Month: March 2021

(ភ្នំពេញ) នៅព្រឹកថ្ងៃពុធ ៣រោច ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៣១ ខែមីនា ឆ្នាំ២០២១ វេលាម៉ោង ០៨:៣០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានអញ្ជើញដឹកនាំក្រុមការងារចុះពិនិត្យ និង សម្រួលការងារចាក់វ៉ាក់សាំងបង្ការជំងឺកូវីដ១៩ ជូនដល់ប្រជាពលរដ្ឋ ដែលមានអាយុ ៦០ឆ្នាំឡើង ក្នុងមូលដ្ឋានខណ្ឌដូនពេញ នៅមន្ទីរពេទ្យបង្អែកចតុមុខ ។ ក្នុងការចុះពិនិត្យនេះ លោក អភិបាល បានមានប្រសាសន៍ណែនាំសម្របសម្រួលឲ្យ ប្រជាពលរដ្ឋ ជាពិសេស លោកតាលោកយាយ អ៊ុំពូមីង ដែលបានអញ្ជើញមកចាក់វ៉ាក់សាំងនាពេលនេះ អនុវត្តតាមការណែនាំ ៣កុំ ៣ការពារ របស់រាជរដ្ឋាភិបាល ក៏ដូចជាវិធានការការពាររបស់ក្រសួងសុខាភិបាល ដោយរក្សាគម្លាត និងលាងដៃជាមួយអាល់កុល ឬ សាប៊ូ អោយបានញឹកញាប់ និង ស្តាប់តាមការណែនាំរបស់ក្រុមគ្រូពេទ្យជំនាញ ដើម្បីរួមគ្នាក្នុងការបង្ការទប់ស្កាត់ការរីករាលដាលជំងឺ covid-19 និង សូមជូនពរដល់បងប្អូនប្រជាពលរដ្ឋ ទាំងអស់ជៀសផុតអំពីជំងឺCovid-19 ទាំងអស់គ្នា 🙏🙏🙏.

(កំពង់ចាម) ដោយការគិតគូរអំពីសុខមាលភាពជារួមរបស់ប្រជាពលរដ្ឋនៅ ក្នុងសហគមន៍ និងដើម្បីការពារ ទប់ស្កាត់ការចម្លង និងការរីករាលដាលនៃជំងឺកូវីដ-១៩ នៅព្រឹកថ្ងៃទី៣១ ខែមីនា ឆ្នាំ២០២១ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវី-១៩ បានដឹកនាំអភិបាលរងខេត្ត មន្ទីរ ស្ថាប័នជុំវិញខេត្ត អាជ្ញាធមូលដ្ឋាន និងមន្ត្រីពាក់ព័ន្ធមួយចំនួន អញ្ជើញចុះពិនិត្យកងកម្លាំង និងស្ថានភាពរស់នៅរបស់ប្រជាពលរដ្ឋរស់នៅភូមិអូររុន ឃុំខ្ពបតាងួន ស្រុកស្ទឹងត្រង់ ក្រោយពីរដ្ឋបាលខេត្តបានចេញសេចក្តីសម្រេចលេខ ០២៥/២១ ស្តីពីការបិទភូមិអូររុន ជាបណ្ដោះអាសន្ន បន្ទាប់ពីរកឃើញអ្នកវិជ្ជមាន កូវីដ-១៩ បានប៉ះពាល់ដោយផ្ទាល់ និងដោយប្រយោល ចំពោះក្រុមគ្រូពេទ្យ នៃមណ្ឌលសុខភាព ខ្ពបតាងួន និងបងប្អូនប្រជាពលរដ្ឋមួយចំនួននៅក្នុងភូមិអូររុន ផង។ ឆ្លៀតក្នុងឱកាសនោះ ឯកឧត្តមអភិបាលខេត្ត លោកបានឧបត្ថម្ភនូវថវិកាដល់កងកម្លាំងដែលឈរជើងនោទីនោះ ដោយក្នុងម្នាក់ៗទទួលបាន ៥០,០០០រៀល ជូនដល់ឃុំចំនួនបី រួមមានឃុំខ្ពបតាងួន ឃុំព្រះអណ្ដូង និងឃុំពាមកោះស្នារ ស្រុកស្ទឹងត្រង់ ដោយក្នុង ១ឃុំៗ ទទួលបានម៉ាស ២,០០០ម៉ាស ទឹកអាល់កុល ១០០ លីត្រ និងថវិកាចំនួន ១លានរៀល។

