(ភ្នំពេញ) :សម្តេចអគ្គមហាពញាចក្រី ហេង សំរិន ប្រធានរដ្ឋសភា បានទទួលជួបពិភាក្សាការងារ ជាមួយឯកឧត្តមបណ្ឌិត មហាម៉ាត់ អាប់ឌុលការីម អាល់អ៊ីសា (Muhammad Bin Abdulkarim Al-Issa) អគ្គលេខាធិការអង្គការសម្ព័ន្ធពិភពឥស្លាម (RABITA) នៅវិមានរដ្ឋសភា នាព្រឹកថ្ងៃពុធ ទី២២ ខែមិថុនា ឆ្នាំ២០២២។ ឯកឧត្តមបណ្ឌិត មហាម៉ាត់ អាប់ឌុលការីម អាល់អ៊ីសា បានសម្ដែងនូវក្តីរីករាយយ៉ាងខ្លាំង ដែលបានមកបំពេញទស្សនកិច្ចនៅព្រះរាជាណាចក្រកម្ពុជា និងបានថ្លែងអំណរគុណយ៉ាងជ្រាលជ្រៅដែលបានទទួលការអនុញ្ញាតពីសម្តេចប្រធានរដ្ឋសភា ចូលជួបសម្តែងការគួរសម និងពិភាក្សាការងារនាឱកាសនេះ។ ឯកឧត្តមបណ្ឌិត បានថ្លែងអំណរគុណចំពោះថ្នាក់ដឹកនាំស្ថាប័ននីតិប្បញ្ញត្តិ និងនីតិប្រតិបត្តិរបស់កម្ពុជា ក្នុងការកសាងបាននូវសុខដុមរមនាខាងសាសនា ដោយមិនមានការរើសអើងខាងសាសនា ធ្វើឱ្យបងប្អូនខ្មែរឥស្លាមរស់នៅបានយ៉ាងសុខសាន្ត ជាមួយសាសនា ដទៃទៀត ដែលជាគំរូដ៏ល្អសម្រាប់ពិភពលោកផងដែរ។ ឯកឧត្តមបណ្ឌិតបានសម្ដែងនូវការអបអរសាទរជូនដល់ប្រជាជនកម្ពុជា ដែលមានថ្នាក់ដឹកនាំជាទីគោរព ជាគំរូ និងមានភាពប្រាកដនិយម ក្នុងការដឹកនាំកម្ពុជាឱ្យទទួលបានសុខសន្តិភាព ស្ថិរភាព និងការអភិវឌ្ឍ។ សម្តេចអគ្គមហាពញាចក្រី ហេង សំរិន មានក្តីសោមនស្សរីករាយ និងបានស្វាគមន៍យ៉ាងកក់ក្តៅចំពោះ ឯកឧត្តមអគ្គលេខាធិការអង្គការសម្ព័ន្ធពិភពឥស្លាម ព្រមទាំងគណៈប្រតិភូដែលបានអញ្ជើញមកបំពេញទស្សនកិច្ចនៅព្រះរាជាណាចក្រកម្ពុជា និងបានឆ្លៀតពេលវេលាជួបសម្តែងការគួរសមជាសម្តេចនាពេលនេះ។សម្តេចបានគូសបញ្ជាក់ថា […]
(ខេត្តកំពង់ធំ) ឯកឧត្តម សុខ លូ អភិបាល នៃគណ:អភិបាលខេត្តកំពង់ធំ និងជាប្រធានគណៈបញ្ជាការឯកភាពរដ្ឋបាលខេត្ត ថ្លែងនៅក្នុងកិច្ចប្រជុំពិភាក្សាការងារដីសម្បទានសង្គមកិច្ចអតីតយុទ្ធជន បានពង្រឹងដល់រដ្ឋបាលមូលដ្ឋាន រឹតបន្តឹងការរំលោភយកដីសម្បទានសង្គមកិច្ចដែលជាដីបម្រុងទុកសម្រាប់ចែកជូនអតីតយុទ្ធជន ចំនួន ១៩៧៨ហិចតា