ព័ត៌មានជាតិ

ម្រមុខរដ្ឋាភិបាលកម្ពុជា សម្តេចតេជោ  បានបញ្ជាឱ្យយកសណ្ឋាគារចំនួន២ នៅរាជធានីភ្នំពេញ ដើម្បីធ្វើជាមន្ទីរពេទ្យដើម្បីព្យាបាលអ្នក ជំងឺកូវីដ១៩

ម្រមុខរដ្ឋាភិបាលកម្ពុជា សម្តេចតេជោ  បានបញ្ជាឱ្យយកសណ្ឋាគារចំនួន២ នៅរាជធានីភ្នំពេញ ដើម្បីធ្វើជាមន្ទីរពេទ្យដើម្បីព្យាបាលអ្នក ជំងឺកូវីដ១៩ !(ភ្នំពេញ) តាមរយៈសារសម្លេងមួយ នៅព្រលប់ថ្ងៃទី១០ ខែមីនា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់យ៉ាងដូច្នេះថា៖ «ខ្ញុំបានចេញបញ្ជាឱ្យ សាលារាជធានីភ្នំពេញ និងមេបញ្ជាការកងទ័ព ជើងគោក រៀបចំមន្ទីរពេទ្យចំនួន២បន្ថែមទៀត ដោយយកសណ្ឋាគារធ្វើជាកន្លែងរៀបចំ ដែលអាចមានប្រមាណ២០០ បន្ទប់ ឬលើសនេះ»។

សម្តេចតេជោ ហ៊ុន សែន បានអះអាងថាដោយសារស្ថានភាពនេះ សម្តេចក៏បានពិភាក្សាជាមួយ សម្តេចពិជ័យសេនា ទៀ បាញ់ ឱ្យបញ្ចេញក្រុមគ្រូ ពេទ្យកងទ័ពចេញ អន្តរាគមន៍ជួយដល់គ្រូពេទ្យស៊ីវិល ដែលកងទ័ពត្រូវរៀបចំជា ៣០ក្រុម នៃក្រុមដើម្បីមកជួយខាងផ្នែកស៊ីវិល។

សម្តេចតេជោ បន្ថែមបានស្នើសម្តេចពិជ័យសេនា ទៀ បាញ់ ក៏ដូចជា ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិ បាល ប្រគល់ភារកិច្ចនេះ ឱ្យកងទ័ពរៀបចំ និងគ្រប់គ្រង ដោយប្រើប្រាស់គ្រូពេទ្យ និងវេជ្ជបណ្ឌិតកងទ័ពហើយកម្លាំងសល់ពីនោះ ក៏ត្រូវរៀបចំ ដើម្បីត្រៀមអន្តរាគមន៍ទៅកាន់គោលដៅ ដែលមានហានិភ័យខ្ពស់។

កម្លាំងគ្រូពេទ្យកងទ័ព ក៏ត្រូវប្រគល់ជូនមេបញ្ជាការកងទ័ព ជើងគោកគ្រប់គ្រង និងដឹកនាំ ចាត់ចែង និងប្រើប្រាស់។

សម្តេចតេជោ ហ៊ុន សែន ក៏បានណែនាំទៅ រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រៀបចំផ្គត់ផ្គង់របបឧបត្ថម្ភដល់ក្រុមប្រតិបត្តិការនេះផងដែរ៕

adm

Leave a Reply

Your email address will not be published. Required fields are marked *