ខណៈនេះ អ្នកឆ្លងកូវីដ១៩លើសកលលោកកើនដល់ជាង១០០លាននាក់

January 26, 2021 adm Comment(0)

បរទេស ៖ យោងតាមទិន្នន័យពីគេហទំព័រអន្តរជាតិ Worldometer គិតត្រឹមម៉ោង ៨ព្រឹកថ្ងៃអង្គារ ទី២៦ ខែមករា ឆ្នាំ២០២១នេះបានបង្ហាញថា ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ១០០, ២៥៩,៩៧៩ នាក់ហើយ។ ក្នុងនោះអ្នកស្លាប់មានចំនួន ២,១៤៨,៤៨៣ នាក់ និងជាសះស្បើយឡើងវិញ ៧២,២៦៧,៣៩៥ករណី។

គេហទំព័រដដែលបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។ ក្នុងនោះសហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ មានអ្នកឆ្លងជំងឺ COVID-19 ចំនួន ២៥,៨៥៣,២១១ នាក់ ស្លាប់ចំនួន ៤៣១,៣១៣ នាក់ និងជាសះស្បើយចំនួន ១៥,៦១៥,៦១៥នាក់។

ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា មានអ្នកឆ្លង ១០,៦៧៧,៧១០នាក់ ស្លាប់ចំនួន ១៥៣,៦២៤នាក់ និងជាសះស្បើយ ១០,៣៤៥,២៧៨នាក់ និងប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល មានអ្នកឆ្លង ៨,៨៧២,៩៦៤នាក់ ស្លាប់ ២១៧,៧១២នាក់ និងជាសះស្បើយ ៧,៧០៩,៦០២ នាក់៕

adm

ព័ត៌មានអន្តរជាតិ

ឥណ្ឌាមានអ្នកស្លាប់ដោយកូវីដជាង២ពាន់នាក់ទៀតក្នុង១ថ្ងៃនិងនាក់ឆ្លងថ្មីចំនួន២៩៥.០០០ករណីក្នុងរយះពេល២៤ម៉ោង

April 21, 2021 adm

ឥណ្ឌា ៖ នៅថ្ងៃពុធទី២១ ខែមេសានេះ ប្រទេសឥណ្ឌា បានរាយការណ៍ថា មានអ្នកស្លាប់ដោយសារជំងឺកូវីដ-១៩ ជាង២,០០០នាក់ ដែលជាចំនួនអ្នកស្លាប់ប្រចាំថ្ងៃខ្ពស់បំផុតសម្រាប់ប្រទេសនេះ។ ក្រសួងសុខាភិបាលបានរាយការណ៍ថា មានអ្នកឆ្លងថ្មីចំនួន ២៩៥,០០០ករណីក្នុងរយៈពេល ២៤ម៉ោងចុងក្រោយ បើប្រៀបធៀបទៅនឹងចំនួនដែលគេមើលឃើញនៅសហរដ្ឋអាមេរិកក្នុងខែមករា។ ស្របពេលជាមួយគ្នានោះ ក្នុងរយៈពេល២៤ម៉ោងចុងក្រោយ ឥណ្ឌាមានអ្នកស្លាប់ចំនួន ២,០២៣នាក់ ដែលនាំឲ្យចំនួនអ្នកស្លាប់សរុបរបស់ប្រទេសនេះ កើនដល់ ១៨២,៥៥៣នាក់។ ការកើនឡើងប៉ុន្មានសប្តាហ៍ថ្មីៗនេះ នៅពេលដែលប្រជាជនឥណ្ឌាបានចូលរួមក្នុងកម្មវិធីដែលមានមនុស្សកកកុញដូចជា ពិធីបុណ្យសាសនា Kumbh Mela, ការជួបជុំផ្នែកនយោបាយ ព្រមទាំងពិធីរៀបអាពាហ៍ពិពាហ៍ដ៏ហ៊ឹកហ៊ាក់ និងការប្រកួតកីឡាគ្រីកឃីតផងដែរ។ សូមជម្រាបថា គិតមកដល់ពេលនេះករណីឆ្លងកូវីដសរុបរបស់ប្រទេសឥណ្ឌា កើនដល់១៥.៦លានករណី ជាប់ចំណាត់ថ្នាក់លេខ២បន្ទាប់ពីសហរដ្ឋអាមេរិក ដែលបានរាយការណ៍ថាមានអ្នកឆ្លងជាង ៣១លានករណី៕

