ព័ត៌មានជាតិ

គួរអោយសោកស្ដាយបំផុត! ខណៈផ្ទះប្រជាពលរដ្ឋចំនួន៣ខ្នងផ្ទះ បានរអិល បាក់ស្រុតចូលទន្លេ ខូចខាតទាំងស្រុង

January 2, 2023January 2, 2023 adm Comment(0)

ព្រៃវែង %បាក់ស្រុតផ្ទះចូលទន្លេអស់៣ខ្នង នៅស្រុកពារាំង សរុបជាទឹកប្រាក់ជាង៤០០លានរៀល!សោក ស្ដាយបំផុត! ខណៈផ្ទះប្រជាពលរដ្ឋចំនួន៣ខ្នងផ្ទះ បានរអិល បាក់ស្រុតចូលទន្លេ ខូចខាតទាំងស្រុង ដែលសរុបជាទឹកប្រាក់ប្រមាណជា៤០០លានរៀល! ។

ហេតុការណ៍បាក់ស្រុតផ្ទះនេះ បានកើតឡើង នៅភូមិជំនីក ឃុំកំពង់ពពិល ស្រុកពារាំង ខេត្តព្រៃវែង កាលពីវេលាម៉ោង ២រសៀលថ្ងៃទី០២.០១.២០២៣។

លោក ថេង ប៊ុនឡេង នាយប៉ុស្តិ៍រដ្ឋបាល នគរបាលឃុំកំពង់ពពិល បានប្រាប់«ដើមរាំង»ថាៈ គ្រោះធម្មជាតិនេះបង្កឡើង ដោយការបាក់ច្រាំងទន្លេទាញដោយផ្ទះពលរដ្ឋ ដែលនៅជាប់មាត់ច្រាំង!។

បើតាមលោកនាយប៉ុស្តិ៍ ផ្ទះចំនួន៣ខ្នង ដែលរងការខូចខាតនោះ

ទី១៖ ទំហំ៦ម៉ែត្រ គុណនិង៨ម៉ែត្រ ជាប្រភេទផ្ទះថ្ម.!។

២៖ ផ្ទះទំហំ ៦ម៉ែត្រគុណ ៨ម៉ែត្រ ជាប្រភេទផ្ទះឈើ។

៣៖ ផ្ទះទំហំ ៦ម៉ែត្រគុណ ៨ម៉ែត្រ ជាប្រភេទផ្ទះឈើ។

រីឯម្ចាស់ផ្ទះរងគ្រោះ

ទី១៖ ឈ្មោះ ផល ណាក់ (ប្ដីប្រពន្ធ)។

២៖ ឈ្មោះស៊ឺន ដា (ប្ដីប្រពន្ធ)។

៣៖ ឈ្មោះ ឈីត ស្រីដា (ប្ដីប្រពន្ធ)។

លោក ថេង ប៊ុនឡេង បញ្ជាក់ថាៈ ផ្ទះទាំង៣ខ្នងខាងលើ បានបាក់ស្រុតភ្លាមៗ ចូលក្នុងទន្លេបាត់ ដោយពុំបានជញ្ជូនទ្រព្យសម្បត្តិអ្វីទាន់ឡើយ។

បើតាមការស្មាន(បឋម)ខូចខាតគិតជាទឹកប្រាក់ប្រហែល៤០០.០០០.០០០៛(បួនរយលានរៀល)៕

adm

ព័ត៌មានជាតិ

រដ្ឋាភិបាលអូស្រ្តាលី សន្យានឹងជួយស្ដារសេដ្ឋកិច្ចកម្ពុជាឡើងវិញ ក្រោយវិបត្ដិកូវីដ១៩ ដើម្បីពន្លឿនការអភិវឌ្ឍប្រទេសឈានទៅមុខឱ្យបានឆាប់រហ័ស