រហូតដល់ម៉ោង​០៩:៣០​ព្រឹក​​​ថ្ងៃទី៣១មីនា២០២១​យើងរកឃើញករណីជំងឺកូវីដ-១៩​សរុបចំនួន​៦៣នាក់​ (ឆ្លងសហគមន៍ទាំងអស់)និងមានជាសះស្បើយ​១៥នាក់ ។ដូច្នេះចំនួនករណីជំងឺកូវីដ-១៩សរុប​កើន​ ២៤៤០នាក់​​​​​​​​​​​​​​ចំនួនសំរាកពេទ្យ១២៣៤នាក់​​​​និងចំនួនជាសះស្បើយសរុប​កើ១១៩១នាក់​​​​​​​​​​​​​​​​​និងស្លាប់ថ្មី​០​សរុប​ស្លាប់១១នាក់ ។ ជំងឺកូវីដ-១៩​នៅតែបន្តគម្រាមកំហែងយើងជាប់ជានិច្ច​សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យនៅឃ្លាតឆ្ងាយពីគ្នា​មិនចេញក្រៅផ្ទះបើមិនចាំបាច់ព្រោះប្រទេសយើងកំពុងរាត្បាតក្នុងសហគមន៍​ហើយ​និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​ ។ យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​ ។ល។ យើងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ ព័ត៌មានបន្ថែមសូមទាក់ទងលេខ​១១៥

​មី​យ៉ាន់​ម៉ា ៖ ​ក្រុម​ឧទ្ទាម​ប្រដាប់អាវុធ​ភាគតិច​កាលពី​ថ្ងៃ​អង្គារ បាន​គំរាម​រដ្ឋាភិបាលយោធា​ដោយ​ការ​សងសឹក​ប្រសិនបើ​ការបង្ហូរ​ឈាម​មិន​បញ្ឈប់​ ខណៈដែលចំនួន​ជន​ស៊ីវិល​ដែល​បាន​ស្លាប់​ក្នុងការ​បង្ក្រាប​របស់​ក្រុម​យោធា​មី​យ៉ាន់​ម៉ា​ទៅលើ​ក្រុមបាតុករ​បាន​កើន​ដល់​ជាង​៥២០​នាក់។ ​នេះ​បើ​យោងតាម​ប្រភពពី​សារព័ត៌មាន CNA​។​ ​មហាអំណាច​ពិភពលោក​បាន​បង្កើន​ការ​ថ្កោលទោស​ចំពោះ​ការបង្ក្រាប​របស់​យោធា​ទៅលើ​ក្រុមបាតុករ​ប្រឆាំងនឹង​រដ្ឋប្រហារ​ដែល​ទាមទារ​ការ​ស្តារឡើងវិញ​នូវ​រដ្ឋាភិបាល​ដែល​បាន​ជាប់ឆ្នោត​និង​ដោះលែង​មេដឹកនាំ​ស៊ីវិល​លោកស្រី​អ៊ុង​សាន ស៊ូ​ជី​។​ ​ទីក្រុង​វ៉ាស៊ីនតោន​បាន​ផ្អាក​កិច្ចព្រមព្រៀង​ពាណិជ្ជកម្ម​ជាមួយ​មី​យ៉ាន់​ម៉ា​និង​ប្រមុខ UN លោក Antonio Guterres បាន​អំពាវនាវ​ឱ្យ​មានការ​រួបរួមគ្នា​ជា​សកល​ដើម្បី​ដាក់​សម្ពាធ​លើ​រដ្ឋាភិបាលយោធា​បន្ទាប់​ពី​ក្រុមបាតុករ​ជាង ១០០ នាក់​ត្រូវបាន​សម្លាប់​នៅ​ចុង​សប្តាហ៍​បង្ហូរឈាម​។​ ​បន្ថែម​លើ​យុទ្ធនា​ការដាក់​សម្ពាធ​នោះ​ក្រុម​ឧទ្ទាម​ជនជាតិភាគតិច​៣​នាក់​កាលពី​ថ្ងៃ​អង្គារ​បាន​ថ្កោលទោស​ការបង្ក្រាប​ និង​បាន​គំរាម​វាយ​ប្រក​ហារ លើ​រដ្ឋាភិបាលយោធា​ដែល​បាន​បង្ក្រាប​អ្នក​តវ៉ា​បណ្តាល​ឲ្យ​ស្លាប់​មនុស្ស​រាប់រយ​នាក់​។​ ​ការប្រមូលផ្តុំ​គ្នា​ជា​រៀងរាល់ថ្ងៃ​នៅ​ទូទាំងប្រទេស​មី​យ៉ាន់​ម៉ា​ដោយ​ក្រុមបាតុករ​ដែល​គ្មាន​អាវុធ​ត្រូវបាន​ជួប​ជាមួយ​ឧស្ម័ន​បង្ហូរទឹកភ្នែក​គ្រាប់​ជ័រ គ្រាប់​ពិត ការ​បំផ្ទុះ​គ្រាប់បែក និង​មាន​ទាំង​ផ្ទុះអាវុធ​ធុន​ធ្ងន់​ថែមទៀត​។​ ​សមាគម​ជំនួយ​សម្រាប់​អ្នកទោសនយោបាយ​(AAPP)​បាន​និយាយថា​ខ្លួន​បាន​បញ្ជាក់ថា​ ចំនួន​ជន​ស៊ីវិល​សរុប​៥២១​នាក់​បាន​ស្លាប់​នៅ​យប់​ថ្ងៃ​អង្គារ ប៉ុន្តែ​ចំនួន​នេះ​នឹង​បន្ត​កើនឡើង​ទៀត ដោយសារ​នៅមាន​អ្នករបួសធ្ងន់​ជាច្រើន​។​ ​ជាមួយគ្នានេះ ពលរដ្ឋ​មី​យ៉ាន់​ម៉ា​រាប់ពាន់​បាន​ភៀសខ្លួន​ទៅ​ប្រទេស​ថៃ និង​កំពុង​លាក់ខ្លួន​នៅក្នុង​ព្រៃ​ពី​ការវាយប្រហារ​តាមផ្លូវ​អាកាស​របស់រ​ដ្ឋា​ភិ​បាល​មី​យ៉ាន់​ម៉ា​៕

ខេត្តស្វាយរៀង ៖ រដ្ឋបាលខេត្តស្វាយរៀង នៅថ្ងៃទី៣០ ខែមីនា ឆ្នាំ២០២១នេះ បានចេញសេចក្ដីជូនដំណឹងស្ដីពីការរកឃើញវិជ្ជមានជំងឺកូវីដ១៩ លើបុរសម្នាក់ឈ្មោះ សរ សុដានី អាយុ៣៩ឆ្នាំ មានតួនាទីអភិបាលរងក្រុងស្វាយរៀង រស់នៅក្រុងស្វាយរៀង និងការប៉ះពាល់ប្រជាពលរដ្ឋផ្សេងទៀត នៅក្នុងខេត្តស្វាយរៀង។ សេចក្ដីជូនដំណឹងរបស់រដ្ឋបាលខេត្ដស្វាយរៀងបានបញ្ជាក់ថា នៅថ្ងៃទី២១ ខែមីនា ឆ្នាំ២០២១កន្លងមក បុរសរូបនេះបានប៉ះពាល់ផ្ទាល់ជាមួយបុរសជនជាតិចិន ២នាក់ មានវិជ្ជមានជំងឺកូវីដ-១៩ និងនៅថ្ងៃទី២៧ ខែមីនា ឆ្នាំ២០២១ ក្រុមការងារបានយកវត្ថុវិភាគសំណាក ដើម្បីធ្វើតេស្ត នៅវិទ្យាស្ថានសុខភាពសាធារណៈ លទ្ធផលវិជ្ជមានជំងឺកូវីដ-១៩ ហើយក្រុមការងារបានបញ្ជូនទៅព្យាបាលនៅមន្ទីរពេទ្យបង្អែកស្វាយជ្រ នៅយប់ថ្ងៃទី២៩ ខែមីនា ឆ្នាំ២០២១។ ក្រុមការងារបានស្រាវជ្រាវរកឃើញ អ្នកពាក់ព័ន្ធដោយផ្ទាល់ និងប្រយោលជាមួយបុរសជនជាតិខ្មែរខាងលើ សរុបមានចំនួន១០៥នាក់ ស្រី២៩នាក់។ ក្នុងនោះអ្នកប៉ះពាល់ផ្ទាល់ ៤៤នាក់ ស្រី៨នាក់បានយកវត្ថុវិភាគសំណាកចំនួន៦នាក់ នៅសល់៣៨នាក់ រង់ចាំក្រុមការងារយកវត្ថុវិភាគសំណាកទៅធ្វើតេស្ត ត្រូវបានដាក់ធ្វើចត្តាឡីស័ករយៈពេល១៤ថ្ងៃ និងអ្នកប៉ះពាល់ប្រយោល៦១នាក់ ស្រី២១នាក់ ធ្វើចត្តាឡីស័កនៅតាមផ្ទះ៕  

ភ្នំពេញ ៖ នៅថ្ងៃទី៣១ ខែមីនា ឆ្នាំ ២០២១នេះ រដ្ឋាភិបាលសាធារណរដ្ឋប្រជាមានិតចិន តាមរយៈក្រសួងការពារប្រទេសនឹងផ្តល់ជូនវ៉ាក់សាំងស៊ីណូហ្វាមបង្ការជំងឺកូវីដ-១៩ ដែលជាជំនួយឧបត្ថម្ភលើកទី២ ចំនួន ៧០ម៉ឺនដូសជូនក្រសួងការពារជាតិព្រះរាជាណាចក្រកម្ពុជា ដែលជំនួយឧបត្ថម្ភនេះនឹងដឹកតាមយន្តហោះរបស់កងទ័ពជើងអាកាសសាធារណរដ្ឋប្រជាមានិតចិន។ គួរបញ្ជាក់ផងដែរងា ពិធីប្រគល់ទទួលនឹងប្រព្រឹត្តទៅក្រោមអធិបតីភាព សម្តេចពិជ័យសេនា ទៀបាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម វ៉ាង វិនធាន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា៕

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញសារលិខិតថ្លែងអំណរព្រះរាជគុណ ថ្វាយ សម្ដេចព្រះមហាក្សត្រី ដែលព្រះអង្គសព្វព្រះរាជហឫទ័យ ប្រោសព្រះរាជទានព្រះរាជទ្រព្យ ចំនួន២០ម៉ឺនដុល្លារអាមេរិក សម្រាប់ជួយដំណើរការរៀបចំ «មន្ទីរពេទ្យហ្លួងម៉ែ»។ សូមជម្រាបថា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យ ប្រោសព្រះរាជទានវិភាគទាន ជាព្រះរាជទ្រព្យផ្ទាល់ដ៏ឧត្តុង្គឧត្តម ចំនួន២០ម៉ឺនដុល្លារសហរដ្ឋអាមេរិក ជូនដល់រាជរដ្ឋាភិបាលកម្ពុជា ដើម្បីទ្រទ្រង់ដល់ដំណើរការទិញយកមន្ទីរពេទ្យស្រ្តីនគរទេព ដែលបច្ចុប្បន្នជាកន្លែងសម្រាប់ពិនិត្យព្យាបាលអ្នកជំងឺកូវីដ-១៩ ហើយនឹងត្រូវប្រែក្លាយទៅជាមន្ទីរពេទ្យរដ្ឋ ដោយប្រសិទ្ធនាមថា «មន្ទីរពេទ្យហ្លួងម៉ែ» នាពេលខាងមុខនេះ៕

