ព័ត៌មានជាតិ

ជំនួប ឯកឧត្តមរដ្ធមន្ដ្រី ឌិត ទីណា បានសម្ដែងការស្វាគមន៍ចំពោះកិច្ចសហប្រតិបត្តិការរវាងអាមេរិកនិងកម្ពុជា

January 10, 2023 adm Comment(0)

(ភ្នំពេញ) ៖នាថ្ងៃចន្ទ ទី០៩ ខែមករា ឆ្នាំ២០២៣ម្សិលមិញនេះ ឯកឧត្តម ឌិត ទីណា រដ្ធមន្ដ្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលឯកឧត្តម Patrick Murphy ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាចូលជួបសម្ដែងការគួរសម និងពិភាក្សាអំពីកិច្ចសហប្រតិបត្តិការរវាងអាមេរិកនិងព្រះរាជាណាក្រកម្ពុជានៅក្នុងវិស័យកសិកម្ម។

នៅក្នុងជំនួបនេះ ឯកឧត្តមរដ្ធមន្ដ្រី ឌិត ទីណាបានសម្ដែងការស្វាគមន៍ចំពោះកិច្ចសហប្រតិបត្តិការរវាងអាមេរិកនិងកម្ពុជា ក្នុងវិស័យកសិកម្ម តាមរយៈកម្មវិធី USDA/USAID ដែលធ្វើការយ៉ាងជិតស្និទ្ធជាមួយអគ្គនាយកដ្ឋានកសិកម្ម អគ្គនាយកដ្ឋានជលផល និងអគ្គនាយកដ្ឋានសុខភាពសត្វនិងផលិតកម្មសត្វ ព្រមទាំងសាកលវិទ្យាល័យភូមិន្ទកសិកម្ម។

តាមរយៈកិច្ចសន្ទនារយៈពេលជាងមួយម៉ោងកន្លះប្រកបដោយលក្ខណៈស្ថាបនានិងត្រង់ទៅត្រង់មក ឯកឧត្តម ឌិត ទីណា សង្ឃឹមថា ទំនាក់ទំនងរវាងកម្ពុជានិងសហរដ្ឋអាមេរិក ជាពិសេសសនៅក្នុងវិស័យកសិកម្ម នឹងបន្តមានភាពរលូន ឬអាចឈានទៅកាន់ភាពល្អប្រសើរថែមមួយកម្រិតទៀតនាពេលអនាគត។

adm

ព័ត៌មានជាតិ

ឯកឧត្តមរដ្ឋមន្ត្រី ឌិត ទីណា ចូលរួមពិធីសំណេះសំណាលជាមួយមន្ត្រីគណបក្សឃុំ សាខាគណបក្សភូមិ ឃុំទឹកជ្រៅ ស្រុកតំបែរ ខេត្តត្បូងឃ្មុំ

July 4, 2023July 4, 2023 adm

នៅរសៀលថ្ងៃទី០២ ខែកក្កដា ឆ្នាំ២០២៣ ឯកឧត្តម ឌិត ទីណា អនុប្រធានក្រុមការងារថ្នាក់កណ្តាលចុះមូលដ្ឋានស្រុកតំបែរ និងជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចូលរួមពិធីជួបសំណេះសំណាលជាមួយមន្ត្រីគណបក្សឃុំ សាខាគណបក្សភូមិ ឃុំទឹកជ្រៅ ស្រុកតំបែរ ខេត្តត្បូងឃ្មុំ។ ក្នុងពិធីសំណេះសំណាលនេះ ឯកឧត្តមរដ្ឋមន្ត្រី បានសម្តែងនូវការកោតសរសើរសកម្មជនគណបក្សប្រជាជនឃុំទឹកជ្រៅ ដែលបានខិតខំអស់ពីកំលាំងកាយចិត្តលើការងារបក្សក្នុងមូលដ្ឋានរបស់ខ្លួន ជាពិសេសថែមទាំងបានពង្រីកសមាជិកបន្ថែមទៀតផង។ ទន្ទឹមនឹងនេះដែរ ប្រការចាំបាច់គឺត្រូវធ្វើការពង្រឹងការងារគ្រប់គ្រងតួលេខឱ្យបានត្រឹមត្រូវ ព្រមទាំងពិនិត្យសម្របសម្រួល និងព្យាយាមដោះស្រាយជូនសមាជិកឱ្យមានលទ្ធភាពបោះឆ្នោតបានទាំងអស់គ្នា ដូចជាការផ្ទេរជីវភាពតាមជាក់ស្តែង ការខ្វះឯកសារ ព្រមទាំងមធ្យោបាយធ្វើដំណើរជាដើម។ បើតាម ឯកឧត្តមរដ្ឋមន្ត្រី សមាជិកគណបក្សគឺមានកាតព្វកិច្ចចាំបាច់ណាស់ គឺត្រូវទៅបោះឆ្នោត ហើយបោះឆ្នោតជូនគណបក្សប្រជាជនកម្ពុជាលេខរៀង១៨ ដើម្បីចូលរួមយកជ័យជំនះជូនគណបក្ស ដូច្នេះសកម្មជនបក្សត្រូវយកចិត្តទុកដាក់គ្រប់គ្រងទិន្នន័យឱ្យបានច្បាស់លាស់ និងជំរុញឱ្យសមាជិកទៅបោះឆ្នោត ដោយយកគោលការណ៍ចង្អុលដៃខ្មៅ គឺសមាជិកម្នាក់សន្លឹកឆ្នោតមួយ។ គណបក្សប្រជាជនមានគោលនយោបាយតែមួយ ដើម្បីប្រជាជន ដើម្បីយើងទាំងអស់គ្នា ដូច្នេះត្រូវមានសាមគ្គីភាព សហការគ្នាល្អ ចូលរួមជាមួយគ្នា និងជួយគ្នាទៅវិញទៅមក តាមរយៈវប្បធម៌ចែករំលែកជួយទាំង កំលាំង ស្មារតី ធនធាន ចំណេះដឹង ដើម្បីអភិវឌ្ឍន៍៕

