រដ្ឋបាលខេត្តកំពង់ចាម អំពាវនាវដល់អ្នកពាក់ព័ន្ធដោយផ្ទាល់និងប្រយោលនឹងអ្នកជំងឺកូវីដ-១៩ចំនួនពីរនាក់ឱ្យតាមដានសុខភាព ឬមកពិនិត្យសំណាកនៅមន្ទីរពេទ្យបង្អែក ហ៊ុនណេង ស្រុកស្ទឹងត្រង់

សម្តេចតេជោ ហ៊ុន សែន អញ្ជើញធ្វើដំណើរចាកចេញពីសាធារណរដ្ឋម៉ាល់ឌីវ ក្នុងដំណើរនិវត្តន៍មកកាន់រាជធានីភ្នំពេញ

បន្ទាប់ពីបានស្នាក់អាស្រ័យបំពេញទស្សនកិច្ចផ្លូវការ នៅទីក្រុងម៉ាល នៃសាធារណរដ្ឋម៉ាល់ឌីវ ប្រកបដោយលទ្ធផលដ៏ត្រចះត្រចង់ រយៈពេល២យប់៣ថ្ងៃរួចមក នៅម៉ោង៨.០០នាទី(ម៉ោងនៅម៉ាល់ឌីវ) ត្រូវនឹងម៉ោង១០.០០នាទី(ម៉ោងនៅកម្ពុជា) ព្រឹកថ្ងៃទី១៧ មករា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញធ្វើដំណើរចាកចេញពីទីក្រុងម៉ាល នៃសាធារណរដ្ឋម៉ាល់ឌីវ ក្នុងដំណើរនិវត្តន៍មកកាន់រាជធានីភ្នំពេញ ព្រះរាជាណាចក្រកម្ពុជា។ នៅអាកាសយានដ្ឋានអន្តរជាតិវ៉ាឡេណា វត្តមាននៃការអញ្ជើញជូនដំណើរសម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់រាជរដ្ឋាភិបាលកម្ពុជា រួមមាន ឯកឧត្តម អាប់ឌុលឡា សាហ៊ីដ រដ្ឋមន្រ្តីការបរទេស នៃសាធារណរដ្ឋម៉ាល់ឌីវ ឯកឧត្តម អ៊ុង ស៊ាន ឯកអគ្គរាជទូតវិសាមញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋម៉ាល់ឌីវ ព្រមទាំងវត្តមាន ឯកឧត្តម លោកជំទាវ ជាឥស្សរជនជាន់ខ្ពស់រដ្ឋាភិបាល នៃសាធារណរដ្ឋម៉ាល់ឌីវ និងឥស្សរជនការទូត នៃព្រះរាជាណាចក្រកម្ពុជា ប្រចាំសាធារណរដ្ឋម៉ាល់ឌីវ ជាច្រើនរូប។ តាមកម្មវិធីដែលបានគ្រោងទុក សម្តេចតេជោនាយករដ្ឋមន្រ្តី គ្រោង នឹងអញ្ជើញដល់អាកាសយានដ្ឋានអន្តរជាតិភ្នំពេញ នៅវេលាម៉ោង១៥ រសៀល ថ្ងៃអង្គារទី១៧ ខែមករា ឆ្នាំ២០២៣នេះ៕ #ហ៊ុនសែន #HunSen […]

កិច្ចប្រជុំគណៈអភិបាលខេត្ត ស្តីពីការបូកសរុបលទ្ធផលនៃការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រៃវែង ប្រចាំឆ្នាំ២០២១ ដែលប្រព្រឹត្តទៅនៅសាលប្រជុំពហុបំណង “B” សាលាខេត្តព្រៃវែង

