ពីការផ្ទុះលើកទី២។

ប្រទេសឥណ្ឌាដែលមានប្រជាជនជិត១.៤ពាន់លាននាក់ត្រូវបានគេរាយការណ៍ថា បានកំពុងឆ្លងជាង២សែននាក់ប្រចាំថ្ងៃសម្រាប់រយៈពេលពីរបីថ្ងៃចុងក្រោយនេះដែលបានក្លាយជាករណីឆ្លងប្រចាំថ្ងៃខ្ពស់ជាងគេបំផុតក្នុងពិភពលោក ខណៈទីក្រុងញូវដែលីបានក្លាយជាទីក្រុងធ្ងន់ធ្ងរបំផុតនៅក្នុងប្រទេស។

កាលពីថ្ងៃព្រហស្បតិ៍ រថយន្តសង្គ្រោះបន្ទាន់មានចំនួនថេរបានទៅដល់ទីបញ្ចុះសព Jadid Qabristan នៅជាយក្រុងញូវដែលី ដែលជាកន្លែងដាក់កាកសំណល់ដ៏ធំត្រូវបានធ្វើជាទីបញ្ចុះសពកាលពីខែឆ្នាំមុន។

ទីធ្លាធ្លាប់មើលឃើញស្រលះទូលាយ ប៉ុន្តែឥឡូវនេះពោរពេញដោយផ្នូរខ្មោចដែលអាចមើលឃើញជាប់គ្នាដល់ព្រំប្រទល់សងខាង និងមានចន្លោះតិចតូចប៉ុណ្ណោះដែលអាចបញ្ចុះសពទៀត។

ប្រធានទីបញ្ចុះសព Jadid Qabristan លោក Mohammad Shameem ប្រាប់ថា ឥឡូវនេះគាត់បានបង្វែរសពទៅកន្លែងផ្សេង ពីព្រោះគ្មានចន្លោះសម្រាប់បញ្ចុះទៀតទេ។

លោកថា ៖«កាលពីម្សិលមិញមានសពចំនួន១៩ ប៉ុន្តែយើងអាចបញ្ចុះបានត្រឹមតែ១៥ប៉ុណ្ណោះ»។

ក្រុមគ្រួសារដែលភាគច្រើនពាក់ឧបករណ៍ការពារខ្លួន ឬអត់មានពាក់ក៏មាន បានលើកសពដាក់ចូលក្នុងមឈូសឈើធម្មតា ឬសពខ្លះគ្រាន់តែរុំដោយក្រណាត់សធម្មតាប៉ុណ្ណោះ។

ទន្ទឹមជាមួយគ្នានេះ មន្ទីរពេទ្យនៅក្នុងប្រទេសឥណ្ឌាក៏បានកំពុងខ្វះគ្រែ និងអ៊ុកស៊ីសែនសម្រាប់ដាក់អ្នកជំងឺកូវីដ-១៩ដែលបង្ខំចិត្តឲ្យក្រុមគ្រូពេទ្យដាក់អ្នកជំងឺពីរនាក់លើគ្រែតែមួយ ហើយក៏ចែកគ្នាដាក់អ៊ុកស៊ីសែនដែរ។

សាច់ញាតិរបស់អ្នកជំងឺកូវីដ-១៩ Pappu Ali អាយុ៤៣ឆ្នាំបានទៅកាន់មន្ទីរពេទ្យជាច្រើននៅក្នុងទីក្រុងដើម្បីរកគ្រែសម្រាប់គាត់។ ប៉ុន្តែពិបាករកគ្រែ ហើយគាត់បានស្លាប់ បន្ទាប់ពីត្រូវបានអនុញ្ញាតឲ្យចូលទៅក្នុងមន្ទីរពេទ្យរដ្ឋាភិបាលមួយ។

លោក Mehboob ត្រូវជាពូបាននិយាយ បន្ទាប់ពីបញ្ចុះសពក្មួយរួចថា ៖«អត់មានក្រុមគ្រូពេទ្យគ្រប់គ្រាន់ទេ។ យើងថែមទាំងរកទឹកគ្មានផង»។