October 18, 2021 adm

ព្រះសីហនុ÷ថ្លែងក្នុងពិធីទទួលនូវសម្ភារវេជ្ជសាស្ត្រប្រយុទ្ធប្រឆាំងមេ រោគកូវីដ-១៩ ពីនាវា ចម្បាំងរបស់កងទ័ពជើងទឹកអូស្ត្រាលី HMAS Anacរបស់រដ្ឋាភិបាលអូស្រ្តាលីជូនរដ្ឋបាលខេត្តព្រះសីហនុ មូលដ្ឋានសមុទ្ររាម យោធភូមិភាគទី៤ និងយោធភូមិភាគទី៥ នាព្រឹកថ្ងៃទី១៨ ខែតុលា ឆ្នាំ២០២១ ឯកឧត្តម Pablo Kang ឯក អគ្គរដ្ឋទូតអូស្ត្រាលីប្រចាំកម្ពុជា មានប្រសាសន៍ថ្លែងអំណរគុណដល់កម្ពុជា ដែលបានធ្វើឱ្យសកម្មភាព Indo- Pacific Endeavour ទទួលបានជោគជ័យ និងការគាំទ្រកិច្ចសហប្រតិបត្តិការទៅវិញ ទៅមកក្នុងការដោះស្រាយជំងឺកូវីដ-១៩។ ឯកឧត្តម បានបន្តថា ដំណើរទស្សនកិច្ចនេះ ពង្រឹងដល់ការប្ដេជ្ញាចិត្តរបស់ប្រទេសអូស្ត្រាលីក្នុងការជួយគាំទ្រដល់ការអភិវឌ្ឍនាពេលអនាគតរបស់ប្រទេសកម្ពុជា រួមមានការស្ដារសេដ្ឋកិច្ច និងសុខាភិបាលឡើងវិញពីជំងឺកូវីដ១៩ និងកិច្ចសហប្រតិបត្តិការយោធាទ្វេភាគី។ លោក គង់ វិតាណ: អភិបាលរងខេត្តព្រះសីហនុ ថ្លែងអំណរគុណចំពោះ ឯកឧត្តម ឯកអគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា និងកងទ័ព ជើងទឹកអូស្ត្រាលីទាំងអស់ដែលបាននាំយកអំណោយសម្ភារវេជ្ជសាស្ត្រប្រឆាំងជំងឺកូវីដ-១៩ មកឧបត្ថម្ភដល់រដ្ឋបាលខេត្តព្រះសីហនុ កងទ័ពជើងទឹកមូល ដ្ឋានសមុទ្ររាម យោធភូមិភាគទី៤ និងយោធភូមិភាគទី៥ ដែលបង្ហាញពីចំណងសាមគ្គីភាព មិត្តភាព និងកិច្ចសហប្រតិបត្តិការរវាងប្រទេសទាំងពីរ កម្ពុជា អូស្ត្រាលី និងជាផ្នែកមួយនៃសកម្មភាពកិច្ចសហប្រតិបត្តិការជើងទឹកដ៏សំខាន់របស់ប្រទេសអូស្ត្រាលីនៅតំបន់ឥណ្ឌូប៉ាស៊ីហ្វិកឆ្នាំ ២០២១ និងសូមឱ្យចំណងសាមគ្គីភាពនេះ […]

ព័ត៌មានជាតិ

មន្ត្រីជាន់ខ្ពស់ក្រសួងបរិស្ថាន៖ អន្ទាក់ចំនួន ៦១ ៦១១ ត្រូវដោះចេញពីតំបន់ការពារធម្មជាតិនៅឆ្នាំ ២០២១ និងកាំភ្លើងកែច្នៃ ៧៥៨ គ្រឿងត្រូវបានដកហូត, សត្វព្រៃជាច្រើនត្រូវបានសង្គ្រោះជីវិត

January 20, 2022 adm

«ក្នុងកិច្ចខិតខំប្រឹងប្រែងការពារនិងអភិរក្សព្រៃឈើនិងសត្វព្រៃនៅកម្ពុជា មន្ត្រីឧទ្យានុរក្សនៃក្រសួងបរិស្ថាន រួមជាមួយអង្គការអភិរក្សជាដៃគូ និងសហគមន៍តំបន់ការពារ ធម្មជាតិបានដោះអន្ទាក់បានចំនួន ៦១ ៦១១ អន្ទាក់ពីក្នុង តំបន់ការពារធម្មជាតិ ដែលបានជួយសង្គ្រោះសត្វព្រៃមិន ឱ្យជាប់អន្ទាក់របស់ព្រានព្រៃ និងគ្រោះថ្នាក់ដល់មនុស្ស»។ នេះគឺជាការថ្លែងរបស់ឯកឧត្តម នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាននៅថ្ងៃទី១៩ ខែមករា ឆ្នាំ២០២២ នេះ។ ឯកឧត្តមរដ្ឋលេខាធិការបានថ្លែងថាបរិមាណអន្ទាក់ដែលបានដោះនៅឆ្នាំ ២០២១ កន្លងទៅនេះមានចំនួនកើនឡើងប្រមាណជាង ២០% បើ ប្រៀបធៀបនឹងបរិមាណអន្ទាក់ដោះបាននៅឆ្នាំ២០២០ ដែលមានចំនួន ៤៣ ២៧០ អន្ទាក់។ អន្ទាក់ដែលត្រូវបាន ឯកឧត្តមរដ្ឋលេខាធិការក្រសួងបរិស្ថានលើកឡើងថាជា ឃាតកលាក់មុខសម្លាប់សត្វព្រៃ ព្រោះមានប្រភេទអន្ទាក់ឆក់ ខ្សែភ្លើង អន្ទាក់វាយបំបាក់ស្មងជើង និងប្រភេទផ្សេងៗទៀត។ ឯកឧត្តមរដ្ឋលេខាធិការ នេត្រ ភក្ត្រា បានថ្លែងថា អន្ទាក់នៅតែជាការគំរាមកំហែងយ៉ាងខ្លាំងដល់សត្វព្រៃគ្រប់ប្រភេទជាពិសេសសត្វជើងចំពាម ហើយមិនមែនត្រឹម តែកម្ពុជាទេមានបញ្ហាប្រឈមនឹងវត្តមានអន្ទាក់នៅក្នុង តំបន់ការពារធម្មជាតិ គឺតំបន់អភិរក្សនៅតាមបណ្តាប្រទេសនានាក្នុងទ្វីបអាស៊ីទទួលរងនូវការគំរាមកំហែង ដោយសារតែអន្ទាក់។ អន្ទាក់ជាច្រើនលានត្រូវបានគេដឹងថាបានដាក់នៅក្នុងតំបន់អភិរក្សក្នុងប្រទេសវៀតណាម កម្ពុជា ឡាវ ឥណ្ឌូនេស៊ី ម៉ាឡេស៊ី។ ឯកឧត្តម នេត្រ […]

