នារសៀល ថ្ងៃទី១៦ ខែធ្នូ ឆ្នាំ២០២១ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានបើកកិច្ចប្រជុំត្រួតពិនិត្យផែនការការពារ សន្តិសុខសណ្តាប់ធ្នាប់ជុំវិញបរិវេណ ពហុកីឡដ្ឋានជាតិមរតកតេជោ ដែលនឹងត្រូវសម្ពោធដាក់ឱ្យប្រើប្រាស់ជាផ្លូវការ នៅថ្ងៃទី១៨ ខែធ្នូ ឆ្នាំ២០២១ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិន ធាន ឯកអគ្គរដ្ឋទូតចិនប្រចាំកម្ពុជា ។ ក្នុងពិធីប្រជុំនេះដែរ មានការចូលរួមពី លោកមេបញ្ជាការរង សេនាធិការរង ប្រធាន-អនុប្រធានមន្ទីរ នាយការិយាល័យ លោកមេបញ្ជាការមូលដ្ឋានអាវុធហត្ថខណ្ឌទាំង១៤ លោកមេបញ្ជាការ-មេបញ្ជាការរង វរសេនាតូចលេខ១ និងមេបញ្ជាការតាមគោលដៅផងដែរ៕
Related Articles
អាជ្ញាធរខេត្តកំពង់ចាម សម្រេចផ្អាកបណ្ដោះអាសន្ន មណ្ឌលសុខភាពក្រឡាស្ថិតក្នុងភូមិត្រពាំងជ្រៃ ឃុំក្រឡា ស្រុកកំពង់សៀម
(កំពង់ចាម) រសៀលថ្ងៃទី១២ ខែមេសា ឆ្នាំ២០២១នេះ លោក ហាន កុសល អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត កំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ បានដឹកនាំក្រុមការងារចុះអនុវត្តសេចក្ដីសម្រេចរបស់រដ្ឋបាលស្ដីពីការផ្អាកបណ្ដោះអាសន្ន មណ្ឌលសុខភាពក្រឡា ស្ថិតក្នុងភូមិត្រពាំងជ្រៃ ឃុំក្រឡា ស្រុកកំពង់សៀម ខេត្តកំពង់ចាមដោយសារបុគ្គលិកនៃមណ្ឌលសុខភាពនេះបានប៉ះពាល់ផ្ទាល់ដោយអចេតនាជាមួយអ្នកកើតជំងឺកូវីដ-១៩។ រដ្ឋាបាលខេត្តសូមស្នើដល់ប្អូនប្រជាពលរដ្ឋឲ្យមកទទួលសេវាសុខាភិបាលនៅមណ្ឌលសុខភាពឃុំអំពិល ឬមណ្ឌលណាមួយដែលនៅក្បែរបងប្អូនបំផុតវិញជាបណ្ដោះអាសន្ន។ ក្នុងនាមឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្ដមអភិបាលរងខេត្ត ក៏បានអំពាវនាវឲ្យប្រជាពលរដ្ឋទាំងអស់អនុវត្តតាមសេចក្តីណែនាំនានារបស់រាជរដ្ឋាភិបាលកម្ពុជា ៣ការពារ ៣កុំ និង២ចូលរួមផងដែរ។ នៅរសៀលថ្ងៃដដែលឯកឧត្តមអភិបាលរងខេត្ត និងជាអនុប្រធានប្រចាំការគណៈកម្មាការខេត្តកំពង់ចាម ប្រយុទ្ធប្រឆាំងនឹងជំងឺកូវីដ-១៩ បានចូលពិនិត្យមើលការរៀបចំមណ្ឌលចត្តាឡីស័កនៃជំងឺកូវីដ-១៩ ស្រុកកំពង់សៀម នៅក្នុងបរិវេណវត្តភ្នំប្រុស ឃុំអំពិល ស្រុកកំពង់សៀម ខេត្តកំពង់ចាម។ ឆ្លៀតក្នុងឱកាសនោះឯកឧត្តមក៏បានថ្លែងនូវការកោតសរសើរចំពោះការយកចិត្តទុកដាក់របស់លោក ប៊ិន ឡាដា អភិបាលស្រុកកំពង់សៀម ដែលបានធ្វើបទបង្ហាញអំពីការរៀបចំនេះ និងសូមអរគុណដល់សហការីទាំងអស់ដែលបានខិតខំសហការល្អក្នុងការបំពេញភារកិច្ច សង្ឃឹមថាយើងនឹងឆ្លងកាត់គ្រាដ៏លំបាកនេះក្នុងពេលឆាប់ៗ៕
ឯកឧត្តមអភិបាលខេត្តកំពង់ចាម បានចុះពិនិត្យមើលទីតាំងខ្មោចនាវាចម្បាំងដឹកសភាវុធដែលលេចកាលពីសម័យមុន