មន្ទីរពេទ្យ Lok Nayak Jai Prakash Narayan Hospital (LNJP) ដែលជាមន្ទីរពេទ្យធំមួយរបស់ប្រទេសមានគ្រែ១៥០០ និងរថយន្តសង្គ្រោះបន្ទាន់មួយចំនួន ប៉ុន្តែមិនអាចគ្រប់គ្រាន់សម្រាប់អ្នកជំងឺកូវីដ-១៩ដែលកំពុងកើនឡើងយ៉ាងខ្លាំងបានឡើយ។

លោក Suresh Kuma ប្រធានមន្ទីរពេទ្យបាននិយាយថា ៖«យើងពិតជាមានបន្ទុកលើស។ យើងបានកំពុងប្រឹងប្រែងអស់ពីសមត្ថភាពហើយ»។

រហូតមកដល់ពេលនេះ ប្រទេសឥណ្ឌាកំពុងឈរនៅលំដាប់លេខ២ក្នុងចំណោមប្រទេសធ្ងន់ធ្ងរបំផុតជាសកលដោយករណីឆ្លងសរុប១៤.៣លាននាក់ និងអ្នកស្លាប់១៧៤ពាន់នាក់ ខណៈលេខ១សហរដ្ឋអាមេរិកដែលមានករណីឆ្លង៣១.៥លាននាក់ និងអ្នកស្លាប់៥៦៥ពាន់នាក់ ហើយប្រេស៊ីលលេខ៣ជាមួយនឹងករណីឆ្លង១៣.៧លាននាក់ និងអ្នកស្លាប់៣៦៥ពាន់នាក់៕

adm

ព័ត៌មានអន្តរជាតិ

ក្រុមឧទ្ទាមប្រដាប់អាវុធភាគតិចគំរាមរដ្ឋាភិបាលយោធាមីយ៉ាន់ម៉ាដោយការសងសឹកប្រសិនបើការបង្ហូរឈាមមិនបញ្ឈប់