(ខេត្តព្រៃវែង) ថ្ងៃអង្គារ៍ ២រោច ខែចេត្រ ឆ្នាំជូត ទោស័ក ព.ស ២៥៦៤ត្រូវនឹងថ្ងៃទី៣០ ខែមីនា ឆ្នាំ២០២១ឯកឧត្ដម ជា​ សុមេធី​ អភិបាលខេត្តព្រៃវែង​ និងគណៈកម្មការប្រយុទ្ធនិងជំងឺកូវីដ-១៩​ខេត្ត បានចូលរួមស្តាប់ក្នុងកិច្ចប្រជុំគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ស្តីពីការពិភាក្សារៀបចំគ្រប់គ្រងការរីករាលដាលនៃជំងឺកូវីដ-១៩ ករណីមានការឆ្លងរាតត្បាតទ្រង់ទ្រាយធំក្នុងសហគមន៍ តាមរយៈប្រព័ន្ធវីដេអសន្និសីទ ក្រោមអធិបតីភាព ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធនឹងកូវីដ-១៩នៅសាលប្រជុំពហុបំណង (B) នៃសាលាខេត្តព្រៃវែង។ ក្នុងនាមប្រធានគណៈកម្មការប្រយុទ្ធនិងជំងឺកូវីដ-១៩​ខេត្ត សូមធ្វើការប្តេជ្ញាខិតខំប្រឹងប្រែងអស់លទ្ធភាពក្នុងការអនុវត្តតួនាទី និងភារកិច្ចក្នុងការគ្រប់គ្រងគោលដៅ និងតំបន់ចត្តាឡីស័ក ក៍ដូចជាការត្រៀមសហការនិងការណែនាំផ្សេងៗ របស់គណៈកម្មការអន្តរក្រសួង និងស្ថាប័នពាក់ព័ន្ធអោយបានល្អ ដើម្បីរួមចំណែកក្នុងការបង្កើនប្រសិទ្ធភាពនៃការរៀបចំគ្រប់គ្រងការរីករាលដាលនិងការទប់ស្កាត់ជំងឺកូវីដ-១៩ ករណីការឆ្លងរាតត្បាតទ្រង់ទ្រាយធំក្នុងសហគមន៍ ជាពិសេស ការឆ្លងក្នុងសហគមន៍ ២០កុម្ភៈនេះ។ សារជាថ្មីម្តងទៀត​ ឯកឧត្ដម​ អភិបាល​ខេត្ត​​ និងប្រជាពលរដ្ឋក្នុង​ខេត្តព្រៃវែងទាំងមូល​ សូមគោរពជូនពរឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធនឹងកូវីដ-១៩ និងសហការី សូមមានសុខភាពល្អ​ បរិបូរណ៍​ប្រាជ្ញា​ឈ្លៀសវៃ​ និងជ័យជំនះ​គ្រប់ភារកិច្ច​ ដើម្បីជួយរួមចំណែកដឹកនាំ​ និងផ្តល់យន្តការដោះស្រាយបញ្ហាជំងឺកូវីដ-១៩ ដ៏កាចសាហាវមួយនេះ។

ដូចអ្វីដែលក្រសួងបានជម្រាបជូនឯកឧត្តម លោកជំទាវ លោក លោកស្រី ទាំងអស់បានជ្រាបពីវឌ្ឍនភាព និងសកម្មភាពនៃការនាំចេញកសិផលក្នុងខេត្តពីរដែលស្ថិតនៅជាប់ព្រំដែននៃប្រទេសវៀតណាម គឺខេត្តស្វាយរៀង និងខេត្តព្រៃវែង កាលពីថ្ងៃទី ២៧ ខែមិនា ឆ្នាំ២០២១ កន្លងទៅ ជាមួយនឹងការបញ្ជាក់ពីលទ្ធផលដែលបានកើតចេញពីការខិតខំប្រឹងប្រែងរបស់កសិករនិងអ្នកពាក់ព័ន្ធ ដោយបានអនុវត្តគោលនយោបាយវិស័យកសិកម្មនិងជាពិសេស អនុវត្តន៍តាមអនុសាសន៍ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន ប្រមុខនៃរាជរដ្ឋាភិបាល ក្នុងការជំរុញឲ្យកសិករបង្កើនការយកចិត្តទុកដាក់ខ្ពស់លើការផលិតនូវផលិតកម្មកសិកម្មដើម្បីធានាបាននូវសន្តិសុខស្បៀង ដោយអនុវត្តន៍តាមបច្ចេកវិទ្យាកសិកម្មថ្មី ស្របតាមស្តង់ដា ប្រកបដោយគុណភាព សុវត្ថិភាព និងការប្រកួតប្រជែង ក្នុងដំណាក់កាលដែលព្រះរាជាណាចក្រកម្ពុជា ក៏ដូចជាបណ្តាប្រទេសលើសកលលោកកំពុងប្រឈមនឹងការរីករាលដាលជាសកលនៃមេរោគកូវីដ ១៩ គឺបានធ្វើឲ្យកសិផលនៅកម្ពុជាមានការកើនឡើង រួមជាមួយនឹងការកើនឡើងនៃការនាំចេញកសិផលទៅកាន់ប្រទេសជិតខាង តាមច្រកទ្វារភាគី ក្នុងរយៈពេលជិតបីខែដើមឆ្នាំ ២០២១ គឺមានសកម្មភាពយ៉ាងសកម្ម និងមមាញឹកបំផុត បើទោះបីប្រទេសកម្ពុជា និងបណ្តាជិតខាង បាននិងកំពុងប្រឈមជាមួយការរីករាលដាលនៃជម្ងឺកូវិដ ១៩ យ៉ាងណាក៏ដោយ។ថ្ងៃនេះ ក្រសួងកសិកម្ម រុក្ខាប្រមាញ់ និងនេសាទ សូមបន្តផ្តល់ជូននូវវឌ្ឍនភាពនៃការនាំចេញផលិតផលកសិកម្ម ដែលទទួលបានរបាយការណ៍ពីមន្ទីរកសិកម្ម រុក្ខាប្រមាញ់ និងនេសាទខេត្តរតនគីរី តាកែវ កំពត និងបាត់ដំបង កាលពីថ្ងៃទី២៩ ខែមីនា ដែលបានបង្ហាញឲ្យឃើញអំពីបរិមាណកសិផលដែលបាននាំចេញ នៅក្នុងត្រីមាសទី១

(កំពង់ចាម)៖ ឯកឧត្តម អ៊ុន ចាន់ដា អភិបាលនៃគណ:អភិបាលខេត្តកំពង់ចាមនៅថ្ងៃទី៣០ ខែមីនា ឆ្នាំ២០២១ រដ្ឋបាលខេត្តកំពង់ចាម បានចេញសេចក្តីប្រកាសព័ត៌មាន ចុះថ្ងៃទី៣០ ខែមីនា ឆ្នាំ២០២១ ដោយបានជម្រាបជូនដំណឹងដល់ប្រជាពលរដ្ឋរស់នៅភូមិអូររុន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម ដែលធ្លាប់បានប្រាស្រ័យទាក់ទងដោយផ្ទាល់និងដោយប្រយោលពាក់ព័ន្ធនឹងអ្នកជំងឺកូវីដ-១៩ចំនួនពីរនាក់ដែលទើបទទួលបានលទ្ធផលបញ្ជាក់ពីវិទ្យាស្ថានសុខភាពសាធារណៈ (NIPH) កាលពីល្ងាចថ្ងៃទី២៩ ខែមីនា ឆ្នាំ២០២១ និងសូមអំពាវនាវឲ្យរាយការណ៍ជាបន្ទាន់ជូនអាជ្ញាធរមូលដ្ឋាននិងតាមដានសុខភាព ឬមកពិនិត្យសំណាកនៅមន្ទីរពេទ្យបង្អែក ហ៊ុនណេង ស្រុកស្ទឹងត្រង់ ព្រមទាំងធ្វើចត្តាឡីស័ក និងអនុវត្តវិធានការសុខាភិបាលឲ្យបានត្រឹមត្រូវ៕ សូមអានសេចក្តីប្រកាសព័ត៌មានដូចខាងក្រោម៖