ព័ត៌មានជាតិ

អាវុធហត្ថរាជធានីភ្នំពេញ គាំទ្រចក្ខុវិស័យ សាលាដូង លើកំពូលភ្នំគីរីរម្យ ខេត្តកំពង់ស្ពឺ!

January 20, 2023 adm Comment(0)

ដោយមានការណែនាំពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ នាចុងសប្តាហ៍ថ្ងៃទី១៥ ខែមករា ឆ្នាំ២០២៣ នេះ លោកឧត្តមសេនីយ៍ត្រី ពង្ស សាវរិទ្ធ មេបញ្ជាការរង កងរាជអាវុធហត្ថរាជធានីភ្នំពេញ រួមជាមួយ លោក វរសេនីយ៍ឯក សៀ ទីន នាយសេនាធិការ កងរាជអាវុធហត្ថរាជធានីភ្នំពេញ បានដឹកនាំក្រុមការងារ អាវុធហត្ថ នាំយកអំណោយ រួមនឹងថវិកា ទៅឧបត្ថម្ភដល់ ប្អូនៗកុមារសិស្សសាលាដូង ដែលមានទីតាំងស្ថិតនៅកំពូលភ្នំគីរីរម្យ ស្រុកភ្នំស្រួច ខេត្តកំពង់ស្ពឺ។

អំណោយដែលក្រុមការងារ ផ្ដល់ជូនទៅដល់ សាលាដូង រួមមាន៖ ទឹកដោះគោចំនួន២៦កេស, នំកញ្ចប់ ចំនួន០៧កេស, ចង្ក្រានហ្គាសចំនួន០៥, ឆ្នាំងដាំបាយអគ្គីសនីចំនួន០២ រួមនឹងថវិកាចំនួន ១លានរៀល ផងដែរ។

សាលារៀននេះត្រូវបានបង្កើតឡើង និងគ្រប់គ្រងដោយលោក អ៊ុក វ៉ាន់ដេ ដែលមនុស្សទូទៅបានស្គាល់លោកថាជា អ្នកចម្បាំងសំរាម ដែលមានន័យថា “ការយកសំរាមមកកែច្នៃឱ្យក្លាយទៅរបស់មានតម្លៃ និងមានប្រយោជន៍” ដូចជា៖ ដបប្លាស្ទិក ដបស្រាបៀរ បំពង់បឺតគម្របដបទឹកសុទ្ធ កង់ឡាន ធុងហ្គាសឡាន និងសំណល់ផ្សេងៗទៀត ត្រូវបានយកមកកែច្នៃបង្កើតជាបន្ទប់សិក្សា រូបលម្អ និមិត្តសញ្ញា និងវត្ថុអនុស្សាវរីយ៍ជាច្រើន។

ប្អូនៗកុមារសិស្សសាលាដូងនេះមានពីថ្នាក់ទី១ ដល់ថ្នាក់ទី៣ កំពុងទទួលបានការអប់រំ និងបញ្ជ្រាបការយល់ដឹងទាក់ទងនឹងសំរាម ដែលអាចប្រើប្រាស់ឡើងវិញបាន ក្នុងគោលបំណងកាត់បន្ថយប្លាស្ទិកនៅថ្ងៃអនាគត។

រីឯដំណើរនាំយកអំណោយរបស់អាវុធហត្ថរាជធានីភ្នំពេញ ទៅកាន់សាលាដូង លើកំពូលភ្នំគីរីរម្យ ខេត្តកំពង់ស្ពឺនាពេលនេះ គឺដើម្បី គាំទ្រនូវទស្សនៈវិស័យរបស់សាលាដូង និងបង្ហាញពីក្តីស្រឡាញ់ ចំពោះវិស័យអប់រំ ដែលជាដង្ហើមនៃការចេះដឹងរបស់កុមារ រស់នៅលើភ្នំគីរីរម្យនេះផងដែរ៕

adm

ព័ត៌មានជាតិ

គណបក្សប្រជាជនកម្ពុជាសង្កាត់ព្រែកកំពឹស ប្រកាសទទួលសមាជិកថ្មីចំនួន២៨៧នាក់ ដែលស្ម័គ្រចិត្តចូលរួមរស់ក្នុងជីវភាពនយោបាយជាមួយគណបក្សប្រជាជនកម្ពុជា!