ព័ត៌មានជាតិ

លទ្ធផលនៃកិច្ចប្រតិបត្តិការបង្ក្រាបបទល្មើសគ្រឿងញៀន ក្នុងខែកក្កដា ឆ្នាំ២០២១។ នៅក្នុងរយៈពេល១ខែនេះយើងបង្ក្រាបបានបទល្មើសគ្រឿងញៀនសរុបចំនួន ៣២៩ករណី គឺមានការថយចុះ ៤៨ករណី បើធ្វើការប្រៀបធៀបនឹងខែមិថុនា

August 14, 2021August 14, 2021 adm

បងប្អូនជនរួមជាតិជាទីគោរពស្រលាញ់ដ៏ជ្រាលជ្រៅ! នៅថ្ងៃនេះ ខ្ញុំសូមជម្រាបជូនបងប្អូនជនរួមជាតិ ជាថ្មីទៀត អំពីលទ្ធផលនៃកិច្ចប្រតិបត្តិការបង្ក្រាបបទល្មើសគ្រឿងញៀន ក្នុងខែកក្កដា ឆ្នាំ២០២១។ នៅក្នុងរយៈពេល១ខែនេះយើងបង្ក្រាបបានបទល្មើសគ្រឿងញៀនសរុបចំនួន ៣២៩ករណី គឺមានការថយចុះ ៤៨ករណី បើធ្វើការប្រៀបធៀបនឹងខែមិថុនា។ បទល្មើសបង្ក្រាបរួមមានៈ ករណីជួញដូរ រក្សាទុក ២៤២ករណី, ករណីប្រើប្រាស់ ៨៤ករណី, ករណីសំយោគ កែច្នៃ ១ករណី និងករណីដាំដុះ ២ករណី។ ពាក់ព័ន្ធនឹងករណីខាលើនេះ មានជនសង្ស័យសរុបចំនួន៨៤៩នាក់ ត្រូវបានឃាត់ខ្លួន កើន៤៧នាក់ ស្មើនឹង៥,២ភាគរយ ធៀបនឹងខែមិថុនា ឆ្នាំ២០២១។ ជនសង្ស័យទាំងនោះ ពាក់ព័ន្ធនឹងករណីជួញដូរ និងរក្សាទុក៥១០នាក់, ករណីប្រើប្រាស់គ្រឿងញៀន៣៣១នាក់, ករណីសំយោគ និងកែច្នៃ៥នាក់ និងករណីដាំដុះ៣នាក់។ ជនសង្ស័យទាំងនោះ មានខ្មែរ៧៧៦នាក់ និជនបរទេស៧៣នាក់។ ការបង្ក្រាបបទល្មើសគ្រឿងញៀនក្នុងខែកក្កដា ឆ្នាំ២០២១នេះ សមត្ថកិច្ចបានចាប់យកគ្រឿងញៀនសរុបចំនួន២១៩គីឡូក្រាម និង៤៦០.៧១ក្រាម។ ថ្វីដ្បិតថាការបង្ក្រាបបទល្មើសមានការថយចុះធៀបនឹងខែមិថុនា ប៉ុន្តែចំនួនគ្រឿងញៀនដែលសមត្ថកិច្ចបង្ក្រាបបាន មានការកើនឡើងដល់ទៅ៧៣គីឡូក្រាម ដែលស្មើនឹងប្រមាណជាង៥០ភាគរយធៀបនឹងខែមុន។ គ្រឿងញៀនទាំងនោះ រួមមានៈ មេតំហ្វេតាមីនក្រាមម្សៅ(ICE)ជាង៥៥គីឡូក្រាម, មេតំហ្វេតាមីនគ្រាប់(WY)ចំនួន១១៣.៣០ក្រាម, អ៊ិចស្តាស៊ី(MDMA)១០២គីឡូក្រាម៣៧៩.៩០ក្រាម, កេតាមីន២១គីឡូក្រាម ២៣៧.៤០ក្រាម, […]