នៅព្រឹកថ្ងៃទី ០៩ខែកុម្ភៈ ឆ្នាំ២០២១ ឯកឧត្តម អភិបាល នៃគណអភិបាលខេត្តកំពង់ចាម អមដំណើរដោយ ឯកឧត្តមអភិបាលរងខេត្ត/កងកម្លាំងទាំងបីប្រភេទ/លោកនាយក នាយករងរដ្ឋបាលសាលាខេត្ត/ អាជ្ញាធរស្រុកកងមាស-ស្រីសន្ធរ និងមន្ត្រីពាកព័ន្ធមួយចំនួន និងដោយបានទទួលការស្វាគមន៍យ៉ាងកក់ក្តៅពីលោកឧត្តមសេនីយ៍ទោ ម៉ី សុភា មេបញ្ជាការបោសសម្អាតគ្រាប់មិនទាន់ផ្ទុះ នៃមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម (NPMEC) បានអញ្ជើញចុះពិនិត្យទីតាំងដែលរកឃើញគ្រាប់យុទ្ធភណ្ឌជាង ០៦តោន ចេញពីខ្មោចនាវាចម្បាំង ដែលលិចនៅក្នុងទន្លេមេគង្គខេត្តកំពង់ចាម ប្រមាណជាង ៥០ឆ្នាំមុន។ គូរបញ្ជាក់ថា! បន្ទាប់ពីទទួលបានរបាយការណ៍ពីឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រាយការណ៍ថាមានខ្មោចនាវាច្បាំងបន្សល់ទុកពីសម័យសាធារណរដ្ឋខ្មែរ ឆ្នាំ១៩៧០-១៩៧៥ ដែលបានរកឃើញនៅក្នុងទឹកទន្លេមេគង្គ ស្ថិតក្នុងភូមិវាល ឃុំមានជ័យ ស្រុកស្រីសន្ធរ ខេត្តកំពង់ចាមនោះ ក្រុមការងារកងកម្លាំងបោសសំអាតគ្រាប់យុទ្ធភ័ណមិនទាន់ផ្ទុះដែលមាន ឯកឧត្តម នាង ផាត ជាប្រធាន បានបន្តរុករកឃើញគ្រប់យុទ្ធភណ្ឌមិនទាន់ផ្ទុះសរុបជាង ០៦តោន និងបន្តរុករកនូវសម្ភារៈសង្រ្គាមជាបន្តបន្ទាប់ផងដែរ។
សភាពាណិជ្ជកម្មខេត្តព្រៃវែង បាននាំយក ឃីត ចំនួន ២០០ ឃីត ផ្តល់ជូនរដ្ឋបាលខេត្តព្រៃវែងសម្រាប់ផ្តល់ជូនដល់ប្រជាពលរដ្ឋដែលកំពង់សម្រាក់ព្យាបាលជម្ងឺកូវិត ១៩
ព្រៃវែង៖ នៅរសៀលថ្ងៃទី ១៩ ខែតុលា ឆ្នាំ២០២១ ឯកឧត្តម ឧកញ៉ា ជឹម សុខ ប្រធានសភាពាណិជ្ជកម្មខេត្តព្រៃវែងអញ្ជើញនាំយកសម្ភារៈប្រើប្រាស់(ដំណេក) ចំនួន ២០០កញ្ចប់(ខ្នើយ ភួយ មុង កន្ទេល) ប្រគល់ជូនរដ្ឋបាលខេត្តព្រៃវែង ដើម្បីចូលរួមឧបត្ថម្ភដល់អ្នកជំងឺកូវីដ-១៩ ដែលកំពង់សម្រាកព្យាបាល ដែលពិធីនេះរៀបចំនៅបរិវេណសាលាខេត្ត។ ថ្លែងនៅក្នុងឱកាសនោះ លោក អន ភារៈ អភិបាលរងខេត្ត តំណាងឯកឧត្តម ជា សុមេធី អភិបាលខេត្ត ដែលជាប្រធានគណៈកម្មការវីរុស (COVID-19) ខេត្ត សូមថ្លែងអំណរអរគុណ បំផុតចំពោះ ឯកឧត្តម ឧកញ៉ា ជឹម សុខ ប្រធានសភាពាណិជ្ជកម្មខេត្តព្រៃវែង និងសមាជិកសមាជិកា សភាពាណិជ្ជកម្មទាំងអស់ ដែលបានឧបត្ថម្ភនូវសម្ភារៈប្រើប្រាស់ទាំងអស់នេះដល់ គណៈកម្មការវីរុស (COVID-19) ខេត្ត សម្រាប់ផ្ដល់ជូន ដល់បងប្អូន ប្រជាពលរដ្ឋដែលកំពុងតែ សម្រាកព្យាបាល ជំងឺកូវីដ19 នៅតាមមណ្ឌលព្យាបាលក្នុងខេត្តព្រៃវែងនេះ។ លោកអភិបាលរងខេត្ត បានបន្តទៀតថា ទាំងនេះគឺជាកាយវិការយកចិត្តទុក្ខដាក់ខ្ពស់របស់ ឯកឧត្តម ឧកញ៉ា […]