ព័ត៌មានជាតិ

ថ្ងៃទី២៦ខែឧសភានេះ រដ្ឋបាលខេត្តព្រៃវែង បានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន២៥នាក់ បន្ថែមទៀត

May 26, 2021May 26, 2021 adm

ថ្ងៃនេះ រដ្ឋបាលខេត្តព្រៃវែង បានបង្ហាញអត្តសញ្ញាណករណីអ្នកវិជ្ជមានកូវីដ-១៩ ចំនួន២៥នាក់ បន្ថែមទៀតតាមរយៈការធ្វើតេស្តរហ័ស (Rapid Test) នៅមូលដ្ឋានក្នុងស្រុកចំនួន៤ដូចខាងក្រោម: ១- ស្រុកពាមជរ ចំនួន១៥នាក់ ២- ស្រុកពារាំង ចំនួន២នាក់ ៣- ស្រុកមេសាង ចំនួន៥នាក់ ៤- ស្រុកព្រះស្តេច ចំនួន៣នាក់ បច្ចុប្បន្ន អ្នកវិជ្ជមានជំងឺកូវីដ-១៩ ខាងលើ កំពុងសម្រាកព្យាបាលនៅមន្ទីរពេទ្យបង្អែកស្រុករបស់ពួកគេនីមួយៗ។ ចំពោះ ប្រវត្តិធ្វើដំណើរ និងអត្តសញ្ញាណរបស់អ្នកវិជ្ជមានកូវីដ-១៩ ទាំង២៥នាក់ ត្រូវបានបង្ហាញនៅលើរូបថតរបស់ពួកគាត់។ ជាថ្មីម្តងទៀត ខ្ញុំសូមអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោលជាមួយបុគ្គលវិជ្ជមានកូវីដ១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក (៣ការពារ ៣កុំ)។

ព័ត៌មានជាតិ

ថ្ងៃទី០៧ ខែសីហា ឆ្នាំ២០២១ម្សិលមិញ រដ្ឋបាលខេត្តព្រៃវែង បានរកឃើញ ករណីអ្នកវិជ្ជមានកូវីដ-១៩ថ្មី ចំនួន ៥៥នាក់,ជាសះស្បើយចំនួន ៧៨នាក់

August 8, 2021 adm

ថ្ងៃទី០៧ ខែសីហា ឆ្នាំ២០២១ រដ្ឋបាលខេត្តព្រៃវែង បានរកឃើញ ករណីអ្នកវិជ្ជមានកូវីដ-១៩ថ្មី ចំនួន ៥៥នាក់,ជាសះស្បើយចំនួន ៧៨នាក់ នៅមូលដ្ឋានក្នុងក្រុង/ស្រុកចំនួន១៣ ដូចខាងក្រោម: ១- ក្រុងព្រៃវែង ចំនួន ២នាក់ ២- ស្រុកព្រះសេ្ដច ចំនួន ២៣នាក់ ៣-ស្រុកមេសាង ចំនួន ៩នាក់ ៤- ស្រុកពាមរក៍ ចំនួន ៥នាក់ ៥- ស្រុកកំចាយមារ ចំនួន ៤នាក់ ៦- ស្រុកស្វាយអន្ទរ ចំនួន ៣នាក់ ៧- ស្រុកសុីធរកណ្ដាល ចំនួន ៣នាក់ ៨- ស្រុកបាភ្នំ ចំនួន ១នាក់ ៩- ស្រុកពារាំង ចំនួន ១នាក់ ១០-ស្រុកពាមជរ ចំនួន ១នាក់ ១១-ស្រុកកញ្ជ្រៀច ចំនួន ១នាក់ ១២-ស្រុកពោធិ៍រៀង ចំនួន ១នាក់ […]