March 31, 2021March 31, 2021 adm

មីយ៉ាន់ម៉ា ៖ ក្រុមឧទ្ទាមប្រដាប់អាវុធភាគតិចកាលពីថ្ងៃអង្គារ បានគំរាមរដ្ឋាភិបាលយោធាដោយការសងសឹកប្រសិនបើការបង្ហូរឈាមមិនបញ្ឈប់ ខណៈដែលចំនួនជនស៊ីវិលដែលបានស្លាប់ក្នុងការបង្ក្រាបរបស់ក្រុមយោធាមីយ៉ាន់ម៉ាទៅលើក្រុមបាតុករបានកើនដល់ជាង៥២០នាក់។ នេះបើយោងតាមប្រភពពីសារព័ត៌មាន CNA។ មហាអំណាចពិភពលោកបានបង្កើនការថ្កោលទោសចំពោះការបង្ក្រាបរបស់យោធាទៅលើក្រុមបាតុករប្រឆាំងនឹងរដ្ឋប្រហារដែលទាមទារការស្តារឡើងវិញនូវរដ្ឋាភិបាលដែលបានជាប់ឆ្នោតនិងដោះលែងមេដឹកនាំស៊ីវិលលោកស្រីអ៊ុងសាន ស៊ូជី។ ទីក្រុងវ៉ាស៊ីនតោនបានផ្អាកកិច្ចព្រមព្រៀងពាណិជ្ជកម្មជាមួយមីយ៉ាន់ម៉ានិងប្រមុខ UN លោក Antonio Guterres បានអំពាវនាវឱ្យមានការរួបរួមគ្នាជាសកលដើម្បីដាក់សម្ពាធលើរដ្ឋាភិបាលយោធាបន្ទាប់ពីក្រុមបាតុករជាង ១០០ នាក់ត្រូវបានសម្លាប់នៅចុងសប្តាហ៍បង្ហូរឈាម។ បន្ថែមលើយុទ្ធនាការដាក់សម្ពាធនោះក្រុមឧទ្ទាមជនជាតិភាគតិច៣នាក់កាលពីថ្ងៃអង្គារបានថ្កោលទោសការបង្ក្រាប និងបានគំរាមវាយប្រកហារ លើរដ្ឋាភិបាលយោធាដែលបានបង្ក្រាបអ្នកតវ៉ាបណ្តាលឲ្យស្លាប់មនុស្សរាប់រយនាក់។ ការប្រមូលផ្តុំគ្នាជារៀងរាល់ថ្ងៃនៅទូទាំងប្រទេសមីយ៉ាន់ម៉ាដោយក្រុមបាតុករដែលគ្មានអាវុធត្រូវបានជួបជាមួយឧស្ម័នបង្ហូរទឹកភ្នែកគ្រាប់ជ័រ គ្រាប់ពិត ការបំផ្ទុះគ្រាប់បែក និងមានទាំងផ្ទុះអាវុធធុនធ្ងន់ថែមទៀត។ សមាគមជំនួយសម្រាប់អ្នកទោសនយោបាយ(AAPP)បាននិយាយថាខ្លួនបានបញ្ជាក់ថា ចំនួនជនស៊ីវិលសរុប៥២១នាក់បានស្លាប់នៅយប់ថ្ងៃអង្គារ ប៉ុន្តែចំនួននេះនឹងបន្តកើនឡើងទៀត ដោយសារនៅមានអ្នករបួសធ្ងន់ជាច្រើន។ ជាមួយគ្នានេះ ពលរដ្ឋមីយ៉ាន់ម៉ារាប់ពាន់បានភៀសខ្លួនទៅប្រទេសថៃ និងកំពុងលាក់ខ្លួននៅក្នុងព្រៃពីការវាយប្រហារតាមផ្លូវអាកាសរបស់រដ្ឋាភិបាលមីយ៉ាន់ម៉ា៕

