ប្រកាសរបស់ក្រសួងសុខាភិបាលថ្ងៃនេះក្រសួង រកឃើញអ្នកឆ្លងជំងឺកូវីដ១៩ ចំនួន១៣នាក់ ថែមទៀត និងអ្នកជំងឺម្នាក់បានជាសះស្បើយ

ភ្នំពេញ ៖ ក្រសួងសុខាភិបាល នៅព្រឹកថ្ងៃទី១៤ ខែមករា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការរកឃើញពលករខ្មែរ ដែលទើបត្រឡប់មកពីប្រទេសថៃ ចំនួន០៨នាក់ទៀត ឆ្លងជំងឺកូវីដ១៩ និង៥នាក់ទៀតជាអ្នកដំណើរចូលមកកម្ពុជា ហើយមានករណីជាសះស្បើយអ្នកជំងឺកូវីដ១៩។

សូមជម្រាបថា គិតត្រឹមម៉ោង៧ ៖០០នាទី ថ្ងៃទី១៤ ខែមករា ឆ្នាំ២០២១នេះ នៅកម្ពុជាបានរកឃើញអ្នកឆ្លងកូវីដ១៩ សរុបចំនួន ៤១១នាក់ ក្នុងនោះព្យាបាលជាសះស្បើយចំនួន៣៧៧នាក់ និងអ្នកជំងឺ៣៤នាក់ កំពុងសម្រាកព្យាបាលនៅមន្ទីរពេទ្យ៕