ប្រកាសរបស់ក្រសួងសុខាភិបាលថ្ងៃនេះ ក្រសួងរកឃើញអ្នកឆ្លងកូវីដ១៩ ថ្មី១នាក់ ហើយមិនមានករណីជាសះស្បើយនោះទេ

ភ្នំពេញ ៖ ក្រសួងសុខាភិបាល នៅព្រឹកថ្ងៃទី១៩ ខែកុម្ភៈ ឆ្នាំ២០២១នេះ បានប្រកាសមិនមានរកឃើញអ្នកឆ្លងជំងឺកូវីដ១៩ ថ្មីចំនួន១នាក់ ដែលជាអ្នកធ្វើដំណើរមកពីបរទេស ហើយមិនមានអ្នកជំងឺជាសះស្បើយនោះទេ។

សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី១៩ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន ៤៨៤នាក់ ក្នុងនោះអ្នកព្យាបាលជាសះស្បើយចំនួន៤៧០នាក់ និងអ្នកជំងឺ១៤នាក់កំពុងសម្រាកព្យាបាលនៅមន្ទីរពេទ្យ៕