ព័ត៌មានជាតិ

គេគ្រប់គ្នា រកស៊ី រត់កង់បី ខ្លួនទៅរកស៊ី លួចកង់បី!

December 12, 2021 adm Comment(0)

បុរសពីរនាក់ ត្រូវបានអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការ ពាក់ព័ន្ធករណី លួចម៉ូតូកង់បី និង ទទួលទិញម៉ូតូកង់បីចោរ ដោយខុសច្បាប់។

ជនសង្ស័យទី១ ឈ្មោះ អ៊ុន ជាវៃ ភេទ ប្រុស អាយុ ២៣ ឆ្នាំ មុខរប មិនពិតប្រាកដ បច្ចុប្បន្នស្នាក់នៅភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ (ជាមុខសញ្ញាប្រើប្រាស់នូវសារធាតុញៀនដោយខុសច្បាប់) បានធ្វើសកម្មភាពលួចម៉ូតូកង់បី ចំនួនពីរលើកគឺ៖
លើកទី១ បានធ្វើសកម្មភាព លួចយកម៉ូតូកង់បី (Pass App) ០១គ្រឿង ស្លាកលេខ ភ្នំពេញ 1HG-0678 នៅចំណុច មុខផ្ទះល្វែង ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ កាលពីថ្ងៃទី២៨ ខែវិច្ឆិកា ឆ្នាំ២០២១។
លើកទី២ បានធ្វើសកម្មភាពលួចយកម៉ូតូកង់បី (pass app) ០១គ្រឿង ស្លាកលេខ ភ្នំពេញ 1IC-0772 នៅចំណុចមុខផ្ទះល្វែងមួយកន្លែង ក្នុងភូមិកន្ទោកជើង សង្កាត់កន្ទោក ខណ្ឌកំបូល កាលពីវេលាម៉ោង០៤:០០នាទី ថ្ងៃទី០៤ ខែធ្នូ ឆ្នាំ២០២១ ហើយក៏ ត្រូវបានកម្លាំង មូលដ្ឋានអាវុធហត្ថ ខណ្ឌកំបូល ចុះឃាត់ខ្លួននៅម៉ោង០១និង៣០នាទី យប់ថ្ងៃទី០៥ ឈានចូលថ្ងៃទី០៦ ខែធ្នូ ឆ្នាំ២០២១ និងដកហូតបានកង់បី ០១គ្រឿង ស្លាកលេខ ភ្នំពេញ 1IC-0772 ប្រគល់ជូនម្ចាស់ដើមវិញ។

ជនសង្ស័យទី២ ឈ្មោះ ស៊ិន ម៉េងហុង ភេទ ប្រុស អាយុ ៣៤ មុខរបរ មិនពិតប្រាកដ នៅចំណុចបន្ទប់ស្នាក់នៅ ផ្លូវបេតុង ស្ថិតក្នុងភូមិជម្ពូវ័ន សង្កាត់ ចោមចៅ៣ ខណ្ឌពោធ៍សែនជ័យ រាជធានីភ្នំពេញ បានធ្វើសកម្មភាព ទទួលទិញម៉ូតូកង់បីមួយគ្រឿង ស្លាកលេខ ភ្នំពេញ 1HG-0678 ដែលឈ្មោះ អ៊ុន ជាវៃ បានលួចយកទៅ ត្រូវបាន កម្លាំងជំនាញមូលដ្ឋានអាវុធហត្ថខណ្ឌកំបូល ឃាត់ខ្លូននៅយប់ថ្ងៃទី០៦ ខែធ្នូ ឆ្នាំ២០២១ ដោយដកហូតវត្ថុតាង ម៉ូតូកង់បី (Pass App) ០១គ្រឿងផងដែរ (ជនសង្ស័យនេះក៏ជាមុខសញ្ញាប្រើប្រាស់នូវសារធាតុញៀនដោយខុសច្បាប់ដូចគ្នា)។
ក្រោយពេល ដកហូតម៉ូតូកង់បីក្រោយនេះបានហើយ សមត្ថកិច្ចអាវុធហត្ថរាជធានីភ្នំពេញ បានស្រាវជ្រាវ ស្វែងរកម្ចាស់ដើម រហូតទាល់តែឃើញ និងបានប្រគល់ម៉ូតូកង់បីជូនម្ចាស់ដើមវិញ បើទោះបីជាម្ចាស់កង់បីនេះ មិនបានដាក់ពាក្យបណ្តឹង មកសមត្ថកិច្ចអាវុធហត្ថក៏ដោយ។