ព័ត៌មានអន្តរជាតិ

ធ្ងន់ធ្ងរកាន់តែខ្លាំង ឥណ្ឌាកំពុងខ្វះទីបញ្ចុះសព ខណៈគ្រែ១ដាក់អ្នកជំងឺកូវីដ-១៩ពីរនាក់ក៏មាន

April 17, 2021 adm

ប្រទេសឥណ្ឌាបានកំពុងទទួលរងការវាយប្រហារដ៏អាក្រក់បំផុតក្នុងរយៈពេលពីរបីថ្ងៃចុងក្រោយនេះ ដោយមានករណីឆ្លងកូវីដ-១៩ខ្ពស់ជាប់កំណត់ត្រាជាង២សែននាក់ជារៀងរាល់ថ្ងៃ។ដោយការផ្ទុះឆ្លងខ្លាំងនេះហើយបានធ្វើឲ្យមន្ទីរពេទ្យបានកំពុងជួបកង្វះខាតគ្រែសម្រាប់ដាក់អ្នកជំងឺកូវីដ-១៩ និងសម្ភារៈប្រើប្រាស់ផ្សេងៗដូចជាអ៊ុកស៊ីសែន និងរថយន្តសង្គ្រោះបន្ទាន់ជាដើម។ យោងតាមអាជ្ញាធរបានឲ្យដឹងថា ទីបញ្ចុះសពកូវីដ-១៩ដ៏ធំនៅទីក្រុងញូវដែលី ប្រទេសឥណ្ឌាទើបតែប៉ុន្មានថ្ងៃនេះបានបញ្ចុះស្ទើរពេញអស់ហើយ ខណៈករណីឆ្លងនៅទីក្រុងមួយនេះកំពុងខ្លាំង និងទូទាំងប្រទេសឥណ្ឌាធ្វើឲ្យការគ្រប់គ្រងលែងបាន បន្ទាប់ពីការផ្ទុះលើកទី២។ ប្រទេសឥណ្ឌាដែលមានប្រជាជនជិត១.៤ពាន់លាននាក់ត្រូវបានគេរាយការណ៍ថា បានកំពុងឆ្លងជាង២សែននាក់ប្រចាំថ្ងៃសម្រាប់រយៈពេលពីរបីថ្ងៃចុងក្រោយនេះដែលបានក្លាយជាករណីឆ្លងប្រចាំថ្ងៃខ្ពស់ជាងគេបំផុតក្នុងពិភពលោក ខណៈទីក្រុងញូវដែលីបានក្លាយជាទីក្រុងធ្ងន់ធ្ងរបំផុតនៅក្នុងប្រទេស។ កាលពីថ្ងៃព្រហស្បតិ៍ រថយន្តសង្គ្រោះបន្ទាន់មានចំនួនថេរបានទៅដល់ទីបញ្ចុះសព Jadid Qabristan នៅជាយក្រុងញូវដែលី ដែលជាកន្លែងដាក់កាកសំណល់ដ៏ធំត្រូវបានធ្វើជាទីបញ្ចុះសពកាលពីខែឆ្នាំមុន។ ទីធ្លាធ្លាប់មើលឃើញស្រលះទូលាយ ប៉ុន្តែឥឡូវនេះពោរពេញដោយផ្នូរខ្មោចដែលអាចមើលឃើញជាប់គ្នាដល់ព្រំប្រទល់សងខាង និងមានចន្លោះតិចតូចប៉ុណ្ណោះដែលអាចបញ្ចុះសពទៀត។ ប្រធានទីបញ្ចុះសព Jadid Qabristan លោក Mohammad Shameem ប្រាប់ថា ឥឡូវនេះគាត់បានបង្វែរសពទៅកន្លែងផ្សេង ពីព្រោះគ្មានចន្លោះសម្រាប់បញ្ចុះទៀតទេ។ លោកថា ៖«កាលពីម្សិលមិញមានសពចំនួន១៩ ប៉ុន្តែយើងអាចបញ្ចុះបានត្រឹមតែ១៥ប៉ុណ្ណោះ»។ ក្រុមគ្រួសារដែលភាគច្រើនពាក់ឧបករណ៍ការពារខ្លួន ឬអត់មានពាក់ក៏មាន បានលើកសពដាក់ចូលក្នុងមឈូសឈើធម្មតា ឬសពខ្លះគ្រាន់តែរុំដោយក្រណាត់សធម្មតាប៉ុណ្ណោះ។ ទន្ទឹមជាមួយគ្នានេះ មន្ទីរពេទ្យនៅក្នុងប្រទេសឥណ្ឌាក៏បានកំពុងខ្វះគ្រែ និងអ៊ុកស៊ីសែនសម្រាប់ដាក់អ្នកជំងឺកូវីដ-១៩ដែលបង្ខំចិត្តឲ្យក្រុមគ្រូពេទ្យដាក់អ្នកជំងឺពីរនាក់លើគ្រែតែមួយ ហើយក៏ចែកគ្នាដាក់អ៊ុកស៊ីសែនដែរ។ សាច់ញាតិរបស់អ្នកជំងឺកូវីដ-១៩ Pappu Ali អាយុ៤៣ឆ្នាំបានទៅកាន់មន្ទីរពេទ្យជាច្រើននៅក្នុងទីក្រុងដើម្បីរកគ្រែសម្រាប់គាត់។ ប៉ុន្តែពិបាករកគ្រែ ហើយគាត់បានស្លាប់ បន្ទាប់ពីត្រូវបានអនុញ្ញាតឲ្យចូលទៅក្នុងមន្ទីរពេទ្យរដ្ឋាភិបាលមួយ។ លោក Mehboob ត្រូវជាពូបាននិយាយ បន្ទាប់ពីបញ្ចុះសពក្មួយរួចថា ៖«អត់មានក្រុមគ្រូពេទ្យគ្រប់គ្រាន់ទេ។ យើងថែមទាំងរកទឹកគ្មានផង»។ […]