May 16, 2022 adm

ភ្នំពេញ÷នារសៀលថ្ងៃទី១៥ ខែឧសភា ឆ្នាំ២០២២ ឯកឧត្តម រ័ត្ន ស៊្រាង ប្រធានក្រុមការងារគណបក្សប្រជាជនកម្ពុជាសង្កាត់ព្រែកកំពឹស បានអញ្ជើញជាអធិបតី ពិធីប្រកាសទទួលស្គាល់សមាជិកថ្មី នៃគណបក្សប្រជាជនកម្ពុជា សង្កាត់ព្រែកកំពឹសចំនួន២៨៧នាក់ ដែលស្ម័គ្រចិត្តចូលរួមរស់ក្នុងជីវភាពនយោបាយជាមួយគណបក្សប្រជាជនកម្ពុជា ក្នុងនោះមានអ្នកមកពីគណបក្សផ្សេងៗចំនួន០៣បក្ស ជាក់ស្តែងមកពីគណបក្សភ្លើងទៀន គឺមានសមាសភាពក្នុងជួរបេក្ខជនក្រុមប្រឹក្សាសង្កាត់ រហូតដល់០៦នាក់ ដែលមានលំដាប់លេខរៀងទី២ ទី៤ ទី៥ ទី៦ ទី៧ និងទី១០ ក៏បានមកចូលរួមរស់ក្នុងជីវភាពនយោបាយជាមួយគណបក្សប្រជាជនកម្ពុជាផងដែរ ។ ឯកឧត្តម រ័ត្ន ស៊្រាង បានថ្លែងឲ្យដឹងថា ប្រទេសជាតិមានសន្តិភាព មានការអភិវឌ្ឍបច្ចុប្បន្ននេះដោយសារការប្រឹងប្រែងរបស់គណបក្សប្រជាជនកម្ពុជា ក្រោមការដឹកនាំដ៏ឈ្លាសវៃប្រកបដោយបញ្ញាញាណ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចធ្លាប់បានយកជីវិតធ្វើដើមទុន ឆ្ពោះទៅរកការរំដោះជាតិ ជាពិសេសសម្តេចបានដាក់ចេញនូវនយោបាយ ឈ្នះ ឈ្នះ រំលាយបានទាំងស្រុងនូវអង្គការចាត់តាំងយោធាខ្មែរក្រហម នាំយកនូវសន្តិភាពពេញលេញ ជូនជាតិមាតុភូមិកម្ពុជា ក៏ដូចជាប្រជាជនខ្មែរទូទាំងប្រទេស និងបានអភិវឌ្ឍប្រទេសជាតិឱ្យមានភាពរីកចម្រើនជាបន្តបន្ទាប់លើគ្រប់វិស័យ។ សម្តេចថែមទាំងមាន ទស្សនៈវិស័យវែងឆ្ងាយ ក្នុងការប្រឆាំងជាមួយការរីករាលដាលនូវជំងឺកូវីដ-១៩ សង្គ្រោះប្រជាពលរដ្ឋកម្ពុជាទូទាំងប្រទេស ឱ្យរួចចាកផុតពីគ្រោះមហន្តរាយដ៏អាក្រក់ ត្រឡប់មកស្ថានភាពល្អប្រក្រតីប្រកបដោយជោគជ័យ។ ឯកឧត្តម រ័ត្ន ស៊្រាង បានថ្លែងបន្តថា […]

ព័ត៌មានជាតិ

ឯកឧត្តម អ៊ុន ចាន់ដា អភិបាលខេត្តកំពង់ចាមជំរុញការអនុវត្តគម្រោងអភិវឌ្ឍន៍ឱ្យទាន់ពេលវេលាដើម្បីធ្វើឱ្យជីវភាពប្រជាពលរដ្ឋមានភាពប្រសើរឡើង Thu/២៤/Dec/២០២០

