ព័ត៌មានជាតិ

ឯកឧត្តម ប្រធានក្រុមប្រឹក្សាខេត្តព្រៃវែង៖ ជ័យជំនះ ៧ មករា គឺជាប្រវត្តិសាស្ត្រ សម្រាប់ប្រជាពលរដ្ឋទូទាំខេត្តព្រៃវែងចងចាំមិនភ្លេច និងដឹងគុណ

ព្រៃវែង៖ នៅថ្ងៃទី៧ ខែមករា ឆ្នាំ២០២៣ ឯកឧត្តម ស្បោង សារ៉ាត់ ប្រធានក្រុមប្រឹក្សាខេត្តព្រៃវែងបានមានប្រសាសន៍លើកឡើងថាអង្គមិទ្ទិញរំលឹកខួបលើកទី៤៤ ទិវាមហាជ័យជំនះ ៧ មករា (៧មករា១៩៧៩-៧មករា ២០២៣) ដែលមានអត្ថន័យជាប្រវត្តិសាស្ត្រ ហើយក៏ជាឱកាស ដែលប្រជាពលរដ្ឋទាំងអស់បាន ជួបជុំសំដែងនូវការដឹងគុណ និងកត្តញូតាធ៌មដ៏ជ្រាលជ្រៅជាទីបំផុតចំពោះវីរៈភាព យុទ្ធជន យុទ្ធនារី ដែលបានធ្វើពលីកម្ម ក្នុងបុព្វហេតុរំដោះជាតិមាតុភូមិពីរបបប្រល័យពូជសាសន៍ប៉ុលពត។ 

ឯកឧត្តម ប្រធាន ក្រុមប្រឹក្សាខេត្ត ក៏បានអានសាលិខិតខ្លឹមសារ សំខាន់ៗ នៃសុន្ទរកថា របស់សម្តេចអគ្គមហាសេនាបតីតេជោ ហ៊ុន សែន ដែលបង្ហាញនូវវីរៈភាពក្លាហាន មោះមុតដើម្បីទាមទារនៅសន្តិភាព សេរីភាពមកប្រទេសកម្ពុជា និងប្រជាពលរដ្ឋទូទាំងប្រទេស។  

ឯកឧត្តម  ប្រធានក្រុមប្រឹក្សាខេត្ត បានបន្តថា៖ ប្រជាពលរដ្ឋទូទាំងប្រទេស និងប្រជាពលរដ្ឋទូទាំងខេត្តព្រៃវែង ទាំងអស់គ្នានៅតែនឹកឃើញ និងចងចាំជានិច្ច មិនអាចបំភ្លេចបានឡើយនូវ ប្រវត្តិសាស្រ្តដ៏ជូចត់ នៃមហាសាកនាដកម្ម មហាឧក្រិដ្ឋកម្មជាច្រើនករណី គុកឥតជញ្ជាំង វាលពិឃាដ ច្រវ៉ាក់ខ្នោះឃ្នាង អស់រយៈពេល ៣ ឆ្នាំ ៨ខែ ២០ថ្ងៃ នៃរបបកម្ពុជាប្រជាធិបតេយ្យ ប្រល័យពូជសាសន៍ប៉ុល ពត ដែលដឹកនាំប្រទេសធ្លាក់ក្នុងជ្រោះ មហន្តរាយធ្ងន់ធ្ងរដល់ជាតិ និងសម្លាប់ប្រជាជនស្លូតត្រង់អស់ជាង ៣ លាននាក់ ដែលកន្លងមកពុំធ្លាប់មាននោះទេ ក្នុងប្រវត្តិ សាស្ត្រ នៃមនុស្សជាតិ។  មានថ្ងៃ ៧ មករា ទើបមានអ្វីៗទាំងអស់។ 

ឯកឧត្តម ប្រធានក្រុមប្រឹក្សាខេត្ត បានមានប្រសាសន៍បន្តថា៖ រយៈពេល៤៤ឆ្នាំកន្លងផុតទៅ រាជរដ្ឋាភិបាលដឹកនាំ ដោយគណបក្សប្រជាជនកម្ពុជា បានដឹកនាំនាវាកម្ពុជារួចចាកផុត ពីយុគខ្មៅងងឹត ឆ្ពោះទៅកាន់ត្រើយ សន្តិភាព សេរីភាព ប្រជាធិបតេយ្យ និងការអភិវឌ្ឍរីកចំរើនគ្រប់វិស័យឥតឈប់ឈរ៕

adm

Leave a Reply

Your email address will not be published. Required fields are marked *