ព័ត៌មានអន្តរជាតិ

អាមេរិកបន្តរកឃើញអ្នកឆ្លងកូវីដ-១៩ ជាង២៤ម៉ឺននាក់ទៀតក្នុង១ថ្ងៃ Thu/១៧/Dec/២០២០

December 17, 2020 adm

វ៉ាស៊ីនតោន ៖ យោងតាមការដកស្រង់ទិន្នន័យចេញពីគេហទំព័រ Worldometers នាព្រឹកថ្ងៃព្រហស្បតិ៍ ទី១៧ ខែធ្នូ ឆ្នាំ២០២០បានបង្ហាញថា ករណីឆ្លង និងស្លាប់ប្រចាំថ្ងៃដោយសារ COVID-19 ទូទាំងសហរដ្ឋអាមេរិក នៅតែបន្តស្ថិតក្នុងកម្រិតអាក្រក់បំផុតដដែល ដោយក្នុងរយៈពេល ២៤ម៉ោងកន្លងទៅនេះ មនុស្សសរុប ២៤៦,៩៩៦នាក់ទៀតបានឆ្លងជំងឺដ៏កាចសាហាវនេះ ខណៈអ្នកជំងឺ ៣,៤៨៦នាក់ទៀតឯណោះបានស្លាប់ នៅក្នុងរយៈពេលដូចគ្នា។ តាមទិន្នន័យខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ១៧,៣៩២,៦១៨ករណី ក្នុងនោះមានអ្នកស្លាប់សរុបចំនួន ៣១៤,៥៧៧នាក់ និងជាសះស្បើយឡើងសរុបចំនួន ១០,១៧០,៧៣៥នាក់។ ទន្ទឹមនោះ ក្រុមអ្នកជំនាញបានរំពឹងទុកជាមុនថា អ្នកឆ្លង និងស្លាប់ដោយសារជំងឺរាតត្បាតសកល (COVID-19) នឹងបន្តកើនឡើងខ្លាំងបន្ថែមទៀត ចំពោះមុខអាកាសធាតុចុះត្រជាក់ខ្លាំង និងបុណ្យណូអែល ខិតជិតមកដល់៕