ព័ត៌មានជាតិ ព័ត៌មានអន្តរជាតិ

ម៉ាឡេសុីផ្តល់សំណងខ្ទង់មុឺនដុល្លាបើចាក់វ៉ាក់សាំងហើយមានប្រត្តិកម្ម

March 23, 2021 adm

ប្រទេសម៉ាឡេស៊ី កាលពីថ្ងៃចន្ទទី២២ខែមីនា បានប្រកាសថា ខ្លួនបានបង្កើតមូលនិធិសំណងចំនួន២.៤លានដុល្លារអាមេរិក ដើម្បីផ្តល់ជំនួយជាសាច់ប្រាក់ដល់អ្នកទទួលវ៉ាក់សាំងកូវីដ ដែលទទួលរងប្រតិកម្មធ្ងន់ធ្ងរដោយសារតែការចាក់ថ្នាំ។ ប្រទេសម៉ាឡេស៊ី បានចាក់វ៉ាក់សាំងដល់បុគ្គលិកជួរមុខជិត៤៣០,០០០នាក់រួចទៅហើយ ដែលភាគច្រើនបានទទួលដូសដំបូងនៃវ៉ាក់សាំង ដែលត្រូវបានបង្កើតរួមគ្នាដោយក្រុមហ៊ុនអាមេរិក Pfizer និងដៃគូអាល្លឺម៉ង់ BioNTech។ រដ្ឋមន្រ្តីក្រសួងសុខាភិបាលលោក Adham Baba បាននិយាយថា ក្រោមមូលនិធិថ្មីនេះ បុគ្គលរូបណាដែលត្រូវការសម្រាកព្យាបាលនៅមន្ទីរពេទ្យដោយសារតែប្រតិកម្មវ៉ាក់សាំង នឹងមានសិទ្ធិទទួលបានទឹកប្រាក់ចំនួន ៥០,០០០រីងហ្គីត (១២,១៧១ដុល្លារអាមេរិក) ហើយប្រសិនបើលទ្ធផលបណ្តាលឲ្យមានពិការភាពឬស្លាប់ នឹងទទួលបានប្រាក់ ៥០០,០០០រីងហ្គីត។ លោក Adham និយាយថា អាជ្ញាធរសុខាភិបាលបានកត់ត្រានូវប្រតិកម្មមិនល្អចំពោះចាក់វ៉ាក់សាំងចំនួន២០ករណី គិតត្រឹមថ្ងៃទី១៨ខែមីនា ដោយមានបញ្ហាដូចជារមាស់ ដកដង្ហើមខ្លីនិងញ័រទ្រូងជាដើម។ ដោយមិនបានបញ្ជាក់ពីប្រភេទវ៉ាក់សាំង លោក Adham បានប្រាប់សន្និសីទកាសែតថា “មិនទាន់មានការស្លាប់ណាមួយ ទាក់ទងទៅនឹងវ៉ាក់សាំងនៅឡើយទេ”។ យុទ្ធនាការចាក់វ៉ាក់សាំងរបស់ប្រទេសម៉ាឡេស៊ីបានចាប់ផ្តើមកាលពីថ្ងៃទី២៣ខែកុម្ភៈ ដោយប្រើវ៉ាក់សាំង Pfizer-BioNTech ខណៈអាជ្ញាធរទើបចាប់ផ្តើមចាក់វ៉ាក់សាំងដែលត្រូវបានបង្កើតឡើងដោយក្រុមហ៊ុន Sinovac Biotech របស់ចិននៅថ្ងៃទី១៨ខែមីនាប៉ុណ្ណោះ។ គួរបញ្ជាក់ថា ប្រទេសម៉ាឡេស៊ីបានរាយការណ៍ថា មានករណីឆ្លងវីរុសកូវីដ១៩ជាង ៣៣០,០០០ករណីនិងមានអ្នកស្លាប់ ១,២៣៣នាក់៕ ប្រែសម្រួលដោយ៖ Vann Vann ប្រភព៖ CNA

ព័ត៌មានអន្តរជាតិ

បាញ់សំលាប់ឆៅៗកណ្តាលទីក្រុង ញូវយ៉ក (NYC)ព្រោះតែរើសអើងពូជសាសន៍(Video inside)

May 19, 2022 adm

ញូវយ៉ក៖ កាលពីថ្ងៃទី ១៤ ខែឧសភា ឆ្នាំ ២០២២ វេលាម៉ោង ១៤ៈ៣០នាទី ម៉ោងនៅសហរដ្ឋអាមេរិក មានបុរសម្នាក់ស្លៀកពាក់ជាឈុតទាហាន បានបើកឡានចូលបាញ់រះយកតែម្ដងដែលបណ្ដាលអោយស្លាប់ មនុស្សចំនួន ១០នាក់និងរបួស០៣នាក់ ដែលក្នុងនោះមានភ្នាក់ងារលក់ក្នុងហាង និងសន្តិសុខ ចំនួន ០៤នាក់ និង អ្នកទិញឥវ៉ាន់ក្នុងហាង រួមទាំងនៅកន្លែងចំណតឡានចំនួន០៩នាក់។ ជនបង្ករមានអាយុ១៨ឆ្នាំ ជាជនជាតិស្បែកសរ ដោយមូលហេតុកើតចេញមកពីការរើសអើងពូជសាសន៏ និងលេងហ្គេមលើសកំណត់ធ្វើអោយឡើងស្រ្តេស មិនអាចទប់អារម្មណ៍បាន។ បច្ចុប្បន្នភ្នាក់ងារ អេហ្វបីអាយ(FBI)កំពុងឃុំខ្លួនដើម្បីសួរនាំបន្ថែមនិងចាត់ការតាមប្រព័ន្ធផ្លូវច្បាប់ ដោយករណីនេះ ត្រូវបានគេចាត់ទុកថាជាអំពើ ភាវរៈកម្ម ។ ប្រភព៖CBC