ព័ត៌មានសុខភាព និងសម្រស់

ឯកឧត្តមវេជ្ជបណ្ឌិត ញា ប៊ុនថន និងសហការី បានចុះពិនិត្យ​ការផ្តល់​សេវា​សុខាភិបាល​ជូនដល់​បងប្អូន​ប្រជាពលរដ្ឋ នៅតាមមណ្ឌលសុខភាព និងពិនិត្យមើលការសាងសង់អាគារមណ្ឌលសុខភាពថ្មី

(កំពត) ៖នាថ្ងៃព្រហស្បតិ៍ ទី២៣ ខែមីនា​ ឆ្នាំ​២០២៣ ឯកឧត្តម​វេជ្ជបណ្ឌិត​ ញា​ ប៊ុនថន​ ប្រធានមន្ទីរសុខាភិបាលខេត្តកំពត​ អមដំណេីរ​ដោយ​លោក​ សោ​ សាមុឺឌី​ ប្រធាន​រដ្ឋបាល​របស់​មន្ទីរ​,លោកប្រធានសុខាភិបាលស្រុកប្រតិបត្តិកំពង់ត្រាច បានចុះពិនិត្យ​ការផ្តល់​សេវា​សុខាភិបាល​ជូនដល់​បងប្អូន​ប្រជាពលរដ្ឋ និងសួរសុខទុក្ខដល់មន្ត្រីនៅតាមមណ្ឌលសុខភាព និងពិនិត្យមើលការសាងសង់អាគារមណ្ឌលសុខភាពថ្មីរបស់មណ្ឌលសុខភាពបឹងសាលា ​ក្នុង​មូលដ្ឋាន​ស្រុកកំពង់ត្រាច ( មណ្ឌលសុខភាពឬស្សីស្រុកខាងកើត មណ្ឌលសុខភាពបឹងសាលា និងមណ្ឌលសុខភាពឬស្សីស្រុក ) ។  

Read more
ព័ត៌មានជាតិ

សម្ដេចតេជោ ហ៊ុន សែន ទទួលជួបពិភាក្សាការងារជាមួយ រដ្ឋមន្ត្រីការបរទេស ធុរកិច្ចអន្តរជាតិ ពាណិជ្ជកម្ម និងថាមពល នៃប្រទេសដូមីនីក

នៅវិមានសន្តិភាព នាព្រឹកថ្ងៃទី ២៤ ខែមីនា ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារជាមួយនឹងឯកឧត្តម វីន ហេនដឺសាន់ (Vince Henderson) រដ្ឋមន្ត្រីការបរទេស ធុរកិច្ចអន្តរជាតិ ពាណិជ្ជកម្ម និងថាមពល នៃប្រទេសដូមីនីក។ ក្នុងជំនួបនេះ ឯកឧត្តមរដ្ឋមន្ត្រី បានសម្តែងនូវការគោរពចំពោះ សម្តេចតេជោ ហ៊ុន សែន ដែលបានដឹកនាំប្រទេសកម្ពុជា​ ប្រកបដោយសុខសន្តិភាព ស្ថិរភាព និងការអភិវឌ្ឍ។ ឯកឧត្តមបានបញ្ជាក់ថា ទស្សនកិច្ចរបស់លោកពេលនេះ គឺដើម្បីពង្រឹងទំនាក់ទំនងប្រទេសទាំងពីរ ឱ្យកាន់តែស៊ីជម្រៅថែមទៀត តាមរយៈក្រមខណ្ឌទ្វេភាគី និងពហុភាគី ជាពិសេសតាមរយៈការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យកសិកម្ម និងនេសាទ។ ជាកិច្ចឆ្លើយតប សម្តេចតេជោ ហ៊ុន សែន បានស្វាគមន៍ចំពោះការចុះហត្ថលេខាលើកិច្ចព្រមព្រៀងលើទិដ្ឋាការ ដែលនេះជាការចាប់ផ្តើមដ៏ល្អសម្រាប់កិច្ចសហប្រតិបត្តិការរវាងប្រទេសពីរ។ សម្តេចតេជោក៏បានស្វាគមន៍ផងដែរចំពោះបំណងរបស់ ឯកឧត្តមរដ្ឋមន្ត្រី ដែលចង់ពង្រឹង និងពង្រីកកិច្ចសហប្រតិបត្តិការលើវិស័យកសិកម្មរវាងប្រទេសទាំងពីរ។ សម្តេចក៏បានស្នើដល់ឯកឧត្តមរដ្ឋមន្ត្រីឱ្យពិនិត្យលទ្ធភាព ក្នុងការពង្រីងកិច្ចសហប្រតិបត្តិការទៅលើវិស័យផ្សេងៗទៀត ដូចជាវិស័យទេសចរណ៍ជាដើម៕

Read more