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថ រាជធានីភ្នំពេញ បានអំពាវដល់មហាជនទូទៅ នៅពេលមានការបាត់បង់ទ្រព្យសម្បត្តិ ឬមានបញ្ហារងគ្រោះ ក្នុងបទល្មើសណាក៏ដោយ សូមមេត្តាដាក់ពាក្យបណ្តឹងដល់សមត្ថកិច្ចដែលនៅជិតអ្នកបំផុតឲ្យបានដឹង ដើម្បីជាទុនដល់សមត្ថកិច្ចបើកការស្រាវជ្រាវ ព្រោះបើគ្មានបណ្តឹងសមត្ថកិច្ចនឹងមិនអាចទ្រង់ញាណដឹងថាមានបទល្មើសកើតឡើងនៅពេលណាឬកន្លែងណាបានឡើយ៕

adm

ព័ត៌មានជាតិ

ឯកឧត្ដម សៀង សេន ផ្តល់អំណោយដល់គ្រួសារកី្រក្រ ដែលមានជីវភាពខ្វះខាតចំនួន ១០០ គ្រួសារ និងកុមារា កុមារី ដែលមានជីវៈភាពខ្វះខាតក្នុងការសិក្សាចំនួន ៨៤ នាក់ទទួលបានអាហារូបករណ៍ សម្ភារៈសិក្សា និងគ្រឿងឧបភោគ បរិភោគ ពីអង្គការមូលនិធិនៃក្តីសង្ឃឹម

September 2, 2023 adm

ព្រៃវែង៖ ឯកឧត្ដម សៀង សេន ប្រធានក្រុមការងារចុះមូលដ្ឋានឃុំដំរីពួន និងលោកជំទាវ សៀង ស៊ីពោធិ រួមជាមួយអង្គការមូលនិធិនៃក្ដីសង្ឃឹម ព្រមទាំងលោក ប៉ិច សុង អភិបាលស្រុកស្វាយអន្ទរ និងក្រុមការងារ បានអញ្ជើញជូបសំណេះសំណាល ផ្តល់អំណោយដល់គ្រួសារកី្រក្រ ដែលមានជីវភាពខ្វះខាតចំនួន ១០០ គ្រួសារ និងកុមារា កុមារី ដែលមានជីវៈភាពខ្វះខាតក្នុងការសិក្សាចំនួន ៨៤ នាក់ទទួលបានអាហារូបករណ៍ ជាសម្ភារៈសិក្សា និងគ្រឿងឧបភោគ បរិភោគ ពីអង្គការមូនិធិនៃក្តីសង្ឃឹម នៃស្រុកស្វាយអន្ទរ ខេត្តព្រៃវែង នាថ្ងៃទី ២ ខែកញ្ញា ឆ្នាំ២០២៣ ដែលស្ថិតនៅឃុំដំរីពួន ស្រុកស្វាយអន្ទរ ខេត្តព្រៃវែង។ លោក នួន រចនា ប្រធានមជ្ឈមណ្ឌលបណ្តុះបណ្តាលក្តីសង្ឃឹម នៃអង្គការមូលនិធិនៃក្តីសង្ឃឹម បាន ថ្លែងអំណរគុណដល់អាជ្ញាធរស្រុក ឃុំទាំងអស់ដែលបានសហការជាមួយអង្គការមូលនិធិនៃក្តីសង្ឃឹមនេះបានយ៉ាងល្អជាច្រើនឆ្នាំកន្លងមកនេះ។ លោកក៏បានបន្តទៀតថា អង្គការមូលនិធិនៃក្តីសង្ឃឹម ការជួយនេះគឺក្នុងគោលបំណងចង់ឲ្យកុមារដែលមានជីវភាពខ្វះខាតក្នុងការសិក្សា ឲ្យមានឱកាសបានបន្តសិក្សាដូច កូនអ្នកដែលមានជីវភាពធូរធាដែរ។ លោក ប៉ិច សុង អភិបាលស្រុកស្វាយអន្ទរ បានមានប្រសាសន៍លើកឡើងថា […]

ព័ត៌មានជាតិ

អភិបាលខេត្តកំពង់ចាម អញ្ជើញប្រគល់អំណោយរបស់រដ្ឋបាលខេត្ត ជូនដល់សាលាអនុវិទ្យាល័យ និងវិទ្យាល័យ ទូទាំងខេត្ត