ពីសំណាក់បងប្អូនប្រជាពលរដ្ឋក៏ដូចជាឈ្មួញមួយចំនួន ដែលកាន់កាប់កន្លងមកខុសច្បាប់ សូមប្រគល់ជូនរដ្ឋវិញ ដើម្បីធ្វើការរៀបចំបែងចែកកំណត់ក្បាលដី និងចាប់ឆ្នោតយកដីឡូតិ៍ នៅពេលខាងមុខឆាប់ៗនេះ ជូនដល់អតីតយុទ្ធជនដែលគ្មានដី គ្មានផ្ទះ និងបងប្អូនប្រជាពលរដ្ឋដែលមានជីវភាពខ្វះខាតពិតប្រាកដ ដែលមានទីតាំងស្ថិតនៅភូមិត្រពាំងឬស្សី ឃុំក្រយា ស្រុកសន្ទុក ខេត្តកំពង់ធំ នាព្រឹកថ្ងៃទី ០២ ខែកុម្ភៈ ឆ្នាំ២០២១នេះ ។ ឯកឧត្តមបន្ថែមទៀតថា បញ្ហាដីសម្បទានសង្គមកិច្ចនេះ កន្លងមកយើងបានធ្វើការប្រជុំរួចមកហើយ ប៉ុន្តែដោយសារយើងមិនទាន់បានបញ្ជូនគ្រឿងចក្រ ដើម្បីកាយព្រំដី ដែលជាឱកាសធ្វើឲ្យប្រជាពលរដ្ឋ និងឈ្មួញមួយចំនួន រំលោភយកដីនេះជាបន្តបន្ទាប់ ។ នេះគឺជាបញ្ហាដែលយើងត្រូវធ្វើការដោះស្រាយ ហើយយើងត្រូវប្ដេជ្ញាធ្វើកិច្ចការនេះ ឲ្យបានជោគជ័យ។ បន្ទាប់ពីចប់កិច្ចប្រជុំពិភាក្សារួចមក ក្រុមការងារ បានចុះពិនិត្យមើលជាក់ស្ដែងនៅទីតាំងដីសម្បទានសង្គមបន្តទៀត។
បន្ទាយមានជ័យៈកម្លាំងកងរាជអាវុធហត្ថក្រុងប៉ោយប៉ែតបានឃាត់ខ្លួនជនជាតិថៃ២នាក់ដែលលួចជក់គ្រឿងញៀនកាលពីម៉ោង១និង០០នាទី ថ្ងៃទី ១៩ ខែ សីហា ឆ្នាំ ២០២០។ លោក វរសេនីយ៍ត្រី នួន នីណារ៉ូ មេបញ្ជាការមូលដ្ឋានអាវុធហត្ថ ក្រុងប៉ោយប៉ែត បានដឹកនាំកម្លាំងចុះបង្ក្រាបបានជនជាតិថៃបានចំនួន២នាក់ដកហូតវត្ថុតាងរួមមានម្សៅក្រាមពណ៌សថ្លា ចំនួន៤កូនថង់ ស្មើ ៣,៩៤ក្រាម ឧបករណ៍ សម្រាប់ប្រើប្រាស់ វិចខ្ចប់គ្រឿងញៀននិងសម្ភារមួយចំនួន។គឺឃាត់នៅចំណុចផ្ទះសំណាក់មួយកជាន់ទី៥បន្ទប់លេខ៥២ស្ថិតនៅភូមិក្បាលស្ពាន១សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ។ ជនសង្ស័យជនជាតិថៃមាន៖ ១ ឈ្មោះ សុត សុផនវិឆាណាំឡុង ភេទប្រុស អាយុ ៣៨ឆ្នាំ។២ឈ្មោះសាក់កាចន តាផែវ ភេទប្រុស អាយុ ៤៦ឆ្នាំ។ទាំង២នាក់ជាជនជាតិ ថៃ។អ្នកទាំងពីរ មុខរបរ មិនពិតប្រាកដ ស្នាក់នៅ ផ្ទះ សំណាក់ ស្ថិតក្នុងភូមិ ក្បាល ស្ពាន១សង្កាត់ ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ៕