December 24, 2020 adm

ខេត្តកំពង់ចាម ៖ ថ្ងៃទី២៣ ខែធ្នូ ឆ្នាំ២០២០ នៅមន្ទីរផែនការខេត្ត ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានអញ្ជើញជាអធិបតីក្នុងកិច្ចប្រជុំពិគ្រោះយោបល់លើសេចក្តីព្រាងកម្មវិធីវិនិយោគបីឆ្នាំរំកិល (២០២១-២០២៣) ដោយមានការអញ្ជើញចូលរួមពីឯកឧត្តម-លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោកអភិបាលក្រុង ស្រុក និងលោក លោកស្រីសមាជិកគណៈកម្មាធិការសម្របសម្រួលបច្ចេកទេសខេត្ត និងក្រុមការងារកសាងផែនការខេត្ត ។ ឯកឧត្តម អ៊ុន ចាន់ដា អភិបាលខេត្ត បានមានប្រសាសន៍ថា យើងត្រូវប្រើប្រាស់ឲ្យអស់លទ្ធភាពធនធាន ដែលបានពីថ្នាក់ជាតិតាមរយៈក្រសួង ឬធនធានពីដៃគូនានា ដើម្បីបន្តការអភិវឌ្ឍន៍ជារៀងរាល់ឆ្នាំ ធ្វើយ៉ាងណាឲ្យជីវភាពរស់នៅ របស់បងប្អូនប្រជាពលរដ្ឋមានភាពប្រសើរឡើងឲ្យបានទាន់ពេលវេលា។ គម្រោងទាំងអស់ នៅក្នុងកម្មវិធីវិនិយោគបីឆ្នាំរំកិល (២០២១-២០២៣) គឺជាផែនការសម្រាប់អនុវត្តនៅឆ្នាំ២០២១ សូមឲ្យមន្ទីរ-អង្គភាពជំរុញការអនុវត្តគម្រោងនីមួយៗឲ្យចប់តាមការកំណត់ ដោយធ្វើកិច្ចសហការជាមួយអាជ្ញាធរមូលដ្ឋានឲ្យបានជិតស្និទ្ធ។ ឯកឧត្តម ក៏បានវាយតម្លៃខ្ពស់ចំពោះលើការយកចិត្តទុកដាក់របស់មន្ទីរ អង្គភាពជុំវិញខេត្ត និងអង្គការនានា ដែលបានចូលរួមយ៉ាងសកម្មក្នុងដំណើរការសិក្ខាសាលាសមាហរណកម្ម កម្មវិធីវិនិយោគឃុំ-សង្កាត់ ក្រុង-ស្រុក ហើយគាំទ្រគម្រោងទៅតាមលទ្ធភាព និងសកម្មភាពរបស់ខ្លួន ដែលជាលទ្ធផលសិក្ខាសាលាសមាហរណកម្ម កម្មវិធីវិនិយោគ ឃុំ-សង្កាត់ ក្រុង-ស្រុកទទួលបានការគាំទ្រសរុបចំនួន ២.៣៧៤ គម្រោង ស្មើនឹង៤៨% នៃគម្រោងស្នើឡើង […]

ព័ត៌មានជាតិ

សត្វស្លាបតំបន់អភិរក្សទួលពាន់តាឡី បឹងស្នេហ៌ ឈឺងាប់ជាបន្តបន្ទាប់ ជិតកន្លះខែមកហើយតើមន្ទីរកសិកម្មខេត្តបានដឹងឬទេ?