នៅរសៀលថ្ងៃទី២៥ ខែមករា ឆ្នាំ២០២២ ឯកឧត្តម ជា សុមេធី បានបើកកិច្ចប្រជុំគណៈអភិបាលខេត្ត ស្តីពីការបូកសរុបលទ្ធផលនៃការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រៃវែង ប្រចាំឆ្នាំ២០២១ ដែលប្រព្រឹត្តទៅនៅសាលប្រជុំពហុបំណង “B” សាលាខេត្តព្រៃវែង។ ក្នុងកិច្ចប្រជុំពិភាក្សានោះដែរ ក៏មានការចូលរួមពីអភិបាលរងខេត្ត នាយក នាយករងរដ្ឋបាលសាលាខេត្ត នាយកទីចាត់ការរដ្ឋបាលសាលាខេត្ត និងការិយាល័យលេខាធិការក្រុមប្រឹក្សាខេត្ត សរុបចំនួន១៤នាក់។ ឆ្លៀតក្នុងឱកាសនេះ ខ្ញុំបាទ បានថ្លែងអំណរគុណដល់រដ្ឋបាល​ខេត្ត​ និងមន្ត្រីជំនាញរបស់រដ្ឋបាលខេត្ត ដែលបានចូលរួមក្នុងកិច្ចប្រជុំបូកសរុបលទ្ធផលនៃការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រៃវែង ប្រចាំឆ្នាំ២០២១ នេះ។ សូមបញ្ជាក់ថា កិច្ចប្រជុំនេះ គឺរដ្ឋបាលខេត្ត បានពិនិត្យបន្ថែមលើករណីដែលនៅសេសសល់ មិនទាន់បានដោះស្រាយ យកមកដោះស្រាយ ជាពិសេស លើការងាររបស់ក្រុមហ៊ុនអគ្គិសនី ការងារចេញប័ណ្ណកម្មសិទ្ធដីធ្លីជូនប្រជាពលរដ្ឋ និងហេដ្ឋារចនាសម្ព័ន្ធ ដូចជាប្រឡាយ ផ្លូវ និងផ្លូវលំ។ល។ តាមបណ្តាស្រុកនានា ដោយត្រូវសិក្សា និងស្វែងរកឯកសារពាក់ព័ន្ធទាំងអស់ ដើម្បីជាមូលដ្ឋានក្នុងការកំណត់យន្តការឲ្យបានហ្មត់ចត់ និងពន្លឿនតាមនិតិវិធីច្បាប់ឲ្យបានឆាប់រហ័ស និងទាន់ពេលវេលាប្រកបដោយប្រសិទ្ធភាព។

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមពិធីប្រទានភ្លើងរំលាយព្រះសពសម្ដេចក្រុមព្រះ

នាព្រឹកថ្ងៃពុធ ៤កើត ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៨ ខែធ្នូ ឆ្នាំ២០២១នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចូលរួមពិធីប្រទានភ្លើងរំលាយព្រះសពសម្ដេចក្រុមព្រះនរោត្តម ឬណរិទ្ធ ក្រោមព្រះរាជាធិបតីភាពដ៏ខ្ពង់ខ្ពស់ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះវររាជមាតាជាតិខ្មែរ នរោត្តម មុនិនាថ សីហនុ ជាទីគោរពសក្ការៈដ៏ខ្ពង់ខ្ពស់បំផុត នៅព្រះមេរុ ឬមេនបូជាព្រះសព ស្ថិតនៅមុខវត្តបុទមវត្តីរាជវរារាម រាជធានីភ្នំពេញ។ ក្រោមព្រះរាជាធិបតីភាពព្រះមហាក្សត្រ និងសម្ដេចព្រះវររាជមាតា ពិធីរំលាយព្រះសពថ្វាយសម្ដេចក្រុមព្រះ នរោត្តម ឬណរិទ្ធ ព្រះប្រធានក្រុមឧត្តមទីប្រឹក្សាផ្ទាល់មហាក្សត្រ ប្រធានគណបក្សហ្វ៊ុនស៊ិនប៉ិច និងជាអតីតនាយករដ្ឋមន្ត្រីទី១ អតីតប្រធានរដ្ឋសភា មានការអញ្ជើញចូលរួមពីសម្ដេចប្រធានព្រឹទ្ធសភា សម្ដេចប្រធារដ្ឋសភា សម្ដេចតេជោនាយករដ្ឋមន្ត្រី សម្ដេច ទ្រង់ ឯកឧត្តម លោកជំទាវ ជាឥស្សរជនថ្នាក់ដឹកនាំក្រសួងស្ថាប័នជាតិ និងព្រះញាតិវង្សជាច្រើនអង្គនាក់ទៀត។ សម្ដេចក្រុមព្រះ នរោត្តម ឬណរិទ្ធ គឺជាព្រះរាជបុត្រានៃព្រះករុណាព្រះបាទសម្ដេចព្រះ នរោត្តម សីហនុ […]