September 16, 2021 adm

ដើម្បីចូលរួមចំណែកជាមួយរាជរដ្ឋាភិបាល ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ និងជាការលើកទឹកចិត្តដល់ គណៈគ្រប់គ្រងសាលា និងលោកគ្រូ អ្នកគ្រូ នៃអនុវិទ្យាល័យ និងវិទ្យាល័យ ទូទាំងខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ -ឯកឧត្តម ខ្លូត ផន ប្រធានក្រុមប្រឹក្សាខេត្ត រួមនិងអភិបាលរងខេត្ត អញ្ជើញប្រគល់អំណោយរបស់រដ្ឋបាលខេត្ត ជូនដល់គណៈគ្រប់គ្រងសាលានៃអនុវិទ្យាល័យ និងវិទ្យាល័យ ចំនួន១២៤ សាលា ក្នុងខេត្តកំពង់ចាម ។ អំណោយដែលរដ្ឋបាលខេត្តប្រគល់ជូនក្នុងមួយសាលាៗទទួលបាន: -ម៉ាសចំនួន ១.០០០ម៉ាស សរុប១២៩.០០០ម៉ាស -អាកុលចំនួន១ កាន ៣០ លីត្រ សរុប ៣៧៥០ លីត្រ -សាប៊ូលាងដៃចំនួន១៥ ដុំ សរុប ១.៩០០ ដុំ ។ ចំពោះសាលាដែលបានយកមកធ្វើជាមណ្ឌលចត្តាឡីស័ក សរុប២២ សាលា ដោយក្នុងមួយសាលាៗទទួលបានថវិកាចំនួន១ លានរៀល ។ ដោយឡែកវិទ្យាល័យព្រះសីហនុ ដែលបានយកមកធ្វើជាកន្លែងសម្រាក ព្យាបាលជំងឺកម្រិតស្រាល […]

ព័ត៌មានជាតិ

រដ្ធមន្ដ្រីកសិកម្ម និងមន្ដ្រីជំនាញអញ្ជើញមកពិនិត្យកសិដ្ឋានចិញ្ចឹមត្រី របស់ លោក ផាន់ ភិរម្យ សិ្ថតនៅភូមិសង្កើប ឃុំសំបូរ ស្រុកបាធាយខេត្តកំពង់ចាម

January 24, 2021 adm

(កំពង់ចាម) នៅព្រឹកថ្ងៃសៅរ៍ ១០កើត ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៣ ខែមករា ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ រួមដំណើរជាមួយដោយឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តមប្រតិភូរាជរដ្ឋាភិបាលកម្ពុជាទទួល បន្ទុកជាប្រធានរដ្ឋបាលជលផល លោក សុខ រ៉ាដែន ប្រធានសមាគមវារីវប្បករកម្ពុជា និងមន្រ្តីជំនាញបានអញ្ជើញមកពិនិត្យកសិដ្ឋានចិញ្ចឹមត្រីរបស់លោក ផាន់ ភិរម្យ ស្ថិតនៅភូមិសង្កើប ឃុំសំបូរ ស្រុកបាធាយ ខេត្តកំពង់ចាម។ លោក ភិរម្យ (លេខទំនាក់ទំនង ០១២ ៣៤៤ ៣៩៩ ) បានឲ្យដឹងថាកសិដ្ឋានចិញ្ចឹមត្រីនេះបានដំណើរការជាង ៥ឆ្នាំហើយ បច្ចុប្បន្នកសិដ្ឋានមានស្រះចិញ្ចឹមត្រីប្រាចំនួន ៨ស្រះ ទំហំចាប់ពី ៦ ០០០-១០ ០០០ម៉ែត្រការ៉េ លើផ្ទៃដី ៦ហ.ត សមត្ថភាពផលិតត្រីប្រាបាន ៧ ០០០តោន/ឆ្នាំ។ ម្ចាស់កសិដ្ឋានបានឲ្យដឹងថាកសិដ្ឋានកំពុងជីកស្រះចិញ្ចឹមត្រីពោ និងត្រីប្រាពង្រីកបន្ថែម ដើម្បីឆ្លើយតបតាមតម្រូវការទីផ្សារ។ ពិនិត្យឃើញទិដ្ឋភាពជារួម […]