March 29, 2022 adm

ព្រៃវែង ៖ សត្វស្លាបជាច្រើនប្រភេទ និងមានចំនួនរាប់ម៉ឺនក្បាល ដែលរស់នៅក្នុងតំបន់អភិរក្សសត្វស្លាបទួលពាន់តាឡី បឹងស្នេហ៌ ក្នុងឃុំធាយ ស្រុកបាភ្នំ ខេត្តព្រៃវែង ត្រូវបានប្រជាពលរដ្ឋក្នុងសហគមន៌ និងអាជ្ញាធរមូលដ្ឋាន រួមគ្នាការពារនិងអភិរក្សយ៉ាងតឹងរ៉ឹងបំផុត ព្រោះវាបានផ្តល់នូវប្រាក់ចំណូលយ៉ាងច្រើន ដល់ប្រជាពលរដ្ឋក៏ដូចជាអាជ្ញាធរក្នុងតំបន់នោះ តាមរយៈការស្រូបទាញភ្ញៀវភេសចរណ៌រាប់ពាន់នាក់ក្នុង១ខែៗ អោយចូលទៅទស្សនា។ ទោះជាយ៉ាងនេះក្តី សត្វស្លាបទាំងនេះក៏នៅតែប្រឈមនិងបញ្ហាជម្ងឺឆ្លង និងឈឺងាប់ជាបន្តបន្ទាប់រហូតដល់រាប់ពាន់ក្បាល កាលពីឆ្នាំមុន ហើយមកដល់ពេលថ្មីៗនេះ គេប្រទះឃើញថា សត្វស្លាបទាំងនោះ កំពុងតែសំកុកឈឺងាប់ជាបណ្តើរៗទៀតហើយ ដោយមិនដឹងថាមកពីមូលហេតុអ្វីនោះទេ បញ្ហានេះបានធ្វើអោយក្រុមភ្ញៀវទេសចរណ៌ដែលបានចូលទៅឃើញ រួមទាំងប្រជាពលរដ្ឋសហគមន៌ដែលជាអ្នកទទួលបានផលប្រយោជន៌ពីសត្វស្លាបទាំងនេះ កំពុងមានការព្រួយបារម្មណ៌ជាខ្លាំង និងស្នើសុំអោយមន្ត្រីជំនាញជួយចុះស្រាវជ្រាវរកមូលហេតុ និងដោះស្រាយបញ្ហានេះផង។ ប្រជាសហគមន៌ក្នុងតំបន់អភិរក្សសត្វស្លាបទួលពាន់តាឡី បឹងស្នេហ៌ នេះបានអោយដឹងថា សត្វស្លាបទាំងនេះបានចាប់ផ្តើមឈឺងាប់ ជាងកន្លះខែមកហើយ ដោយពីដំបូងពួកវាចាប់សំកុកលែងស៊ីចំណី ហើយប៉ុន្មានថ្ងៃក្រោយមក ក៏ចាប់ប្រកាច់ងាប់បន្តបន្ទាប់គ្នា ក្នុង១ថ្ងៃៗពី២០ទៅ៣០ក្បាល ហើយមកដល់ពេលនេះចំនួនសត្វដែលងាប់គឺរាប់រយក្បាលទៅហើយ និងនៅមានសត្វជាច្រើនក្បាលទៀតកំពុងតែឈឺសំកុកនៅក្នុងព្រៃ និងនៅតាមមាត់បឹង រងចាំថ្ងៃអស់ជីវិតមកដល់។ ពលរដ្ឋទាំងនោះបានបញ្ជាក់ថា សត្វស្លាបទាំងនោះងាប់រាយប៉ាយពេញព្រៃ តាមវាលស្រែ និងក្នុងទឹកមាត់បឹង គ្មានអ្នកណាទទួលខុសត្រូវប្រមូលយកទៅកប់ចោលនោះទេ ហើយក៏គ្មានអ្នកណាហ៊ានយកទៅទទួលទាននោះដែរ ព្រោះខ្លាចឆ្លងជម្ងឺពីសត្វទាំងនោះ។ មន្រ្តីជំនាញពេទ្យសត្វ នៃការិយាល័យផលិតកម្ម និងបសុព្យាបាល របស់មន្ទីរកសិកម្មខេត្តព្រៃវែង បានអោយដឹងថា […]